Syndicat intercommunal pour la distribution d'eau potable dans la région de l'Est

SIDERE
	De SIDERE-Waasserreservoir um Steebierg zu Beidler.
Syndicat intercommunal pour la distribution d'eau potable dans la région de l'Est
Secteur	Drénkwaasser
Leedung	Joseph Schoellen
Verwaltungssëtz	Dräibuer
Membergemengen	Betzder, Biwer, Bous, Duelem, Fluessweiler, Gréiwemaacher, Jonglënster, Lenneng, Manternach, Mäertert, Réimech, Rouspert-Mompech, Schëtter, Stadbriedemes, Waldbriedemes, Wuermer
Gegrënnt	8. Februar 1995
Websäit	https://www.sidere.lu

De Syndicat intercommunal pour la distribution d'eau potable dans la région de l'Est, ofgekierzt SIDERE ass e Waassersyndikat am Oste vu Lëtzebuerg.

Als Objet huet de Syndikat:

d'Gestioun an d'Verdeele vum Drénkwaasser an der Regioun Osten, andeems en all déi Aarbechten ausféiere léisst déi dofir néideg sinn;
d'Gestioun vum Ravitaillement mat Drénkwaasser dat vum SEBES kënnt;
den Ënnerhalt vu sengen eegene Quellen a Pëtzer.

Geschicht

Aus de follgenden dräi Syndikater:

Syndicat de communes pour la construction, l'exploitation et l'entretien de la conduite d'eau de l'Est des communes Betzdorf, Manternach et Mertert
Syndicat pour la conduite d'eau intercommunale des communes de Lenningen et de Wormeldange
Syndicat de communes pour la construction, l'exploitation et l'entretien d'une distribution d'eau des communes de Grevenmacher, Biwer, Rodenbour et Flaxweiler

déi tëscht 1950 an 1960 entstane sinn^[1], gouf de SIDERE den 8. Februar 1995 duerch en Arrêté grand-ducal ënnert dem Numm Syndicat intercommunal pour la distribution d'eau dans la région de l'Est autoriséiert^[2]. Grënnungsmembere waren d'Gemenge Betzder, Biwer, Fluessweiler, Gréiwemaacher, Jonglënster, Lenneng, Manternach, Mäertert a Wuermer.

Duerno koumen nach follgend Gemenge bäi:

Mompech, den 29. Mee 1998^[3],
Schëtter, de 6. September 2007^[4];
d'Gemenge Bous, Duelem, Réimech, Stadbriedemes a Waldriedemes den 28. Mäerz 2016^[5], nodeems de Syndicat de distribution d'eau des communes de Bous, Dalheim, Remich, Stadtbredimus et Waldbredimus, gekierzt Syndicat d'eau de Remich, deen 1949 gegrënnt gi war^[6], op den 28. Mäerz 2016 opgeléist gouf^[7]^,^[8].

Mat de neie Statute vun 2016 gouf och d'Wuert « potable » am Numm vum Syndikat bäigesat.

Membergemengen

Maximalquantitéiten déi un d'Membere geliwwert kënne ginn^[9]
Nr	Gemeng	m³ pro Dag	Prozentsaz
1	Betzder	936,36	7,69
2	Biwer	747,73	6,14
3	Bous	350,00	2,88
4	Duelem	350,00	2,88
5	Fluessweiler	722,36	5,94
6	Gréiwemaacher	1 622,73	13,33
7	Jonglënster	1 336,36	10,98
8	Lenneng	475,00	3,90
9	Manternach	360,36	2,96
10	Mäertert	1 572,73	12,92
11	Rouspert-Mompech	200,00	1,64
12	Réimech	1 130,00	9,29
13	Stadbriedemes	360,00	2,96
14	Waldbriedemes	420,00	3,45
15	Schëtter	860,00	7,07
16	Wuermer	726,36	5,97
	Total	12 170,00	100,00