Seed to Tree

Vu Wikipedia
Op d'Navigatioun wiesselen Op d'Siche wiesselen
Seed to Tree
SeedToTree 2019.jpg
Genre Indie-Pop
Land Flag of Luxembourg.svg Lëtzebuerg
Grënnung 2010
Websäit www.seedtotree.com
Memberen
Georges Goerens Gesank, akustesch Gittar
Benjamin Heidrich elektresch Gittar, Mandolin, Hannergrondgesank
Michi Mentgen Batterie
Jean-Marc Feltz Keyboard
Benjamin Renz Bass
Wikidata-logo-without-paddings.svg

Seed to Tree ass eng lëtzebuergesch Folk-Pop-Museksgrupp. Hir Texter sinn op Englesch. Den Numm vun der Grupp ass en Hommage un d'Lidd Seed to a tree aus dem Joer 1992 vun de Blind Melon.

Geschicht[änneren | Quelltext änneren]

D'Grupp hat hiren Ufank 2009, wéi de Georges an de Benjamin ugefaangen hunn zesummen ze sangen a Gittar ze spillen. De musikalesche Projet ass awer eréischt Ufank 2010 richteg an d'Rulle komm wéi de Batteur Michi dobäi komm ass. Eng Zäit laang ass och nach e Bassist dobäi komm, mä se hunn awer decidéiert, léiwer als Trio weiderzemaachen an eng méi akustesch Richtung anzeschloen.

2010 hate se hir éischt Optrëtter a Caféen an a Jugendzentren[1] a se hunn e lokale Bandconcours gewonnen, wou se déi bescht vun 12 Gruppe gi sinn.

2011 si se an der Stad op der Fête de la musique opgetrueden, am November 2012 an der Rockhal beim Sonic Visions Festival.

Am September 2012 ass hir éischt EP Seed to Tree erauskomm.

Nodeem d'Band duerch de Jean-Marc Feltz um Keyboard an de Benjamin Renz um Bass op fënnef Memberen erweidert gouf, hu se de 14. Mäerz 2015 an der Rockhal hiren neien Album The Wandering presentéiert.[2]

Diskographie[änneren | Quelltext änneren]

  • 2012: Seed to Tree (EP)
  • 2015: The Wandering (CD)

Literatur[änneren | Quelltext änneren]

  • Luxemburger Wort vum 15. September 2012: Qui sème le vent, récolte de tempo
  • Le Quotidien vum 4. Oktober 2012: Une graine qui commence à pousser

Um Spaweck[änneren | Quelltext änneren]

Referenzen[Quelltext änneren]

  1. Seed to Tree: Branching out with folk-pop music op wort.lu, 3. August 2012
  2. Junger Folkrock mit Eleganz op wort.lu, 15. Mäerz 2015 15:49