Stauséigemeng

Stauséigemeng
déi provisoresch Büroe vun der Gemengeverwaltung zu Béiwen
An anere Sproochen	fr: Lac de la Haute-Sûre de: Stauseegemeinde
Land	Lëtzebuerg
Kanton	Kanton Wolz
Chef-lieu	Béiwen
Buergermeeschter	Marco Koeune
Awunner	2.320
	1. Januar 2026
Fläch	48,50 km²
Héicht	424 m
Koordinaten	49° 55’ 12’’ N       5° 50’ 49’’ O
LAU-Code	LU0806
Websäit	https://lac-haute-sure.lu
D'Stauséigemeng (orange) am Kanton Wolz (rout)

De Stauséi bei Léifreg

D'Stauséigemeng, offiziell Commune Lac de la Haute-Sûre, ass eng vun den 100 lëtzebuergesche Gemengen. Se läit am Kanton Wolz.

De Chef-lieu ass zu Béiwen; d'Büroe vun der Gemeng si provisoresch zanter Januar 2023 zu Harel, nodeems d'Märei zu Béiwen ofgerappt an nei gebaut gëtt.

D'Gemeng huet 2.320 Awunner (Stand 1. Januar 2026).

Geographie

D'Stauséigemeng läit am Éislek. Am Süden ass se duerch den Uewersauer-Stauséi limitéiert. No Nordwesten hin geet se bis un d'Grenz mat der Belsch, an ëmfaasst d'Béiwener Baach mat den Häng a Plateaue lénks a riets dovun.

Nopeschgemengen

		Wanseler
	(B)	N	Géisdref
		W    Stauséigemeng    O
		S
	Bauschelt	Stauséigemeng	Esch-Sauer

Uertschaften a Lieu-diten an der Gemeng

Uertschaften

Fréier Gemeng Harel

• Eeschpelt
• Harel
• Walter

Fréier Gemeng Meecher

• Béiwen
• Kauneref
• Léifreg
• Meecher
• Noutem

Häff a Lieu-diten

Fréier Gemeng Meecher

• Dénkert
• Schumannseck

Geschicht

D'Gemeng ass den 1. Januar 1979 aus der Fusioun vun de Gemenge Meecher an Harel entstanen.

Méiglech Fusioun

Zanter der Mëtt vun den 2020er Jore besti Pläng vun enger méiglecher Fusioun vun der Stauséigemeng mat der Gemeng Bauschelt. Dozou 2027 Referendumen ofgehale ginn, fir datt 2029 déi éischt Wale vun der neier Fusiounsgemeng kéinten ofgehale ginn. Ufanks stoung an der Diskussioun, datt och Wanseler matmaache kéint; ma do war schlussendlech keen Intressi.

Wopen

Beschreiwung am Originaltext: Tiercé en fasce de gueules, d'or à quatre bandes de sable et d'azur au brochet en fasce d'argent D.C. 16. Mee 1988 - A.M. 22. Juni 1988 - Mémorial B 1988, Säit 602 - Projet: 1987 Jean-Claude Loutsch

Demographesch Entwécklung

Quell: STATEC – Population par canton et commune, automatesch vu Wikidata agebonnen.

Politik

De Gemengerot vun der Stauséigemeng gëtt nom Majorzsystem gewielt.

Buergermeeschteren

• 1979 – 1988: Henri Nanquette
• 1988 – 2005: Nico Loes
• 2005 - 2023: René Michels
• zanter 2023: Marco Koeune

Bildung

Zesumme mat de Gemenge Bauschelt a Wanseler huet d'Stauséigemeng zanter 1994 zu Harel eng gemeinsam Regionalschoul fir d'Grondschoul, d'Regionalschoul Uewersauer.

Interkommunal Syndikater

D'Stauséigemeng ass Member vu follgenden interkommunale Syndikater:

• DEA
• École régionale Uewersauer
• Naturpark Uewersauser
• SIDEC
• SIDEN
• SIGI
• SYVICOL

Kuckt och

• Lëscht vun den nationale Monumenter an der Stauséigemeng
• Naturpark Uewersauer
• Stauséi Uewersauer
• Regionalschoul Uewersauer
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Stauséigemeng – Biller, Videoen oder Audiodateien

• Websäit vun der Stauséigemeng
• D'Stauséigemeng op der Websäit vum Syvicol
• Stauseegemeinde feiert 40. Geburtstag op wort.lu den 19. Mäerz 2019, fir d'lescht gekuckt den 23. Mäerz 2019