Eurovision Song Contest 1976

Vu Wikipedia
21. Eurovision Song Contest
Datum 3. Abrëll 1976
Stad Den Haag (Holland)
Gebai Congresgebouw
Gewënner Brotherhood of Man (Groussbritannien)
Zuel vu Länner 18
Nei Participatiounen Keng
Moderatioun Corry Brokken
Interval Act The Dutch Swing College Band
Ofstëmmungsreegel An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
D'Grupp Brotherhood of Man, 1977
Congressgebouw, 2010

Den 21. Eurovision Song Contest war den 3. Abrëll 1976 an Holland. Organiséiert gouf d'Eurovisioun dat Joer am Nederlands Congresgebouw zu Den Haag. Presantatrice war d'Corry Brokken, déi 1956, 1957 an 1958 selwer als Sängerin am Grand Prix matgemaach hat.

Malta, Schweden an d'Tierkei waren dëst Joer net dobäi. Am Ganzen hunn 18 Länner matgemaach.

Verschidde Sänger ware scho virdru mol eng Kéier dobäi, de Fredi fir Finnland 1967, d'Sandra Reemer fir Holland 1972, d'Anne-Karine Strøm fir Norwegen 1973 an als Deel vun de Bendik Singers fir Norwegen 1974 an d'Grupp Peter, Sue and Marc fir d'Schwäiz 1971.

D'Reegel fir d'Ofstëmmung ass d'selwecht bliwwe wéi dat Joer virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Den Haag matgedeelt ginn.

Déi éischt Plaz kruten d'Vertrieder vu Groussbritannien, d'Grupp Brotherhood of Man, mat 17 Punkte Virsprong virum Catherine Ferry (Frankräich). Déi drëtt Plaz krut d'Mary Cristy, déi fir Monaco ugetruede war.

Fir Groussbritannie war et déi drëtt Kéier datt et de Grand Prix gewonnen hat. D'Gewënnerlidd Save Your Kisses for Me ass sechsmilliounemol verkaaft ginn an ass domat dee bis elo erfollegsräichsten Eurovisiounshit.

Klassement[änneren | Quelltext änneren]

Plaz Land Interpret Titel Punkten
1. Groussbritannien Brotherhood of Man Save Your Kisses for Me 164
2. Frankräich Catherine Ferry 1, 2, 3 147
3. Monaco Mary Cristy Toi, la musique et moi 93
4. Schwäiz Peter, Sue & Marc Djambo, Djambo 91
5. Éisträich Waterloo & Robinson My Little World 80
6. Israel Chocolate, Menta, Mastik Emor shalom 77
7. Italien Al Bano & Romina Power We’ll Live It All Again 69
8. Belsch Pierre Rapsat Judy et cie 68
9. Holland Sandra Reemer The Party Is Over 56
10. Irland Red Vincent Hurley When 54
11. Finnland Fredi & Friends Pump-Pump 44
12. Portugal Renato Carlos do Carmo 24
13. Griicheland Mariza Koch Panaghia mou, panaghia mou 20
14. Lëtzebuerg Jürgen Marcus Chansons pour ceux qui s'aiment 17
15. Däitschland Les Humphries Singers Sing Sang Song 12
16. Spuenien Braulio Sobran las palabras 11
17. Jugoslawien Ambasadori Ne mogu skriti svoju bol 10
18. Norwegen Anne-Karine Strøm Mata Hari 7

Um Spaweck[änneren | Quelltext änneren]

Stockholm (Schweden) London (Groussbritannien)
ESC 1975 Eurovision Song Contest ESC 1977