Ministère de la Culture

Ministère de la Culture
Kulturministère
Land	Lëtzebuerg
Minister	Eric Thill
Verwaltungssëtz	Hôtel des Terres Rouges
Ënnersteet der/dem	Lëtzebuerger Regierung
Gegrënnt	1969
Um Spaweck	https://mcult.gouvernement.lu/

De Kulturministère, (fr: Ministère de la Culture, gekierzt MCULT) ass e Ministère zu Lëtzebuerg dee sech fir d'kulturell Entwécklung um nationalen an internationalen Niveau zu Lëtzebuerg asetzt.

Allgemenges

De Ministère entwéckelt a féiert déi national an international Kulturpolitik vun der Lëtzebuerger Regierung aus an ass verantwortlech fir d'national Politik zum Schutz an zur Promotioun vum kulturelle Patrimoine. En ënnerstëtzt d'kënschtleresch Kreatioun an d'international Demarchë vu Kënschtler a Kulturschafenden andeems en engersäits Konventioune mat de kulturellen Acteure vu Lëtzebuerg ofschléisst an anerersäits e Programm vu Fërderinstrumenter (Subsiden, Sozialhëllefe fir professionell onofhängeg Kënschtler an Intermittents du spectacle) ëmsetzt.

Den MCULT koordinéiert d'Relatiounen tëscht de verschiddene kulturellen Acteuren zu Lëtzebuerg an organiséiert e reegelméissegen Echange mat hinnen am Kader vun de Kultur-Assisen.

D'Kulturpolitik an hir Ëmsetzung baséieren op de Recommandatioune vum Kulturentwécklungsplang 2018-2028 an op dem Koalitiounsaccord vun der Regierung.

Kompetenz vum Ministère

D'Servicer a Verwaltungen déi ënner d'Kompetenz vum Kulturministère falen, sinn am interne Reglement vun der Regierung festgehalen. Dozou gehéieren ë. a.:

• National Kulturpolitik: Schutz vum kulturelle Patrimoine; Architekturpolitik; Erhale vun de Landschaften; Fërderung vun der kënschtlerescher Kreatioun; kreative Secteur; finanziell Ënnerstëtzung fir onofhängeg professionell Kënschtler an Intermittents du spectacle; Ausschreiwunge fir Projeten, Concoursen, Commanden a kulturell Präisser; Fërderung vu Kënschtler, Acteuren a kulturelle Strukturen; Iwwerwaachung vun der regionaler kultureller Entwécklung; Observatoire vun der Kultur; kulturelle Mecenat; Kulturcongé; kulturell Mediatioun; Promotioun vum Zougang zu Kultur
• Fonds social culturel; Fonds pour le patrimoine architectural
• Interministeriell Koordinatioun am Kulturberäich: Nationale Rot vum Buch; Conseil supérieur vun de Bibliothéiken; Nationale Rot vun den Archiven; Kommissioun fir de kulturelle Patrimoine; Kommissioun fir d'Zirkulatioun vun de kulturelle Gidder; National Kommissioun fir Zesummenaarbecht mat der UNESCO
• Ëmsetzen an Iwwerwaache vum Kulturentwécklungsplang (2018-2028)
• Promotioun vun der Lëtzebuerger Sprooch; Entwécklung, Koordinatioun an Ëmsetze vum Aktiounsplang fir d'Fërdere vun der Lëtzebuerger Sprooch; Organisatioun vun Aktioune ronderëm d'Lëtzebuerger Sprooch; Kommissär fir d'Lëtzebuerger Sprooch; Zenter fir d'Lëtzebuerger Sprooch; Conseil fir d'Lëtzebuerger Sprooch
• International an europäesch Kulturpolitik a -strategie; bilateral, international a multilateral kulturell Zesummenaarbecht (EU, Europarot, UNESCO, EUNIC); grenziwwerschreidend kulturell Zesummenaarbecht an der Groussregioun; Creative Europe Desk Luxembourg, Institut européen des itinéraires culturels
• Bezéiunge mat den associative kulturelle Strukture vun der fräier oder der kommunaler Zeen (Geneemegungen, Konventiounen).

Koordinatioun

Koordinatioun vun de kulturelle staatlechen Instituter

1. Nationalarchiven – Archives nationales de Luxembourg (ANLux)
2. Nationalbibliothéik – Bibliothèque nationale du Luxembourg (BNL)
3. Centre national de l'audiovisuel (CNA)
4. Lëtzebuerger Literaturarchiv – Centre national de littérature (CNL)
5. Institut national pour le patrimoine architectural (INPA)
6. Nationaalt Fuerschungsinstitut fir Archeologie – Institut national de recherches archéologiques (INRA)
7. Nationalmusée fir Archeologie, Geschicht a Konscht – Musée national d'archéologie, d'histoire et d'art (MNAHA)
8. Nationalmusée fir Naturgeschicht – Musée national d'histoire naturelle (MNHN)

Gouvernance

Gouvernance a Relatioune mat Ëffentlechen Etablissementer

• Casino Luxembourg
• Musée d'art moderne Grand-Duc Jean – Mudam
• Centre culturel de rencontre Abbaye de Neumünster
• Salle de concerts Grande-Duchesse Joséphine-Charlotte – Philharmonie
• Centre de musiques amplifiées – Rockhal
• Espace culturel des Rotondes
• Kultur|lx – Arts Council Luxembourg
• Théâtre national du Luxembourg – TNL
• Trois C-L – Maison pour la danse
• Fonds culturel national
• Fonds national de soutien à la production audiovisuelle – Film Fund (zesumme mam Staatsministère)

Gouvernance a Relatioune mat parastaatlechen Institutiounen

• Luxembourgticket GIE
• Institut Pierre Werner
• Fondation Musée national de la résistance
• Institut grand-ducal
• Cultur'all
• Centre européen de géodynamique et de séismologie
• Centre des monuments du Grand-Duché de Luxembourg
• Villa Louvigny

Historique vum Kulturministère

Iwwer d'Jore war de Ressort vun der Kultur deels an anere Ministèren integréiert:

• 1969 - 1972 : Ministère des affaires culturelles et des cultes
• 1984 - 1995 : Ministère des affaires culturelles
• 1995 - 1999 : Ministère de la Culture
• 1999 - 2009 : Ministère de la Culture, de l'enseignement supérieur et de la recherche
• zanter 2009 : Ministère de la Culture

Kuckt och

• Regierung (Lëtzebuerg)
• Lëscht vun de lëtzebuergesche Kulturministeren

Um Spaweck

Commons: Ministère de la Culture – Biller, Videoen oder Audiodateien

• De Ministère op gouvernement.lu, der Websäit vun der Regierung