Eurovision Song Contest 1996


41. Eurovision Song Contest
Datum	18. Mee 1996
Stad	Oslo (Norwegen)
Gebai	Oslo Spektrum
Gewënner	Eimear Quinn (Irland)
Zuel vu Länner	30, dovun 23 an der Finall
Nei Participatiounen	Keng
Moderatioun	Ingvild Bryn a Morten Harket
Interval Act	„Beacon Burning“ – Ballet a Film
Ofstëmmungsreegel	An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.

Den 41. Eurovision Song Contest war den 18. Mee 1996 an Norwegen. Organiséiert gouf d'Eurovisioun dat Joer am Oslo Spektrum zu Oslo. Presentateure waren d'Ingvild Bryn an de Morten Harket.

Well et fir de Grand Prix am Ganzen 30 Umeldunge gi sinn an de System vum Joer virdrun net weidergefouert sollt ginn, ass eng intern Qualifikationsronn agefouert ginn, an där sech all Länner mat Ausnam vun Norwegen, dem Gewënner vum virege Joer, hu misse qualifizéieren. Well an der Finall nëmmen 23 Länner däerfte matmaachen, sinn also siwe Länner, an zwar Ungarn, Dänemark, d'Republik Mazedonien, Russland, Israel, Rumänien an Däitschland duerch d'Qualifikatiounsronn ausgescheet. Italien a Lëtzebuerg hu fräiwëlleg drop verzicht fir matzemaachen.

Fir d'Qualifikatiounsronn ass vun den nationale Juryen eng Ofstemmung op Basis vun Tounenregistrementer gemaach ginn. Dëse System ass spéider vu ville Länner staark kritiséiert ginn.

Verschidden Interprete ware scho virdru mol eng Kéier derbäi, d'Mariana Efstratio fir Griicheland 1989 an d'Elisabeth Andreassen fir Norwegen 1982 (Deel vu Chips, fir Schweden), 1985 (Deel vu Bobbysocks) an 1994.

D'Reegel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Oslo matgedeelt ginn.

Déi éischt Plaz krut d'Vertriederin vun Irland, d'Eimear Quinn mat 48 Punkte Virsprong virum Elisabeth Andreassen (Norwegen). Déi drëtt Plaz krut d'Grupp One More Time, déi fir Schweden ugetruede war.

Fir Irland war et déi siwent Kéier datt et de Grand Prix gewonnen hat.

Resultater vun der Qualifikatiounsronn

D'Länner an de rout gefierfte Reien hunn net däerfen an der Finall untrieden.

Plaz	Land	Interpret	Titel	Punkten
1.	Schweden	One More Time	Den vilda	227
2.	Irland	Eimear Quinn	The voice	198
3.	Groussbritannien	Gina G	Ooh aah ... just a little bit	153
4.	Malta	Miriam Christine	In a woman's heart	138
5.	Estland	Maarja-Liis Ilus & Ivo Linna	Kaelakee hääl	106
6.	Éisträich	George Nussbaumer	Weil's dr guat got	80
7.	Tierkei	Şebnem Paker	Beşinci mevsim	69
8.	Schwäiz	Kathy Leander	Mon cœur l'aime	67
9.	Holland	Maxine & Franklin Brown	De eerste keer	63
10.	Island	Anna Mjöll	Sjúbidú	59
11.	Frankräich	Dan Ar Braz & L'Héritage des Celtes	Diwanit bugale	55
12.	Belsch	Lisa del Bo	Liefde is een kaartspel	45
12.	Griicheland	Mariana Efstratiou	Emis forame to himona anixiatika	45
14.	Spuenien	Antonio Carbonell	¡Ay, qué deseo!	43
15.	Polen	Kasia Kowalska	Chcę znać swój grzech	42
15.	Zypern	Constantinos	Mono yia mas	42
17.	Slowakei	Marcel Palonder	Kým nás máš	36
18.	Portugal	Lúcia Moniz	O meu coração não tem cor	32
19.	Kroatien	Maja Blagdan	Sveta ljubav	30
19.	Slowenien	Regina	Dan najlepših sanj	30
21.	Bosnien an Herzegowina	Amila Glamočak	Za našu ljubav	29
22.	Finnland	Jasmine	Niin kaunis on taivas	28
23.	Ungarn	Gjon Delhusa	Fortuna	26
24.	Däitschland	Leon	Planet of blue	24
25.	Dänemark	Martin Loft & Dorthe Andersen	Kun med dig	22
26.	Mazedonien	Kaliopi	Samo ti	14
26.	Russland	Andrei Kossinski	Ja eto ja	14
28.	Israel	Galit Bell	Shalom olam	12
29.	Rumänien	Monica Anghel & Sincron	Rugă pentru pacea lumii	11

Klassement an der Finall

Plaz	Land	Interpret	Titel	Punkten
1.	Irland	Eimear Quinn	The voice	162
2.	Norwegen	Elisabeth Andreassen	I evighet	114
3.	Schweden	One More Time	Den vilda	100
4.	Kroatien	Maja Blagdan	Sveta ljubav	98
5.	Estland	Maarja-Liis Ilus & Ivo Linna	Kaelakee hääl	94
6.	Portugal	Lúcia Moniz	O meu coração não tem cor	92
7.	Holland	Maxine & Franklin Brown	De eerste keer	78
8.	Groussbritannien	Gina G	Ooh aah ... just a little bit	77
9.	Zypern	Constantinos	Mono yia mas	72
10.	Malta	Miriam Christine	In a woman's heart	68
10.	Éisträich	George Nussbaumer	Weil's dr guat got	68
12.	Tierkei	Şebnem Paker	Beşinci mevsim	57
13.	Island	Anna Mjöll	Sjúbidú	51
14.	Griicheland	Mariana Efstratiou	Emis forame to himona anixiatika	36
15.	Polen	Kasia Kowalska	Chcę znać swój grzech	31
16.	Schwäiz	Kathy Leander	Mon cœur l'aime	22
16.	Belsch	Lisa del Bo	Liefde is een kaartspel	22
18.	Slowakei	Marcel Palonder	Kým nás máš	19
19.	Frankräich	Dan Ar Braz & L'Héritage des Celtes	Diwanit bugale	18
20.	Spuenien	Antonio Carbonell	¡Ay, qué deseo!	17
21.	Slowenien	Regina	Dan najlepših sanj	16
22.	Bosnien an Herzegowina	Amila Glamočak	Za našu ljubav	13
23.	Finnland	Jasmine	Niin kaunis on taivas	9

Um Spaweck

Commons: Eurovision Song Contest 1996 – Biller, Videoen oder Audiodateien

Dublin (Irland)		Dublin (Irland)
ESC 1995	Eurovision Song Contest	ESC 1997