Suessem

Suessem
D'Suessemer Schlass
Aussprooch
An anere Sproochen	fr: Sanem de: Sassenheim
Land	Lëtzebuerg
Kanton	Esch-Uelzecht
Gemeng	Suessem
Buergermeeschter	Simone Asselborn-Bintz (LSAP)
Awunner	2.825
	1. Januar 2023
Fläch	844,4680 ha
Héicht	303 m
Koordinaten	49° 32’ 53’’ N       05° 55’ 46’’ O

Weekappell beim Suessemer Schlass

Suessem ass eng Uertschaft am Südoste vu Lëtzebuerg, am Kanton Esch-Uelzecht, an huet der Gemeng Suessem hiren Numm ginn.

Geschicht

Den Numm Suessem kënnt fir d'éischt 1268 als Sasseheim vir. Änlech Forme sinn:

• Sasenheim, 1274
• Sayssinneim, 1274
• Saneim, 1291
• Zaissenem, 1293
• Saney, 1311
• Saissenheim, 1370
• Sasenhem, 1385

Toponymie

Den Numm Sassenheim besteet aus dem Grondwuert "Sassen-" an der Nosilb "-heim". Uertschaften, déi mat der Nosilb "-heim" ophalen, ginn dacks op eng Grënnung duerch d'Germanen, zu der Zäit vun der Vëlkerwanderung zeréck.

D'Grondwuert "Sassen" leet sech vum germaneschen Numm Sahso of, dat iwwersat "Der Sachse" bedeit. An dësem Fall wier d'Siidlung eventuell no engem Sippen-Eelste benannt ginn. Méiglech ass awer och, datt ënner dem Karel dem Groussen eng gewëssen Unzuel vu Sachsen do ugesiedelt goufen, an datt d'Uerschaft ufanks ee "Sachsenheim" war. De Karel de Groussen, dee laang an ëmmer erëm géint déi heednesch Sachsen an de Krich gezunn ass, huet mat Virléift d'Ëmsiedlung an d'fränkescht Räich als Mëttel agesat, fir de Widderstand ze briechen.

Enger weiderer Theorie no, déi awer net ganz iwwerzeegend kléngt, wier d'Uertschaft réischt ëm d'Joer 1000 entstanen, zu enger Zäit wou d'Leifeegener och Hintersassen genannt goufen. Deemno wier Suessem virun 1000 Joer e "Leifeegenen"duerf gewiescht (mee dann hätte ganz vill Dierfer esou kënne genannt ginn!).

Kuckt och

Kierch Suessem Schlass Suessem Bemierkenswäert Beem beim Schlass déi 500-järeg Lann d'Trauerbuch am Park Gare Nidderkäerjeng-Suessem Tunnel Aessen

Lëscht vun de Lëtzebuerger Gemengen Lëscht vun de Lëtzebuerger Uertschaften Lëtzebuerger Kantonen Entwécklung vun der Gemengenzuel zu Lëtzebuerg Lëscht vun de Lëtzebuerger Stied

Um Spaweck

Commons: Suessem – Biller, Videoen oder Audiodateien

• Offiziell Säit vun der Gemeng Suessem

Literatur

• Edouard Marc Kayser, Qui a peur des Saxons? Note à propos du toponyme Sassenheim (Suessem) / Sanem; in: Galerie, Jg. 10 (Déifferdang, 1992), Heft Nr. 1; Ss. 41-43.
• Kollektiv, Eng Gemeng an hir Geschicht. Bieles-Éilereng-Suessem-Zolwer; Band 1, 311 S. (Januar 1993), Band 2, 320 S. (November 2007); erausgi vun der Gemeng Suessem an Zesummenaarbecht mat de Geschichtsfrënn; Dréckerei Heintz, Péiteng.