La Renaissance française
(fr)
 |
Dokumentatioun vun der Säit La Renaissance française | [liesen] [änneren] [Versioune weisen] |
D'Dokumentatioun fir dës Säit steet hei ënnendrënner an ass vun der Säit La Renaissance française/doc hei agebonne ginn. All Froe sollen och op där hirer Diskussiounssäit gestallt ginn.
| La Renaissance française | |
|---|---|
| Rechtsform | Établissement d'utilité publique |
| Grënnungsdatum | 1915 |
| Sëtz | Paräis |
| 14, avenue René-Boylesve | |
| President |
Denis Fadda[1] (Stand: Oktober 2025) |
| Websäit | http://www.larenaissancefrancaise.org |
 | |
La Renaissance française ass eng franséisch Associatioun, déi sech fir d'Erhalen an d'Verbreedung vun der franséischer Sprooch a Kultur engagéiert. Se huet de Statut als Établissement d'utilité publique à vocation internationale.
D'Associatioun huet als Devise: Culture-solidarité-francophonie.
D'Renaissance française gouf 1915 gegrënnt, mat Sëtz zu Paräis. Si huet sougenannten Delegatiounen an enger Rëtsch vu franséischen Departementer an och a 14 Länner, déi d'franséisch Sprooch en partage hunn, dorënner zanter 2011 och Lëtzebuerg.
Ziler vum Veräin
[änneren | Quelltext änneren]D'Haaptziler vum Veräin sinn:
„Elle a pour but d'aider et de promouvoir les initiatives individuelles ou collectives, tendant à accroître le rayonnement de la langue française, de la culture et des traditions françaises et francophones ainsi que des valeurs de la francophonie. Elle entend œuvrer pour la paix par la promotion de la culture, la rencontre, le dialogue, l'échange, le partage et récompenser les mérites.“
Historique
[änneren | Quelltext änneren]La Renaissance française gouf 1915[2] vum Raymond Poincaré, President vun der franséischer Republik, gegrënnt, fir de Bierger aus Loutrengen an dem Elsass de Retour an déi franséisch Sprooch a Kultur nom Enn vum Éischte Weltkrich z'erliichterten. D'Statute vun der Associatioun, deemools mam Numm « La Renaissance Française de l’Alsace-Lorraine », goufen de 27. Abrëll 1916 deposéiert[2]. Méi spéit huet d'Associatioun hir Objektiver erweidert an op eng Rëtsch Länner ausgedeent, déi franséischsproocheg sinn, oder awer d'franséisch Sprooch 'en partage' hunn.
Delegatiounen
[änneren | Quelltext änneren]De Veräin huet eng Rëtsch in- an auslännesch Delegatiounen(Stand: Oktober 2025):
- 23 a Frankräich[3];
- 7 an Afrika[4];
- 4 an Asien[5];
- 2 an Nordamerika[6];
- 7 a Latäinamerika[7];
- 14 an Europa, dorënner och eng zu Lëtzebuerg[8].
La Renaissance française zu Lëtzebuerg
[änneren | Quelltext änneren]La Renaissance française au Luxembourg gouf offiziell de 14. November 2011 gegrënnt, dat a Presenz vum franséischen Ambassadeur, dem internationale President Antoine Guerrier de Dumast, dem Laurent Mosar, President vun der Chamber, a vum François Biltgen, Minister vun der Kultur. Grënnungsmember an éischte President vun der Lëtzebuerger Delegatioun ass de Bruno Théret.[9][10]
Bei där Geleeënheet kruten dräi Persoune Medaile fir hir Verdéngschter ëm d'franséisch Sprooch a Kultur zu Lëtzebuerg: d'Danièle Fonck, Direktesch vum Grupp Editpress; d'Françoise Pirovalli, Responsabel fir d'Ëffentlechkeetsaarbecht (Relations publiques) am Centre culturel de rencontre Abbaye de Neumünster; de Christophe Déage, President vun der Sociétéit déi d'Gestioun vum Schlass vun Aansebuerg mécht.[10]
Literatur
[änneren | Quelltext änneren]- Lorent, J., 2011. « la Renaissance française » a vu le jour. Acte solennel sous le signe de la culture et langue françaises à l'ambassade de France à Luxembourg. Luxemburger Wort vum 16. November 2011, S.
Kuckt och
[änneren | Quelltext änneren]Um Spaweck
[änneren | Quelltext änneren]- Websäit vun der Renaissance française
- D'Lëtzebuerger Delegatioun op der franséischer Säit vum Veräin
Referenzen an Notten
[Quelltext änneren]- ↑ (fr) par webmaster-LRF, Bureau, CA, AG. La Renaissance Française. Gekuckt den 20.10.2025.
- 1 2 (fr) L'histoire et la mission de La Renaissance Française. La Renaissance Française. Gekuckt den 20.10.2025.
- ↑ (fr) LRF Délégations en France : La Promotion de la Culture Française. La Renaissance Française. Gekuckt den 20.10.2025.
- ↑ (fr) LRF Délégations en France : La Promotion de la Culture Française. La Renaissance Française. Gekuckt den 20.10.2025.
- ↑ (fr) Promotion de la Culture Française en Asie par LRF. La Renaissance Française. Gekuckt den 20.10.2025.
- ↑ (fr) Rayonnement de la Culture Française en Amérique du Nord par LRF. La Renaissance Française. Gekuckt den 20.10.2025.
- ↑ (fr) LRF Promotion de la Culture Française en Amérique Latine. La Renaissance Française. Gekuckt den 20.10.2025.
- ↑ (fr) Promotion de la Culture Française en Europe avec LRF. La Renaissance Française. Gekuckt den 20.10.2025.
- ↑ De Bruno Théret ass Direkter bei ArcelorMittal.
- 1 2 Luxemburger Wort vum 16. November 2011, S. 25.