Staatlech Pressehëllef
D'Staatlech Pressehëllef ass eng finanziell Subventioun, déi de Lëtzebuerger Staat den Editeure vu bestëmmte Presse-Produkter (Zeitungen an Zäitschrëften), no Krittären, déi duerch e Gesetz definéiert sinn, gëtt. 2018 war de Gesamtbetrag fir d'Pressehëllef fir déi geschriwwe Press 7.088.895 Euro[1].
D'Zil vun der staatlecher Pressehëllef ass et, de Meenungspluralismus an der Press souwäit wéi méiglech oprecht z'erhalen. Hannergrond ass, datt vill Presseorganer zu Lëtzebuerg enger politescher Stréimung oder Partei nostinn. Well de Maart fir lëtzebuergesch Zeitunge limitéiert ass, hätte besonnesch Zeitunge mat méi niddregen Oploen, déi méi "klenge" Parteien nostinn, et schwéier, z'iwwerliewen.
Dofir gouf 1976 e Gesetz gestëmmt, dat 1998 duerch en neit ersat gouf. Deemno setzt sech d'Pressehëllef aus zwee Deeler zesummen: Aus engem Grondbetrag, dee fir all Zeitungen an Zäitschrëften, déi Pressehëllef kréien, d'selwecht ass, an e proportionellen Deel, dee fir d'Säite mat redaktionnellem Inhalt vergi gëtt.
Konditioune fir der ze kréien
[änneren | Quelltext änneren]Fir kënne Pressehëllef ze kréien, muss e Periodique zu Lëtzebuerg an op d'mannst eemol d'Woch erauskommen, allgemeng Informatioune verbreeden an haaptsächlech an enger vun den 3 Haaptsprooche vum Land geschriwwe sinn. Weider muss e vun enger Redaktioun vun op d'mannst 5 fest ugestallte Journaliste geschriwwe ginn. Gratis verdeelten Drécksaache falen net drënner.
De Schlëssel fir d'Berechnung vum Betrag
[änneren | Quelltext änneren]D'Berechnung fir d'Montanten, déi als Pressehëllef un déi eenzel Presseorganer bezuelt ginn, baséiert nieft der Oplo vum Presseorgan, op engem Referenzbetrag deen all Joer duerch e Règlement grand-ducal fixéiert gëtt.
Fir dëse Referenzbetrag pro Joer ze berechne gëtt zanter 1999 d'Zomm vun de Käschte fir fënnef haaptberufflech Journalisten an de Präis fir 120 Tonne Pabeier geholl. De Grondbetrag, deen all Presseorgan, deen d'Konditiounen erfëllt, kritt, ass een Drëttel vum Referenzbetrag.
De proportionelle Betrag gëtt gerechent, andeems zwee Drëttel vum Referenzbetrag geholl ginn, dëse Montant mat der Zuel vun de standardiséierte redaktionnelle Saïten (187 680 Quadratmillimeter pro Säit) vum Presseorgan multiplizéiert gëtt, an dann duerch 2325 dividéiert gëtt.
Entwécklung vum Referenzbetrag:
- 1999: 315 568,46 EUR (12 730 000 LUF)
- 2000: 328 087,08 EUR (13 235 000 LUF)
- 2001: 349 281,98 EUR (14 090 000 LUF)
- 2002: 353 550,00 EUR
- 2003: 355 525,00 EUR
- 2004: 361 500,00 EUR
- 2005: 376 500,00 EUR
- 2006: 390 950,00 EUR
- 2007: 404 000,00 EUR[2]
- 2008: 408 000,00 EUR[3]
- 2009: 418 550,00 EUR[4]
- 2010: 426 775,00 EUR[5]
- 2011: 431 025,00 EUR[6]
- 2012: 442 800,00 EUR[7]
- 2013: 450 300,00 EUR[8]
- 2014: 462 250,00 EUR[9]
Wien der kritt a wéi vill
[änneren | Quelltext änneren]| Organ | Editeur | 2007 (EUR)[10] | 2008 (EUR)[11] | 2009 (EUR)[12] | 2010 (EUR)[13] | 2011 (EUR)[14] | 2012 (EUR)[15] | ... | 2018 (EUR)[1] |
| Luxemburger Wort | Groupe Saint-Paul | 1 494 357 | 1 489 778 | 1 524 658 | 1 500 650 | 1 516 769 | 1 414 735 | ... | 1,40 Mio |
| La Voix du Luxembourg | Groupe Saint-Paul | 907 575 | 942 846 | 933 221 | 898 843 | 488 357 | - | ||
| Tageblatt | Editpress | 1 634 714 | 1 702 054 | 1 659 554 | 1 642 507 | 1 650 446 | 1 552 313 | ... | 1,45 Mio |
| Le Quotidien | Lumedia (50 % Editpress) | 1 091 203 | 1 182 487 | 1 197 239 | 1 204 855 | 1 230 289 | 1 206 829 | ... | 1,23 Mio |
| Lëtzebuerger Journal | Éditions Lëtzebuerger Journal s.a. | 526 010 | 523 533 | 540 421 | 529 621 | 549 047 | 606 426 | ... | 973 398 |
| Zeitung vum Lëtzebuerger Vollek | Zeitung SA | 334 826 | 346 545 | 353 281 | 355 937 | 368 206 | 376 776 | ... | 416.052 |
| Télécran | Éditions Saint-Paul | 334 328 | 335 243 | 375 763 | 376 472 | 401 758 | 381 726 | ... | 371.543 |
| Revue | Editpress | 322 751 | 318 239 | 321 984 | 332 813 | 336 972 | 347 147 | ... | 336.889 |
| d'Lëtzebuerger Land | éditions d'Lëtzebuerger Land | 236 361 | 254 462 | 259 954 | 268 405 | 274 641 | 281 520 | ... | 305.549 |
| Woxx | Grengespoun SC | 203 221 | 226 156 | 230 417 | 233 348 | 240 865 | 246 406 | ... | 267.647 |
| Le Jeudi | Editpress | 336 204 | 368 587 | 358 005 | 349 532 | 327 751 | 322 615 | ... | 335.310 |
| Total | 7 421 549 | 7 689 930 | 7 754 499 | 7 692 983 | 7 385 100 | 6 736 494 | ... | 7.088.895 |
D'Press zu Lëtzebuerg profitéiert weiderhi vu méi niddregen TVAs-Tauxen a Posttariffer, souwéi dovun, datt de Revenu duerch Reklamm op RTL Télé Lëtzebuerg gedeckelt ass.
Derbäiziele kann een och nach d'Avis-officiels vun der Regierung an de Ministèren. Tëscht 2009 an 2012 waren dat am Ganzen 6,5 Milliounen Euro, deemno gutt annerhallef Millioun d'Joer.[16] De Gros dovu goung un d'Luxemburger Wort mat 1,8 Milliounen, virum Tageblatt mat 1,1 Millioun an der Zeitung vum Lëtzebuerger Vollek op der drëtter Plaz mat eppes iwwer 800.000 Euro.[17]
Online Medien
[änneren | Quelltext änneren]Zanter 2017 kënnen och Online-Medien an de Genoss vu Staatlecher Pressehëllef kommen. Dofir musse si op d'mannst 2 Journalisten agestallt hunn. Pro Joer gi maximal 100.000 Euro pro Site ausbezuelt. 2018 kruten am Ganzen 13 Sitten 1.083.331 Euro ausbezuelt.[1]
| Online-Medium | 2018 (Euro) |
|---|---|
| luxtimes.lu | 100.000 |
| delano.lu | 100.000 |
| contacto.lu | 100.000 |
| paperjam.lu | 100.000 |
| lessentiel.de | 100.000 |
| lessentiel.fr | 100.000 |
| lequotidien.lu | 100.000 |
| wort.lu | 91.666 |
| moien.lu | 91.666 |
| tageblatt.lu | 83.333 |
| woxx.lu | 58.333 |
| wort.lu/de | 33.333 |
| reporter.lu | 25.000 |
| Total | 1.083.331 |
Um Spaweck
[änneren | Quelltext änneren]- Gesetz vum 11. Mäerz 1976 (Loi du 11 mars 1976 d'aide directe de l'Etat à la presse écrite)
- Gesetz vum 3. August 1998 (Loi du 3 août 1998 sur la promotion de la presse écrite)
- SIP: Portail Médias et communication - Promotion de la presse (Versioun vum 18-02-2009, gekuckt den 19.03.2009)
Referenzen an Notten
[Quelltext änneren]- 1 2 3 "Pressehëllef: Wéi eng Medie kruten 2018 wéi vill finanziell Hëllef vum Staat?" rtl.lu, 20.03.2019 13:10.
- ↑ Règlement grand-ducal du 8 février 2008 refixant pour l'année 2007 le montant annuel de référence prévu à l'article 3 de la loi du 3 août 1998 sur la promotion de la presse écrite. Archivéiert de 05.03.2016. Gekuckt den 18.03.2009.
- ↑ Règlement grand-ducal du 22 janvier 2009 portant fixation nouvelle pour l'année 2008 du montant annuel de référence prévu par l'article 3 de la loi du 3 août 1998 sur la promotion de la presse écrite. Archivéiert den 08.10.2013. Gekuckt den 18.03.2009.
- ↑ Règlement grand-ducal du 22 janvier 2009 portant fixation pour l'année 2009 du montant annuel de référence prévu par l'article 3 de la loi du 3 août 1998 sur la promotion de la presse écrite. Archivéiert den 08.10.2013. Gekuckt den 18.03.2009.
- ↑ Règlement grand-ducal du 1er février 2010 portant fixation pour l'année 2010 du montant annuel de référence prévu par l'article 3 de la loi du 3 août 1998 sur la promotion de la presse écrite. Mémorial A n° 141 du 16.08.2010.
- ↑ Règlement grand-ducal du 27 février 2011 fixant pour l'année 2011 le montant annuel de référence prévu à l'article 3 de la loi du 3 août 1998 sur la promotion de la presse écrite. Mémorial A n° 46 du 11.03.2011
- ↑ Règlement grand-ducal du 24 février 2012 portant fixation pour l'année 2012 du montant annuel de référence prévu par l'article 3 de la loi du 3 août 1998 sur la promotion de la presse écrite.
- ↑ Règlement grand-ducal du 18 février 2013 fixant pour l'année 2013 le montant annuel de référence prévu à l'article 3 de la loi modifiée du 3 août 1998 sur la promotion de la presse écrite. Mémorial A n° 32 du 26.02.2013
- ↑ Règlement grand-ducal du 29 janvier 2014 fixant pour l'année 2014 le montant annuel de référence prévu à l'article 3 de la loi modifiée du 3 août 1998 sur la promotion de la presse écrite. Mémorial A n° 21 du 17.02.2014
- ↑ Rapport d'activités 2007 vum Staatsministère S. 19-20.]
- ↑ d'Lëtzebuerger Land Nr.17, 24. Abrëll 2009, Bäilag Communication, S.7.
- ↑ Rapport d'activités 2009 vum Staatsministère S.23.]
- ↑ Rapport d'activités 2010 vum Staatsministère S. 24.
- ↑ Rapport d'activités 2011 vum Staatsministère S. 20-21.
- ↑ Rapport d'activités 2013 vum Staatsministère S. 26.
- ↑ Am forum vum Abrëll 2014 gëtt dee Posten awer scho bei iwwer 10 Milliounen Euro d'Joer geschat. Vom baldigen Ende der Luxemburger Pressehilfe: Die Höhe dieser indirekten Pressehilfe ist nicht bekannt, in seiner Antwort auf eine diesbezügliche parlamentarische Anfrage machte Medienminister François Biltgen im Januar 2013 nur unvollständige und damit unbrauchbare Angaben. Die angegebene Summe von 6,5 Millionen Euro, die gerade einmal zwei staatliche Institutionen dafür ausgeben, lässt darauf schließen, dass der Gesamtbetrag bei weit über 10 Millionen Euro im Jahr liegt
- ↑ "Press: 6.5 Milliounen Euro fir 'offiziell Avisen'." RTL.lu - 23.01.2013, 08:46 | Fir d'lescht aktualiséiert: 23.01.2013, 09:28.