Personalunioun

Vu Wikipedia
Wiesselen op: Navigatioun, sichen
D'Personalunioun vum Keeser Karel V. (16. Jh.) ██ Kastilien ██ Aragon ██ Burgundesche Besëtz ██ Éisträichescht Ierfland ██ Hellegt Réimescht Räich

Personalunioun nennt een, wann eng an déiselwecht Persoun verschidde Funktiounen, déi vunenee getrennt sinn, ausübt.

Bei feudalen Herrscher oder hautesdaags Staatscheffe schwätzt ee vu Personalunioun, wa se a méi wéi engem Land un der Spëtzt stinn.

Beispiller vu Personalunioun sinn:

  • Éisträich-Ungarn tëscht 1867 und 1918; de Keeser vun Éisträich war a Personalunioun och Kinnek vun Ungarn.
  • Personalunioun tëscht de Kinnekräicher Ungarn a Kroatien vun 1102 bis 1918
  • Personalunioun tëscht England a Schottland vu 1603 bis 1707 (1707 goufe se zum Kinnekräich Groussbritannien zesummegeluecht).
  • Personalunioun tëscht Spuenien a Portugal (1580–1640).
  • Personalunion tëscht Holland a Lëtzebuerg (1815–1890).
  • Unioun tëscht Dänemark an Norwegen (1521–1814).
  • Unioun tëscht Norwegen a Schweden (1814–1905).
  • Personalunioun têscht Island an Dänemark (1919-1944).