Fernand Kartheiser
| Fernand Kartheiser | |
|---|---|
_(cropped).jpg) | |
| Pseudonym | Fernand Le Chartreux |
| Gebuer |
30. September 1959 Lëtzebuerg |
| Nationalitéit | Lëtzebuerg |
| Aktivitéit | Politiker, Duebelagent |
| Partei | ADR |
 | |
De Fernand Kartheiser, gebuer den 30. September 1959 an der Stad Lëtzebuerg, ass e lëtzebuergesche Politiker, Militärwëssenschaftler an Auteur.
Hien huet Sozial- a Militärwëssenschaften op der École royale militaire zu Bréissel studéiert, spéider Geschicht op der Universitéit vu Montpellier.
Vun 1983 bis 1989 war hien Offizéier an der Lëtzebuerger Arméi. Hien ass duerno an den diplomateschen Déngscht gaangen a war lëtzebuergeschen Ambassadeur fir Griicheland, Zypern a Rumänien.
Zanter dem 8. Juli 2009 ass hien ADR-Deputéierten fir de Walbezierk Süden an der Chamber, wuer hien 2013, 2018[1] an 2023[2] erëmgewielt gouf. 2024 huet hie fir d'Europawale kandidéiert a gouf, fir d'éischt fir en ADR-Member, an d'Europäescht Parlament gewielt, wou hie Member vun der EKR-Fraktion gouf.[3] Dofir huet hien den 11. Juni 2024 säi Chambermandat un den Dan Hardy ofginn.
De Fernand Kartheiser ass President vun der Association des hommes du Luxembourg. Hie war vun 2012 bis 2013 President vun der ADR.
De 7. Juni 2013 huet d'Lëtzebuerger Land reveléiert, datt de Kartheiser Duebelagent fir den CIA an de russesche Geheimdéngscht GRU war; dee Betraffenen huet dat op RTL Radio confirméiert[4].
Zënter dem 22. Januar 2024 ass hien ee vun de Lëtzebuerger Vertrieder an der Parlamentarescher Versammlung vum Europarot an ass do Member am Grupp vun den Europäesche Konservativen an Demokratesch Allianz (EC/DA).[5]
Publikatiounen
[änneren | Quelltext änneren]- Ënner dem Pseudonym Fernand le Chartreux, Helleg Muecht; satiresche Kriminalroman, un déi nei Lëtzebuerger Schreifweis adaptéiert vum Jérôme Lulling; Esch-Uelzecht, Éditions Schortgen, 2000, zweet Oplo 2001; 184 Säiten. ISBN 2-87953-792-4
- Kritik der reinen Unvernunft - Zur Feminisierung der Sprache ; Esch-Uelzecht Éditions Schortgen, 2007; 92 Säiten. ISBN 978-2-87953-051-2
Literatur
[änneren | Quelltext änneren]- Claude Wolf, Gesellschaftliche Gerechtigkeit ; Interview an der Revue datéiert op den 8. Abrëll 2009, Ss. 20-23 (mat Fotoe vum Thierry Martin).
- Dani Schumacher, Nach dem Führungswechsel bei der Reformpartei: "Keine ewige Oppositionspartei" - ADR-Parteipräsident Fernand Kartheiser bezieht Stellung ; Interview mam Luxemburger Wort, Ausgab vum 25. Abrëll 2012; S. 4 (mat enger Foto vum Michel Brumat).
Um Spaweck
[änneren | Quelltext änneren]| Commons: Fernand Kartheiser – Biller, Videoen oder Audiodateien |
- Déi konservativ Säit, de Blog vum Fernand Kartheiser
- Portrait vum Fernand Kartheiser op der Websäit vun der Chamber; archivéiert
Referenzen
[Quelltext änneren]- ↑ elections.lu
- ↑ (fr)Résultats détaillés - Sud. elections.public.lu. Gekuckt de(n) 10.10.2023.
- ↑ Diego Velazquez: "Fernand Kartheiser tritt offiziell der EKR-Fraktion bei." wort.lu, 13.06.2024. Archivéiert den 23.06.2024.
- ↑ "Lëtzebuerger Land: Fernand Kartheiser war 'Duebel-Agent'". RTL.lu - 06.06.2013, 17:10 | Fir d'lescht aktualiséiert: 07.06.2013, 07:35.
- ↑ European Conservatives Group and Democratic Alliance.