Simone Beissel

Simone Beissel
Gebuer	27. Abrëll 1953 Lampertsbierg
Nationalitéit	Lëtzebuerg
Educatioun	Institut d'études politiques de Paris
Aktivitéit	Politiker, Affekot
Partei	Demokratesch Partei

D'Simone Beissel gebuer de 27. Abrëll 1953 um Lampertsbierg, ass eng lëtzebuergesch Affekotin an DP-Politikerin.

Biographie

D'Simone Beissel ass um Lampertsbierg an enger Juristefamill opgewuess. Hir Mamm war Affekotin an hire Papp war Generalsekretär vun der MMRA vu Rodange. No hirer Première am Lycée Robert-Schuman huet si Droit zu Aix-en-Provence a Politik zu Paräis studéiert.

1987 ass si Member vun der Demokratescher Partei ginn. Vun 1995 bis 1996 war si Presidentin vum CNFL.

Si ass zanter 1991 am Stater Gemengerot, a war do vun 1999 bis 2005, an dann nees zanter 2009, och Schäffin.^,

Vun 1999 bis 2004 war si Deputéiert an der Chamber. Bei de Wale vum 20. Oktober 2013, bei deene vum 14. Oktober 2018 an och bei deene vum 8. Oktober 2023 gouf si duer erëmgewielt.

Ausserdeem ass d'Simone Beissel zanter Enn Januar 2000 ee vun de 4 Lëtzebuerger Representatnen am EU-Comité vun de Regiounen.

Privatliewen

D'Simone Beissel ass bestuet an huet 2 Kanner.

Tëscht 1967 an 1973 war si e puermol, mat hirem Brudder René Beissel, lëtzebuergesch Landesmeeschterin am Seegelen.

Si ass Vizepresidentin vun der Fondation du Mérite Européen an zanter 1994 Presidentin vun der Association des Femmes Libérales.

Gielercher

• Officier vum Ordre de Mérite du Grand-Duché de Luxembourg (Promotioun 2004)

Um Spaweck

Commons: Simone Beissel – Biller, Videoen oder Audiodateien

• Portrait vun der DP fir d'Wale 2009
• CV vum Simone Beissel op vdl.lu
• Artikel op www.dp.lu
• CV op www.cnfl.lu