Op den Inhalt sprangen

Albert Kratzenberg

Vu Wikipedia
Albert Kratzenberg
Gebuer 8. Abrëll 1890
Clierf
Gestuerwen 23. Mee 1966
Clierf
Alter 76 Joer
Nationalitéit Lëtzebuerg
Aktivitéit Sculpteur
Auszeechnungen Prix Grand-Duc Adolphe, Prix Grand-Duc Adolphe
Famill
Geschwëster Damien Kratzenberg

Den Albert Kratzenberg, gebuer den 8. Abrëll 1890 zu Clierf, a gestuerwen och do den 23. Mee 1966[1], war e lëtzebuergesche Sculpteur a Graphiker.

No der Handwierkerschoul zu Lëtzebuerg huet den Albert Kratzenberg zu Karlsruhe an op der Konschtakademie zu Berlin studéiert. Duerno huet hien e puer Joer an Däitschland, am Bezierk Stettin an zu Hildesheim geschafft[1][2].

1919 koum hien op Lëtzebuerg zeréck,[3] wou hie Coursen am Zeechnen an an der Skulptur zu Esch-Uelzecht ginn huet[1]. Am Joer 1930 ass hie “Professer” an der Escher Beruffsschoul ginn[4].

Fir d'Weltausstellung 1937 zu Paräis huet hien, zesumme mat de Sculpteuren Aloyse Deitz, Ernest Grosber a Léon Nosbusch, d'Skulpturaarbechte vum Relief Vue panoramique de la Ville de Luxembourg no enger Zeechnung vum Pierre Blanc un der Haaptfassad vum Lëtzebuerger Pavillon ausgefouert[5][6].

Op der Weltausstellung 1939/1940 zu New York gouf seng monumental Skulptur L'allégorie de l'artisanat ausgestallt[7].

1928 an 1932 krut hien de Prix Grand-Duc Adolphe.

Hien huet an den 20er Jore vum 20. Joerhonnert, wéi d'Haaptportal vun der Kathedral restauréiert gouf, d'Statu vum hellegen Niklos geschaaft.

Wéinst senger Haltung wärend der Nazi-Occupatioun am Zweete Weltkrich ass den Albert Kratzenberg am Januar 1947 zu Lëtzebuerg zu sechs Joer Prisong an zum Verloscht vun der lëtzebuergescher Nationalitéit condamnéiert ginn.[8] Hie war de Brudder vum Damien Kratzenberg[9].

De Relief um Gebai vum Tageblatt zu Esch.
 Commons: Albert Kratzenberg – Biller, Videoen an Audiodateien

Referenzen an Notten

[Quelltext änneren]
  1. 1 2 3 1992, Anthologie des arts au Luxembourg
  2. ↑ M.W. 1935.
  3. ↑ M.W. 1935, S. 6.
  4. ↑ Escher Tageblatt 1930, Nr. 91 (25. März): 4 (Esch-Alz., 25. März. Ernennung. Herr Albert Kratzenberg, bisher Kursusleiter, wurde zum technischen Lehrer der gewerblichen Fortbildungsschule ernannt.)
  5. ↑ Die Eröffnung des Luxemburger Pavillons auf der Pariser Ausstellung. Luxemburger Wort Nr 165 vum 14. Juni 1937 (Link)
  6. ↑ Mousset, Jean-Luc … [et al.]: Petit parmi les grands: Le Luxembourg aux Expositions universelles de Londres à Shanghai (1851-2010). Luxembourg: Musée national d'histoire et d'art, 2010 (Publications du Musée national d'histoire et d'art Luxembourg 11), Ss. 208, 216.
  7. ↑ Mousset, Jean-Luc … [et al.]: Petit parmi les grands: Le Luxembourg aux Expositions universelles de Londres à Shanghai (1851-2010). Luxembourg: Musée national d'histoire et d'art, 2010 (Publications du Musée national d'histoire et d'art Luxembourg 11), Ss. 233, 244, 245
  8. ↑ Escher Tageblatt 1947, Nr. 23 (29. Januar): 6 (Politische Prozesse: Urteile des Spezialgerichtes in Luxemburg). Luxemburger Wort 1947, Nr. 30 (30. Januar): 4 (Vor dem Spezialgericht). Cf. Massard, J.A. & R. Thill, 2011. Gustav Kolbach, Arzt und Botaniker. Bulletin de la Société des naturalistes luxembourgeois, 112 (2011), S. 9-24.
  9. ↑ deltgen.com
  10. ↑ "Besuch bei den Bildhauern am Giebelfeld des neuen Escher Stadthauses". A-Z Luxemburger illustrierte Wochenschrift 1936, Nr. 25 (2. Juni), S. 20.
  11. ↑ Spoofeier in Esch-Alzette. Luxemburger Wort Nr 207 vum 26. Juli 1937 (Link)
  12. ↑ Cf. Massard, J.A. & R. Thill, 2011. Gustav Kolbach, Arzt und Botaniker. Bulletin de la Société des naturalistes luxembourgeois, 112 (2011), S. 18.