Spuenesch

Spuenesch español, castellano
Gëtt geschwat an:	Spuenien, Mexiko, Kolumbien, Argentinien, Nicaragua, Chile, USA, Venezuela, Costa Rica, Kuba, Peru an a 34 aner Länner
Regioun:	Europa, Nordamerika, Südamerika
Gëtt geschwat vun:	500 Milliounen (Mammesprooch)
Klassement:	2
Klassifikatioun no Famill:	Indogermanesch Italesch Romanesch Spuenesch
Offizielle Status
Offiziell Sprooch vun:	Spuenien, Mexiko, Kolumbien, Argentinien, Nicaragua, Chile, Venezuela, Costa Rica, Kuba, Peru an an 13 anere Länner
Reglementéiert vun:	Real Academia Española an Asociación de Academias de la Lengua Española
Sproochcoden
ISO 639-1	es
ISO 639-2	spa (B) / (T)
ISO 639-3	spa

D'Spuenesch (es: español, castellano) ass eng ibeeresch-romanesch Sprooch, mat laténgeschem, germaneschem an arabeschem Afloss.

Fir 500 Millioune Leit an 22 Länner op der Welt ass Spuenesch déi Offiziell Sprooch. Donieft gëtt Spuenesch nach a ville Länner als zweet Sprooch geschwat. D'Zuel vun de Leit, déi Spuenesch schwätze, läit bei zirka 600 Milliounen. Domat ass Spuenesch déi véiert heefegst geschwate Sprooch op der Welt, dat no Chineesesch, Hindi an Englesch.

An der ISO 639-1 gëtt d'Ofkierzung es benotzt an an der ISO 639-2 spa.

Spuenesch oder Kastellanesch

Am Prinzip ass Spuenesch a Kastellanesch déi selwecht Sprooch. Et gëtt awer en Ënnerscheed gemaach am Gebrauch vun deenen zwee Wierder. Am Internationale gëtt d'Wuert Spuenesch gebraucht, woubäi a Spuenien selwer d'Wuert Kastellanesch geholl gëtt. All déi aner Dialekter a Spuenie falen nämlech och ënner de Begrëff Spuenesch.

Geographesch Verbreedung

Länner mat villen Hispaneschen Awunner
Alphabetesch Uerdnung	Awunner déi Spuenesch als Mammesprooch hunn
Andorra (40,000) Argentinien (41,248,000) Aruba (105,000) Australien (150,000) Éisträich (1,970) Belize (130,000) Bolivien (7,010,000) Bonaire (5,700) Brasilien (19,700,000) Kanada (272,000) Chile (15,795,000) China (250,000) Kolumbien (45,600,000) Costa Rica (4,220,000) Kuba (11,285,000) Curaçao (112,450) Dominikanesch Republik (8,850,000) Ecuador (10,946,000) El Salvador (6,859,000) Equatorialguinea (447,000) Finnland (17,200) Frankräich (2,100,000) Däitschland (410,000) Guatemala (8,163,000) Guyana (198,000) Haiti (1,650,000) Honduras (7,267,000) Israel (160,000) Italien (455,000) Japan (500,000) Kuwait (1,700) Libanon (2,300) Mexiko (106,255,000) Marokko (960,706) Holland (17,600) Neiséiland (26,100) Nicaragua (5,503,000) Panama (3,108,000) Paraguay (4,737,000) Peru (26,152,265) Philippinnen (2,900,000) Portugal (1,750,000) Puerto Rico (4,017,000) Rumänien (7,000) Russland (1,200,000) Spuenien (44,400,000) Südkorea (90,000) Schweden (39,700) Schwäiz (172,000) Trinidad an Tobago (32,200) Tierkei (29,500) Vereenegt Staate vun Amerika (41,000,000) Vereenegt Kinnekräich (900,000) Uruguay (3,442,000) Amerikanesch Joffereninselen (3,980) Venezuela (26,021,000) Westsahara (341,000)	Mexiko (106,255,000) Kolumbien (45,600,000) Spuenien (44,400,000) Argentinien (41,248,000) Vereenegt Staate vun Amerika (41,000,000) Peru (26,152,265) Venezuela (26,021,000) Brasilien (19,700,000) Chile (15,795,000) Kuba (11,285,000) Ecuador (10,946,000) Dominikanesch Republik (8,850,000) Guatemala (8,163,000) Honduras (7,267,000) Bolivien (7,010,000) El Salvador (6,859,000) Nicaragua (5,503,000) Paraguay (4,737,000) Costa Rica (4,220,000) Puerto Rico (4,017,000) Uruguay (3,442,000) Panama (3,108,000) Philippinnen (2,900,000) Frankräich (2,100,000) Portugal (1,750,000) Haiti (1,650,000) Russland (1,200,000) Marokko (960,706) Vereenegt Kinnekräich (900,000) Japan (500,000) Italien (455,000) Equatorialguinea (447,000) Däitschland (410,000) Westsahara (341,000) Kanada (272,000) China (250,000) Guyana (198,000) Schwäiz (172,000) Israel (160,000) Australien (150,000) Belize (130,000) Curaçao (112,450) Aruba (105,000) Südkorea (90,000) Andorra (40,000) Schweden (39,700) Trinidad an Tobago (32,200) Tierkei (29,500) Neiséiland (26,100) Holland (17,600) Finnland (17,200) Rumänien (7,000) Bonaire (5,700) Amerikanesch Joffereninselen (3,980) Libanon (2,300) Éisträich (1,970) Kuwait (1,700)

Spuenesch Dialekter

• Andalusesch
• Churro
• Kanaresch
• Murcianesch (panocho)
• Extremaduresch
• Amerikanescht Spuenesch
  • Amazonesch
  • Andino
  • Karibesch
    • Kubanesch
    • Dominikanesch
    • Puertorikanesch
    • Panamesch
    • Venezuelesch
      • Maracucho
  • Mëttelamerikanescht Spuenesch
  • Chileenesch
  • Kolumbesch (palenquero)
  • Ecuatorianesch
  • Mexikanesch
  • Peruanesch
  • Rioplatensesch
• Guinea Ecuatorial Spuenescht
• Filipinesch (chabacano)

Klassifikatioun

• Indogermanesch (indoeuropäesch)
  • Italesch
    • Romanesch
      • Italesch-occidentalesch
        • Iberoromanesch
          • Ibero-occidentalesch
            • Spuenesch

Schreifweis an Aussprooch

Kuckt heizou och den Haaptartikel Spuenesch Schreifweis an Aussprooch.

D'Spuenesch Sprooch benotzt dat laténgescht Alphabet mat verschidden Diacriten (ñ) an Digrammen (ch, ll). Den Accent aigu gëtt virun allem geholl fir e bestëmmten Deel vum Wuert ervirzehiewen an ze betounen, meeschtens ass dat bei de Vokaler de Fall.

Wéinst der Schreifweis ass d'Aussprooch vun engem spuenesche Wuert ganz genee definéiert, an och ëmgedréit kann een duerch d'Héiere vun engem Wuert genee wëssen, wéi et geschriwwe gëtt. D'Vokaler ginn och ëmmer gläich laang ausgeschwat. Si sinn op an halleflaang a mussen däitlech ausgeschwat ginn.

Am Spuenesche gi Sätz mat Froen oder Feststellungen mat 2 Froenzeechen oder 2 Ausruffzeeche geschriwwen. Den éischte steet ëmgedréit virum Saz, den aneren den normale Wee hanner dem Saz.

Spuenescht Alphabet

D'Spuenescht Alphabet besteet aus 29 Buschtawen (26 vum romaneschen Alphabet an den ñ).

A, B, C, CH, D, E, F, G, H, I, J, K, L, LL, M, N, Ñ, O, P, Q, R, S, T, U, V, W, X, Y, Z

Grammaire

Kuckt heizou och den Haaptartikel Spuenesch Grammaire.

Orthographie

Kuckt heizou och den Haaptartikel Spuenesch Orthographie.

Um Spaweck

Wikipedia op Spuenesch

Commons: Spuenesch – Biller, Videoen oder Audiodateien

• Spanish 101 - Aussprooch a kuerz Sätz op Spuenesch