Téiteng

Téiteng
Parkierch vun Téiteng
Aussprooch
An anere Sproochen	fr: Tétange de: Tetingen
Land	Lëtzebuerg
Kanton	Esch-Uelzecht
Gemeng	Keel
Buergermeeschter	Jean Weiler (CSV)
Awunner	4.036
	1. Januar 2023
Héicht	300 m
Koordinaten	49° 28’ 36’’ N       6° 2’ 22’’ O

Téiteng ass eng Uertschaft an der Gemeng Keel.

Geschicht

E steenzäitlche Site gouf um Hesselsbierg fonnt, fir genee ze sinn am Flouer Mertesbuer op der Plaz "Huffeisen".

Fir déi gallo-réimesch Zäit gëtt et am Géigesaz zu Keel keng grouss Besidelung vum Raum Téiteng. Dat ännert sech wuel eréischt a fränkescher Zäit (no 459), well d'Endung -eng vum Uertschaftsnumm weist op eng al fränkesch Siidlung hin, déi warscheinlech vun der Sippschaft ëm en Tato, Teto, Teti oder Tetinc gegrënnt gouf.

1245 gëtt Téiteng fir d'éischt an engem Akt ernimmt. D'Schreifweis ännert nach stoark mat der Zäit: Cetenges, Tetenges, Thetingen, Tetyngen, Tettange an absënns Tettingen.

Deemools huet Téiteng zesumme mat Keel, Rëmeleng a Morweng zur Herrschaft Zolwer gehéiert, déi fir kuerz Zäit ënnerbrach gouf duerch en Aarm vun den Häre vun Zolwer déi eng eegen Herrschaft Keel gegrënnt hunn, déi awer duerno nees gréisstendeels an der Herrschaft Zolwer opgaangen ass.  Méi Informatioun doriwwer am Artikel: Keel#Vu Grofen a Ritter.

D'Téitenger waren an der Feudalzäit all Leifeegener, bis datt an der Habsbuerger Zäit 1782 de Keeser Jousef II. d'Leifeegeschaft ofgeschaaft huet.

Wéi d'Minett am 19. Joerhonnert erëmentdeckt gouf, do koum et och zu Téiteng zu enger Bevëlkerungsexplosioun.

Bevëlkerungsentwécklung

Joer       Awunner 1806 260 1851 371 1865 435 1875 608 1880 618 1895 1.336 1900 1.839 1910 2.060 1916 2.054

Joer       Awunner 1930 2.648 1935 2.412 1947 2.347 1960 2.829 1981 2.540 1983 2.587 1986 2.455 1988 2.392 1990 2.428

Joer       Awunner 1992 2.487 1994 2.577 1996 2.758 1998 2.834 2000 2.942 2002 3.061 2003 3.085 2006 3.178 2010 3.432

Joer       Awunner 2016 3.707 2019 3.884

Bekannt Téitenger

• Camillo Felgen, Sänger, Schauspiller a Moderator (1920-2005)
• Jeannot Lunkes, Moler a fréiere Schoulmeeschter (1946–)
• Jos Massard, Biolog, Wëssenschaftshistoriker a Lokalpolitiker (1944–)
• Jean-Pierre Nuel, Universitéitsprofesser a Medezinfuerscher (1847-1920)
• Jean Schortgen, éischten Oarbechter deen Chambersdeputéierte gouf (1880-1918)
• Edy Schütz, Vëlossportler (1941-)
• Roger Thull, Vëlossportler (1939-)
• Pierre Wagener, Dragoner an der napoleonescher Arméi (1782-1812)

Kuckeswäertes

• Kierch Téiteng

Kuckt och

• Téitenger Schungfabrik
• Gare Téiteng

Um Spaweck

Commons: Téiteng – Biller, Videoen oder Audiodateien

• Offiziell Säit vun der Gemeng Keel
• Syvicol
• TICE
• Offiziell Säit vum Syndicat d'Initiative Kayl - Tétange

Fir ze liesen

• Gast Hentges a Jeannot Lunkes, Tetingen: rote Erde, rundes Leder, 1989
• Keeler Gemeng, Natur, Kultur und Geschichte in der Gemeinde Kayl, Imprimerie Heintz, Péiteng, Sept. 2011

Iwwerrescht vun enger haarder Biergaarbechterzäit: ee Minettsbuggi

Stroosseplang

Lag vun Téiteng