Steinbach (Gouvy)
| Steinbach | |
|---|---|
 | |
| Land | Belsch |
| Regioun |
 Wallounien |
| Communautéit | Franséisch Communautéit |
| Provënz |
 Lëtzebuerg |
| Arrondissement | Baaschtnech |
| Gemeng | Gouvy |
| Koordinaten |
50° 08’ 40’’ N 05° 54’ 07’’ O |
 | |
Steinbach (lokal op Steinbay romaniséiert) ass eng Uertschaft an der belscher Provënz Lëtzebuerg a gehéiert zur Gemeng Gouvy.
Bis zur belscher Gemengereform vun 1977 huet Steinbach zu der fréierer Gemeng Limerlé gehéiert.
D'Uertschaft läit op enger Héicht vu 484 m am Dall vun enger Niewebaach vun der Ourthe orientale, am Oste vun engem grousse Bësch, dem Bois de Lihérin.
Kuckeswäertes
[änneren | Quelltext änneren]
- Laanscht Nationalstrooss 838 eng Lourdes-Grott.
- An der Uertschaft gëtt et zwee Schlässer, dat grousst Schlass, en imposant Gebai bei der Kierch, an 100 Meter dovun dat méi klengt, dat als Bauerebetrib exploitéiert gëtt, an a kengem gudden Zoustand ass, awer eng schéin hënnescht Säit huet déi op d'Baach kuckt.
- Westlech vun der Uertschaft um Lieu-dit Laide Fagne e Schlass mat engem klenge Park, um Territoire vun der Sektioun Cherain.
- An der Kierch Saint-Paul, d'Uergel mam Buffet, zanter dem 29. Mäerz 1976 als Patrimoine exceptionel klasséiert.
Um Spaweck
[änneren | Quelltext änneren]| Commons: Steinbach (Gouvy) – Biller, Videoen oder Audiodateien |
