Sequoiaen am Amaliepark
| Sequoiaen am Amaliepark | |
|---|---|
 Déi zwou Sequoiaen, an der Mëtt d'Monument Amalia | |
| Kategorie | Bemierkenswäerte Bam zu Lëtzebuerg |
| Land | Lëtzebuerg |
| Gemeng | Lëtzebuerg |
| Plaz | Stadpark |
| Adress | Avenue Amélie |
| Koordinaten | 49°36'50,26"N, 6°7'27,55"O |
| Bamaart | Mammutbeem |
| Héicht | 36,8 m (2023) |
| Duerchmiesser | 2,85 m (2023) |
| Ëmfang | 8,95 m (2023) |
 | |
.jpg)
.jpg)
Eng vu virdrun zwou Sequoiaen am Amaliepark ass e Risemammutbam (Sequoiadendron giganteum; séquoia géant; Riesenmammutbaum) a steet an der Stad Lëtzebuerg beim Monument fir d'Amalia vu Sachsen-Weimar-Eisenach.
Mat engem Alter vu ronn 140 Joer (Stand 2018) waren dës zwéi Beem mat déi eelst Sequoiaen zu Lëtzebuerg. Zum Vergläich: a Kalifornien sti Sequoiaen déi 1000 Joer al sinn, an eng Gréisst vun 100 m erreechen.
Wëll komme Risemammutbeem ausschliisslech a Kalifornien vir. A Mëtteleuropa gi se zanter der Mëtt vum 19. Joerhonnert a Parken ugeplanzt.
D'Opriichte vum Monument an den Amenagement ronderëm goufen ënner der Berodung vum franséische Paysagiste Édouard André (1840-1911), deen och de Park vun der Stad Lëtzebuerg entworf huet, duerchgefouert. Et kann een also unhuelen, datt och déi zwou Sequoiaen op säi Rotschlo hi geplanzt goufen.
Déi zwéi Beem goufe fir d'éischt 2002 op d'Lëscht vun de bemierkenswäerte Beem zu Lëtzebuerg opgeholl.
Ëm 2000 goufe follgend Moosse geholl: Héicht 27 an 32 m; Stammdéckt op Broschthéicht: 1,46 an 1,97 m, wat engem Ëmfang vu 4,58 a 6,15 m entsprécht.
Kränkt an Ofstierwe vum rietse Bam
[änneren | Quelltext änneren]Déi riets Sequoia, op d'Monument hi gekuckt, war méi héich an hat méi Laf wéi déi aner. Spéitstens 2025 konnt een awer gesinn, datt dee Bam krank war. E Schëld vun der Gemeng Lëtzebuerg huet driwwer informéiert, datt seng Wuerzele vun engem Pilz (Hallimasch; Armillaria) befall wieren, an de Bam leider geschwënn ofstierwe géif.[1] Den 28. Februar 2026 gouf dëse Bam ëmgeluecht. Aus dem Holz solle Parkbänke gemaach ginn, déi am Park opgestallt ginn. En neien "Zwilling" gëtt op dëser Plaz geplanzt.[2]
Quellen
[änneren | Quelltext änneren]- Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. S. 194-195, Text a Foto).
Kuckt och
[änneren | Quelltext änneren]- Bemierkenswäert Beem zu Lëtzebuerg
- Aner bemierkenswäert Beem an der Stad
- Hobuch op der Kinnekswiss
- Bam vum Prënz Jean (Käschtebam am Pescatore-Park)
- Käschtebam um Square Robert-Brasseur
- Bluttbuch bei der Méchelskierch
- Bluttbuch am Haff vum Geschichtsmusée
- Buch am Péitrussdall, Bastioun Beck
- Nëssert am Konviktsgaart
- Ginkgo op der Eecher Plaz
- Biergahornen op der Corniche (déi zwéi Beem goufen 2009 ewechgeholl)
Um Spaweck
[änneren | Quelltext änneren] |
Commons: Sequoiaen am Amaliepark – Biller, Videoen oder Audiodateien |
Referenzen
[Quelltext änneren]- ↑ Schëld nieft dem Bam, gekuckt: November 2025).
- ↑ Simone Molitor, Mammutbaum nicht zu retten, Spektakuläre Baumfällaktion im Stadtpark. wort.lu [€] (28.02.2026). Gekuckt den 28.02.2026.