Wathermal

Wathermal lb:Wattermol
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Baaschtnech
Gemeng	Gouvy
Koordinaten	50°10'49"N, 5°58'59"O
Telefonszon	080
Postcode	6671

Wathermal ass, zanter der Gemengereform vun 1976/77 an der Belsch, eng Uertschaft vun der Sektioun Beho an der Gemeng Gouvy, Provënz Lëtzebuerg, Regioun Wallounien.

Toponymie & Geschicht

Op Däitsch gëtt den Numm vun der Uertschaft 'Watermal' oder 'Wattermal' geschriwwen. Dee ganze Streech, wou Lëtzebuergesch geschwat gouf/gëtt, gouf fréier zum sougenannten Altbelgien gezielt, d. h. zu de Gebidder, déi schonn ëmmer belsch waren, awer wou eng germanesch Ëmgangssprooch, eventuell nieft dem Däitschen, am Gebrauch war. Dës Gebidder sinn haut bal komplett franciséiert.

Am 14. Joerhonnert gouf den Numm an der Form vu 'Wauttiermor' geschriwwen, an am 16. vu 'Wattermali'. Den Toponym erklärt sech als 'Mallum' vum Walthari, deemno als Versammlungsplaz vun engem germanesche Sippechef, dee Walthari (Walter / Gauthier) geheescht huet.

Dee Landstreech huet de fréien däitsche Kinneke gehéiert, déi et am 9. Joerhonnert dem Doumkapitel vun Oochen geschenkt hunn. Spéider huet d'Uertschaft Wathermal zur Meierei Gouvy gehéiert, déi selwer zu der Probstei Baaschtnech gehéiert huet.

D'Kapell Saint Hubert & Saint Antoine vu Wathermal huet hir Originnen am 13. / 14. Joerhonnert.

Literatur

• Jean-Jacques Jespers, Dictionnaire des noms de lieux en Wallonie et à Bruxelles; Bréissel (Éditions Racine), 2005; S. 630. - ISBN 2-87386-409-5
• Guy Schrobiltgen, Les régions germanophones de Belgique et leur langue - Les concepts de "Altbelgien (Albelsch)" et "Neubelgien (Neibelgien, Neibelsch)" ; in: Eis Sprooch iwert all Grenzen [= eng Broschür vun Areler Land a Sprooch, erausginn zu der Geleeënheet vun der Internationaler Muselfränkescher Woch]; Diddebuurg/Thiaumont & Heeschtert/Heinstert, 5. & 6. Oktober 1979; Ss. 29-36.

Referenzen

Portal Belsch