Service d'aide médicale urgente

Vu Wikipedia
(Virugeleet vu(n) SAMU)
Op d'Navigatioun wiesselen Op d'Siche wiesselen
Qsicon Achtung.svg 00De Contenu vun dësem Kapitel oder dësem Artikel ass net méi aktuell. Hëlleft w.e.g. mat, en nees op de leschte Stand ze bréngen.
SAMU BMW X5
Samu mat Material
Fichier:Samu Bmw 350.jpg
D'Mercedes SAMUe bei der Iwwerreechung
Ee vun den Helikopteren déi agesat ginn.

De Service d'aide médicale urgente, kuerz SAMU, gëtt et zu Lëtzebuerg zanter dem 12. Juni 1989 a Kooperatioun mam Ministère de la santé an der Protection civile.

De SAMU deplacéiert sech mam Auto oder mam Helikopter. D'Equipe vum SAMU besteet aus engem Dokter fir Anästhesie, engem (enger) Infirmier (Infirmière) an engem Chauffer respektiv Pilot, ofhängeg vum Gefier. Beim SAMU Lëtzebuerg ass de Chauffer Member vun de Beruffspompjeeën. Zu Esch-Uelzecht an zu Ettelbréck sinn et just en Infirmier Anästhesist an en Dokter déi erausfueren.

De SAMU gëtt entweder vun der Equipe vun enger Ambulanz geruff, oder direkt vum 112 matgeschéckt, wann deen zoustännegen Operateur bei der Meldung um Telefon eraushéiert, datt déi Persoun an Nout medezinesch Betreiung brauch.

SAMU um Buedem[änneren | Quelltext änneren]

Qsicon Achtung.svg 00De Contenu vun dësem Kapitel oder dësem Artikel ass net méi aktuell. Hëlleft w.e.g. mat, en nees op de leschte Stand ze bréngen.

De SAMU op véier Rieder erkennt een un der Opschrëft SAMU. Dëst Gefier nennt een NEF, en Notarzteinsatzfahrzeug. An dësen Autoe gi keng Patienten transportéiert, si déngen nëmmen dem Transport vu medezineschem Material an dem Personal. D'SAMU-Autoe sinn an der Stad, zu Esch-Uelzecht an zu Ettelbréck an deene Spideeler déi Déngscht hu stationéiert. Vum 1. Juli 2019 u gëtt et nach eng véiert Unitéit, déi am CGDIS zu Hesper stationéiert ass an op Gaasperech plënnert, soubal de CNIS fäerdeg ass[1][2]

Am Juni 2015 goufen déi al BMW X5 SAMU NEF mat neie Mercedes-Benz M 350 BlueTech NEF ersat déi mat folgendem Material equipéiert sinn:

SAMU aus der Loft[änneren | Quelltext änneren]

D'Luxembourg Air Rescue stellt fir de SAMU véier Helikopteren. Si fléie vu Sonnenopgank bis Sonnenënnergank. Am Dag si si zu Ettelbréck an an der Stad stationéiert. All Fleck am Land ka sou theoretesch a manner wéi 8 Minutten erreecht ginn. Am Asaz si véier Helikoptere vum Typ McDonnell Douglas 902 Explorer. Dësen Typ vun Helikopter huet de Virdeel, datt d'Stabilisatioun an d'Steierung vum Helikopter net vum engem Heckrotor gemaach gëtt mä vun engem NOTAR-Düsesytem am Schwanz. Doduerch ginn déi klassesch Geforen an Accidenter déi duerch en Heckrotor kënnen entstoen eliminéiert. Am Helikopter selwer sinn op klengstem Raum EKG, Defi, Beootmungsapparat a Medikamenter verstaut. Verschidden Helikopteren hunn ausserdeem eng Seelwann déi dann zum Asaz kënnt, wann de Pilot keng Méiglechkeet gesäit fir ze landen. D'Helikoptere fléien awer net nëmme Primärasätz, dat heescht Rettungsasätz, mä och Sekundärasätz wéi Transporter a sou weider.

Um Spaweck[änneren | Quelltext änneren]

Referenzen an Notten[Quelltext änneren]

  1. Vierte SAMU-Einheit demnächst einsatzbereit op wort.lu de 15. Mäerz 2019
  2. 4. Samu fir Lëtzebuerg zënter Ufank Juli am Asaz op rtl.lu de 24. Juli 2019