Käschtebam um Square Robert-Brasseur zu Lëtzebuerg

    Linken derbäisetzen
    Vu Wikipedia
    Vun der Theaterplaz aus gesinn. (Januar 2008).
    Vum Square Robert-Brasseur aus gekuckt. (Januar 2008). Riets ënner dem Bam gesäit een en Deel vun der Rouder Bréck

    Dëse Käschtebam (Aesculus hippocastanum L.; Rosskastanie; marronnier d'Inde) steet um Square Robert-Brasseur, vis-à-vis vun der Theaterplaz, an der Stad Lëtzebuerg. Hie fält duerch seng Gréisst an déi imposant Breet vu senger Kroun op.

    D'Kroun huet en Duerchmiesser vun zirka 15 m. Op enger Héicht vun ongeféier 3 m deelt sech de Stamm kandelaberaarteg op an 10 kräfteg, senkrecht geriichten Äscht.

    De Bam steet fräi, gëtt also net a sengem Wuesstem behënnert. Säi gesonden Zoustand ass drop zréckzeféieren, datt en net wéi seng Aartgenosse laanscht d'Stroossen all Joer dem Streesalz am Wanter ausgesat ass. Käschtebeem reagéiere besonnesch empfindlech dorop.

    Dëse Käschtebam gouf 2002 fir d'éischt op d'Lëscht vun de bemierkenswäerte Beem zu Lëtzebuerg opgeholl. Ëm 2000 goufe follgend Moosse geholl: Héicht 23 m; Duerchmiesser (op Broschthéicht): 1,30 m.

    Kuckt och[änneren | Quelltext änneren]

    Quellen[änneren | Quelltext änneren]

    • Sinner, J. et al., 2002. Les arbres remarquables. Administration des Eaux et Forêts. Musée national d'histoire naturelle, S.138-139.
    Vun „https://lb.wikipedia.org/w/index.php?title=Käschtebam_um_Square_Robert-Brasseur_zu_Lëtzebuerg&oldid=2413260“