Eurovision Song Contest 1997


42. Eurovision Song Contest
Datum	3. Mee 1997
Stad	Dublin (Irland)
Gebai	Point Theatre
Gewënner	Katrina and the Waves (Groussbritannien)
Zuel vu Länner	25
Nei Participatiounen	Keng
Moderatioun	Ronan Keating a Carrie Crowley
Interval Act	Ronan Keating a Boyzone
Ofstëmmungsreegel	An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.

Den 42. Eurovision Song Contest war den 3. Mee 1997 an Irland. Organiséiert gouf d'Eurovisioun dat Joer am Point Theatre zu Dublin. Presentateure waren d'Carrie Crowley an de Ronan Keating.

Fir d'Zuel vun de Länner ze reduzéire sinn d'Plaze vun de leschte 5 Joer gekuckt ginn an déi mat de mannste Punkte hu missen e Joer Paus maachen. Betraff vun dëser Reegel waren d'Belsch, Finnland, Rumänien an d'Slowakei. Lëtzebuerg huet scho wéi déi 3 Joer virdrun fräiwëlleg drop verzicht fir matzemaachen. Och Israel huet fräiwëlleg net matgemaach. Am Ganze ware 25 Länner dobäi.

Verschidden Interprete ware scho virdru mol eng Kéier dobäi, d'Alma Čardžić fir Bosnien an Herzegowina 1994, d'Maarja-Liis Ilus fir Estland 1996 an d'Şebnem Paker fir d'Tierkei 1996.

D'Reegel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Dublin matgedeelt ginn. Allerdéngs ass d'Jury an Däitschland, Éisträich, der Schwäiz, Schweden a Groussbritannie fir déi éischt Kéier mat enger Ofstëmmung vun de Spectateuren iwwer Telefon ersat ginn.

Déi éischt Plaz kruten d'Vertrieder vu Groussbritannien, d'Katrina and the Waves mat 70 Punkte Virsprong virum Marc Roberts (Irland). Déi drëtt Plaz krut d'Grupp Şebnem Paker & Grup Etnic, déi fir d'Tierkei ugetruede war.

Fir Groussbritannie war et déi fënneft Kéier datt et de Grand Prix gewonnen hat.

Klassement

Plaz	Land	Interpret	Titel	Punkten
1.	Groussbritannien	Katrina and the Waves	Love shine a light	227
2.	Irland	Marc Roberts	Mysterious woman	157
3.	Tierkei	Şebnem Paker & Grup Etnic	Dinle	121
4.	Italien	Jalisse	Fiumi déi parole	114
5.	Zypern	Hara & Andreas Konstantinou	Mana mou	98
6.	Spuenien	Marcos Llunas	Sin rencor	96
7.	Frankräich	Fanny	Sentiments songes	95
8.	Estland	Maarja-Liis Ilus	Keelatud maa	82
9.	Malta	Debbie Scerri	Let me fly	66
10.	Slowenien	Tanja Ribič	Zbudi se	60
11.	Polen	Anna Maria Jopek	Ale jestem	54
12.	Griicheland	Marianna Zorba	Horepse	39
12.	Ungarn	V.I.P.	Miért kell, hogy elmenj?	39
14.	Schweden	Blond	Bara hon älskar mig	36
15.	Russland	Alla Pugatschowa	Primadonna	33
16.	Dänemark	Kølig Kaj	Stemmen i mit liv	25
17.	Kroatien	E.N.I.	Probudi me	24
18.	Däitschland	Bianca Shomburg	Zeit	22
18.	Bosnien an Herzegowina	Alma Čardžić	Goodbye	22
20.	Island	Paul Oscar	Minn hinsti dans	18
21.	Éisträich	Bettina Soriat	One Step	12
22.	Schwäiz	Barbara Berta	Dentro déi me	5
22.	Holland	Mrs. Einstein	Niemand heeft nog tijd	5
24.	Norwegen	Tor Endresen	San Francisco	0
24.	Portugal	Célia Lawson	Antes do adeus	0

Um Spaweck

Commons: Eurovision Song Contest 1997 – Biller, Videoen oder Audiodateien

Oslo (Norwegen)		Birmingham (Groussbritannien)
ESC 1996	Eurovision Song Contest	ESC 1998