Francine Closener
| Francine Closener | |
|---|---|
 | |
| Gebuer |
29. Dezember 1969 Stengefort |
| Nationalitéit | Lëtzebuerg |
| Educatioun | Université libre de Bruxelles |
| Aktivitéit | Politiker, Journalist |
| Partei | LSAP |
| Famill | |
| Bestuet mat | Jay Schiltz |
 | |
D'Francine Closener, gebuer den 29. Dezember 1969 zu Stengefort, ass eng lëtzebuergesch Journalistin a Politikerin (LSAP).[1]
No hirer Première am Stater Lycée Michel-Rodange huet si e Studium zu Bréissel ugefaangen. 1993 huet si hiren Ofschloss am Beräich Journalismus a Kommunikatioun gemaach an d'Joer drop ugefaangen als politesch Journalistin bei RTL Radio Lëtzebuerg ze schaffen, wou si 2008 Chefredaktesch ginn ass. 2010 ass si bei RTL Télé Lëtzebuerg gewiesselt.[2]
National Politik[änneren | Quelltext änneren]
Bei de Chamberwale vum 20. Oktober 2013 a bei deene vum 14. Oktober 2018 huet si op der Lëscht vun der LSAP am Zentrumsbezierk kandidéiert, gouf awer net an d'Chamber gewielt. Den 3. Dezember 2019 ass si fir de Marc Angel op de Krautmaart nogeréckelt (Den Angel ass sengersäits vun der Chamber an d'Europaparlament nogerëtscht, nodeems den Nicolas Schmit vun do fortgoung fir Europäesche Kommissär ze ginn).
De 4. Dezember 2013 gouf si Staatssekretärin fir Wirtschaft a fir d'Force publique an der Regierung Bettel-Schneider an ass dat bliwwe bis de 5. Dezember 2018[3]. Zanterhi si Responsabel fir den Nation Branding am Ausseministère.[4]
De 5. Mäerz 2022 gouf si, zesumme mam Dan Biancalana, op engem Parteikongress zu der Kopresidentin vun der LSAP gewielt.[5]
Bei de Chamberwale vum 8. Oktober 2023 gouf si an d'Chamber gewielt.[6]
Kommunalpolitik[änneren | Quelltext änneren]
Bei de Gemengewale vum 11. Juni 2023 gouf d'Francine Closener an de Gemengerot vun der Gemeng Mamer gewielt, wou si den 3. Juli 2023 als Schäffin vereedegt gouf.[7]
D'Francine Closener ass Wittfra[8] vum Jay Schiltz a Mamm vun zwee Kanner.[9],[10]
Quellen[änneren | Quelltext änneren]
- Biographie op gouvernement.lu
Referenzen[Quelltext änneren]
- ↑ Presentatioun op lsap.lu
- ↑ rtl.lu: Serie: Déi 'nei' Memberen an der Regierung - Francine Closener. (Audio-Reportage; 10 Dezember 2013 - 08:40)
- ↑ Arrêté grand-ducal du 5 décembre 2018 accordant démission honorable à Madame Francine CLOSENER, Secrétaire d'État. op legilux.public.lu
- ↑ "3 Nominatiounen: Francine Closener, Jo Kox, Olaf Münichsdorfer." rtl.lu, 2018-12-19.
- ↑ "LSAP-Kongress: Dan Biancalana an d'Francine Closener an déi nei Duebelspëtzt gewielt." rtl.lu, 05.03.2022.
- ↑ elections.public.lu.
- ↑ "Assermentation des collèges des bourgmestre et échevins." Communiqué op mint.gouvernement.lu, 03.07.2023.
- ↑ "Jay Schiltz s'en est allé." wort.lu, 21 mai 2020.
- ↑ rtl.lu: 100,7: De Jean-Claude Franck ass neie Chefredakter. (20. Dezember 2013 - 09:24; fir d'lescht aktualiséiert: 20 Dezember 2013 - 10:40)
- ↑ revue.lu: Starke Frauen gegen Stagnation (11. Oktober 2013; gekuckt de 16. Januar 2014)