Gemeng Waldbriedemes

Vu Wikipedia
Gemeng Waldbriedemes
D'Märei vu Waldbriedemes zu Trënteng
An anere Sproochen fr: Waldbredimus
de: Waldbredimus
Land Lëtzebuerg
Kanton Kanton Réimech
Chef-lieu Trënteng
Buergermeeschter Thomas Wolter
Awunner 1.337
  1 Januar 2023
Fläch 1.257 ha
Héicht 182 m
Koordinaten 49° 33’ 25’’ N
      06° 17’ 15’’ O
LAU-Code LU1208
Websäit http://www.waldbredimus.lu/

D'Gemeng Waldbriedemes ass eng fréier lëtzebuergesch Gemeng am Kanton Réimech, déi op den 1. September 2023 mat der Gemeng Bous zu der Gemeng Bous-Waldbriedemes fusionéiert ass.

De Chef-lieu vun der Gemeng war d'Uertschaft Waldbriedemes, vun där se och hiren Numm hat.

Uertschaften a Lieu-diten an der fréierer Gemeng[1][änneren | Quelltext änneren]

Uertschaften[änneren | Quelltext änneren]

Ierseng - Réid - Trënteng - Waldbriedemes

Lieu-diten[änneren | Quelltext änneren]

Gondel - Gondeler Millen

Geographie[änneren | Quelltext änneren]

Geschicht[änneren | Quelltext änneren]

Entwécklung vun der Awunnerzuel vun der fréierer Gemeng[änneren | Quelltext änneren]

Quell:STATEC

Politik[änneren | Quelltext änneren]

De Gemengerot vun der Gemeng Waldbriedemes gouf nom Majorzsystem gewielt.

Buergermeeschteren[änneren | Quelltext änneren]

  • ...
  • 1843 - ?: Nicolas Spanier
  • 1849 - 1861 Joh. Goergen
  • 1861 - 1884 Nik. Elinger
  • 1884 - 1885 Mathias Weydert
  • 1885 - 1914 Heinrich Fischer
  • 1915 - 1918 Henri Robert
  • 1919 - 1920 Thédore Molling
  • 1920 - 1932 Nikolaus Fisch
  • 1932 - 1963: Auguste Kayl
  • 1964 - 1969: Jos Hoss
  • 1970 - 1975: Edmond Klensch
  • 1976 - 1983: Jos Rennel (gestuerwe bei engem Accident)
  • 1984 - 1991: Jos Gengler
  • 1991 - 1999: Jos Ruppert (virgezunnen Neiwalen 1991)
  • 2000 - 2004: John Rennel (Neibildung vum Schäfferot no engem Mësstrauensvott)
  • 2004 - 2008: Jean Terens (Demissioun am Februar 2008)
  • 2008 - 2020: Louis Oberhag (no den Neiwalen am September 2008; Récktrëtt Juni 2020[2])
  • 2020 - 2023: Thomas Wolter

Fusioun[änneren | Quelltext änneren]

Zanter 2018 gouf et Pläng datt d'Gemeng Waldbriedemes mat där vu Bous kéint fusionéieren. De Referendum dozou, deen den 3. Abrëll 2022 an den zwou Gemengen organiséiert gouf, ass positiv ausgaangen, mat 73,6 Prozent vun de Wieler zu Waldbriedemes, déi dofir gewielt hunn (zu Bous waren et der 56,8 Prozent)[3]. Dat fréiert Paschtoueschhaus vu Waldbriedemes soll déi nei Märei ginn.[4]. Eng Zäitche waren och d'Gemenge Réimech a Stadbriedemes intresséiert, fir bei där Fusioun matzemaachen;[5] doraus ass awer näischt ginn.

 Méi Informatioun doriwwer am Artikel: Gemeng Bous-Waldbriedemes.

Wopen[änneren | Quelltext änneren]

Beschreiwung:
d'argent à deux sceptres doublement fleurdelisés de sable posés en sautoir, à la croix de gueueles brochant chargés d'une croix ancrée d'or
D.C. 2. Mäerz 1982 - A.M. 9. Juni 1983 - Mémorial B 1983, Säit 722 - Projet: Jean-Claude Loutsch 1981
De Wopen ass a véier gedeelt well d'Gemeng fréier zum Besëtz vu véier Kléischter gehéiert huet an zwar Sankt Maximin vun Tréier, Mäjendall, Mënster a Bouneweg. Dat gëllent Ankerkräiz op rout kënnt aus de Wope vun den Häre vu Buerschent a vu Pëtten déi Geriichtshären zu Waldbriedemes waren. Déi gekräizt Zepteren kommen aus dem Wope vun der Famill de Wiltheim där déi verschidden Uertschaften an der Gemeng gehéiert hunn. D'Gemeng Waldbriedemes huet zu den éischte Gemenge gehéiert déi am Ufank vum 19. Joerhonnert gegrënnt goufen.

Interkommunal Syndikater[änneren | Quelltext änneren]

D'Gemeng Waldbriedemes war Member vu follgenden interkommunale Syndikater:

Jumelagen[änneren | Quelltext änneren]

Kuckeswäertes[änneren | Quelltext änneren]

Veräiner[änneren | Quelltext änneren]

  • De Gesangveräin Caecilia Waldbriedemes e renge Kierchechouer, deen den 10. Februar 1903 gegrënnt gouf.
  • Eng nei Uergel fir an d'Kierch vu Waldbriedemes a.s.b.l..
  • D'Chorale St. Cécile Trënteng e renge Kierchechouer
  • D'Trëntenger Musek

Gemengeblat[änneren | Quelltext änneren]

D'Gemengeblat vu Waldbriedemes huet Nouvellen aus eiser Gemeng geheescht[6].

Kuckt och[änneren | Quelltext änneren]

Referenzen[Quelltext änneren]

  1. Lëscht vun den Uertschaften a Lieu-diten zu Lëtzebuerg. CPLL - Conseil permanent de la langue luxembourgeoise Gearchiveerd op 2020-08-11. Gekuckt de(n) 21.07.2020.
  2. "Waldbredimus: Bürgermeister tritt zurück." wort.lu, 26. Juni 2020.
  3. "Gemenge Bous a Waldbriedemes: 'Jo' zur Fusioun." rtl.lu 03.04.2022.
  4. "Gemeindefusion: Bous und Waldbredimus holen Bürger ins Boot." wort.lu, 28.05.2021
  5. "Remich steigt in Gespräche zu "Mega-Fusion" ein." wort.lu, 23.11.2018.
  6. PDF Gearchiveerd op 2010-05-10. Gekuckt de(n) 2010-01-23.