Marie Muller
| Marie Muller | |
|---|---|
 | |
| Gebuer |
29. Juli 1985 Filderstadt |
| Nationalitéit | Lëtzebuerg |
| Aktivitéit | Judoka |
| Gréisst | 163 cm |
| Gewiicht | 53 kg |
| Huet matgemaach bei | Olympesch Summerspiller 2008, Olympesch Summerspiller 2012 |
| Famill | |
| Papp | Charles Muller |
 | |
D'Marie Muller, gebuer den 29. Juli 1985 zu Filderstadt bei Stuttgart, ass eng fréier lëtzebuergesch Judoka an duebel Olympionickin.
Si huet lëtzebuergesch-däitschen Originnen: hir Mamm ass Däitsch iwwerdeems hire Papp, de fréiere Fechter a fréieren Direkter vum Escher Theater, Charles Muller, Lëtzebuerger ass.
2008, 2010 an 2012 war si Lëtzebuerger Sportlerin vum Joer. 2016 huet si wéinst Blessure mat hirer Sportscarrière opgehalen.[1]
Den 28. September 2012 huet si sech zu Esslingen mat hirem Trainer Ralf Heiler bestuet.[2]
Sportskarriär
[änneren | Quelltext änneren]D'Marie Muller huet eréischt zanter 2007 d'Lëtzebuerger Faarwe representéiert. Virdru war se (hire Papp ass Lëtzebuerger) an der däitscher Nationalekipp. No zwou schwéieren Operatiounen um Knéi an den noutgedrongene Pausen huet déi jonk Judokämpferin sech du fir d'lëtzebuergesch Formatioun decidéiert. Hir éischt international Kompetitioun fir Lëtzebuerg war bei de Spiller vun de klenge Länner 2007 zu Monaco.
Hir Participatioun bei den Olympesche Summerspiller 2008 zu Peking am Hallef-Liichtgewiicht (-52 kg) war souwuel fir d'Sportlerin wéi och de Grand-Duché eng Première. Et waren hir éischt Spiller an et war och déi éischt Kéier datt eng weiblech Judoka Lëtzebuerg bei den Olympesche Spiller vertrueden huet. D'Marie Muller hat d'Olympia-Qualifikatioun net direkt gepackt, krut awer no gudde Resultater beim Super World Cup 2008 zu Moskau nach am leschten Ament eng Wild Card fir Peking wou si déi 9. gouf.
No den Olympesche Spiller huet d'Marie Muller sech an d'Lëtzebuerger Arméi gemellt wou si vu Januar bis Abrëll 2009 hir Grondausbildung gemaach huet an duerno e spezielle Programm fir Héichleeschtungssportler absolvéiert huet. Si gouf duerno vun der Arméi fräigestallt fir sech voll hirem Training an der Kompetitioun ze konsakréieren.[3]
Bei den Olympesche Summerspiller 2012 zu London huet si knapps eng Bronze-Medail verpasst an ass op déi 5. Plaz komm.[4] Bei der Erëffnungsfeier huet si de lëtzebuergesche Fändel gedroen.
Hire Veräin zu Lëtzebuerg ass de JJC Bonnevoie an an Däitschland ass si am Bundesligateam vum KSV Esslingen.
Palmarès
[änneren | Quelltext änneren]2004
[änneren | Quelltext änneren]- 2. Plaz, DEM zu Lübeck (-48 kg)
- 3. Plaz, EM U23 zu Ljubljana (-48 kg)
- Deelgeholl un der Juniore-WM zu Budapest
2005
[änneren | Quelltext änneren]- 5. Plaz, WC zu Leonding (Éisträich)
- 2. Plaz, Däitsche Mannschaftsmeeschter mat der 1. Judobundesliga vum KSV Esslingen
- 5. Plaz, EM U23 zu Kiew
2006
[änneren | Quelltext änneren]- 7. Plaz, Super World Cup zu Hamburg
- 1. Plaz, DHM zu Braunschweig
- 5. Plaz, DEM zu Esslingen
2007
[änneren | Quelltext änneren]- 1. Plaz bei de Swedish Open an der Gewiichtsklass -52 kg, (3. November 2007)
- 5. Plaz bei de Europameeschterschaften u23 zu Salzburg
- 1. Plaz bei de Spiller vun de klenge Länner zu Monaco
- 9. Plaz, Universiade zu Bangkok
- 9. Plaz, A-World Cup zu Tallinn
- 9. Plaz, Super World Cup zu Rotterdam
2008
[änneren | Quelltext änneren]- 9. Plaz ënner 22 Konkurrentinnen aus 22 Natioune bei den Olympesche Summerspiller 2008 zu Peking (Gewiichtsklass -52 kg)
- 1. Plaz, A-World Cup zu Birmingham
- 5. Plaz, Super-World Cup zu Moskau
- 7. Plaz, A-World Cup zu Roum
- 9. Plaz, A-World Cup zu Warschau
2009
[änneren | Quelltext änneren]- 1. Plaz, Spiller vun de klenge Länner zu Nikosia op Zypern (-57 kg) am Eenzel a mat der Ekipp
- 2. Plaz, World Cup op Samoa
- 3. Plaz, Jeux de la francophonie zu Beirut
- 5. Plaz, IDM Frauen zu Sindelfingen (-57 kg)
2010
[änneren | Quelltext änneren]- 5. Plaz, Grand Prix zu Qingdao
- 5. Plaz, Grand Slam zu Tokyo
- 1. Plaz, World Cup zu Birmingham
- 9. Plaz, Weltmeeschterschaft zu Tokyo, ausgescheet an der 1/8 Finall (no Verlängerung) géint d'spéider Weltmeeschterin
- 3. Plaz, World Cup zu Miami
- 2. Plaz, US Open zu Miami
- 1. Plaz, World Cup zu Tallinn
- 9. Plaz, World Cup zu Sao Paulo
- 3. Plaz, World Cup zu Warschau, ë. a. mat der
Joana Ramos - 2. Plaz, Grand Slam zu Rio
- 5. Plaz, World Cup zu Budapest
2011
[änneren | Quelltext änneren]- 3. Plaz, World Cup zu Samoa
- 5. Plaz, World Cup zu Roum
- 2. Plaz, World Cup zu El Salvador
- 3. Plaz, World Cup zu Venezuela
- 5. Plaz, World Cup zu Sao Paulo
2012
[änneren | Quelltext änneren]- 5. Plaz ënner 23 Konkurrentinnen aus 22 Natioune bei den Olympesche Summerspiller 2012 zu London (Gewiichtsklass -52 kg)
2013
[änneren | Quelltext änneren]- 1. Plaz bei de Spiller vun de klenge Länner 2013 zu Lëtzebuerg (Gewiichtsklass -52 kg)
Kuckt och
[änneren | Quelltext änneren]
Portal Sport- Lëscht vu lëtzebuergesche Sportler
- Lëscht vu lëtzebuergeschen Olympionicken
- Lëtzebuergesch Sportler vum Joer
| Virdrun |  Sportlerin vum Joer
|
Duerno |
|---|---|---|
| Liz May Liz May Mandy Minella |
2008 2010 2012 |
Liz May Mandy Minella Christine Majerus |
Literatur
[änneren | Quelltext änneren]- Gricius, Pierre. Luxemburger Sportlerinnen bei den olympischen Spielen 1924 - 2012. Luxembourg: Conseil national des femmes, 2013. Print. S. 74-75. ISBN 978-2-9599734-5-1
Referenzen
[Quelltext änneren]- ↑ "Réckbléck op eng aussergewéinlech Carrière." op rtl.lu, 20.10.2016.
- ↑ Wort.lu: Von der Matte zum Traualtar: Hochzeitsglocken für Marie Muller
- ↑ marie-muller.info "about me" Archivéiert de(n) 2012-03-25. Gekuckt de(n) 2011-06-07.
- ↑ Wort.lu: Judoka Marie Muller verpasst knapp die Bronzemedaille und wird Fünfte