Atert (Provënz Lëtzebuerg)

Attert lb: Atert
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Arel
Telefonszon	063
Postcode	6717
Koordinaten	49° 45' 00" N 05° 47' 12" O
Fläch	7.049 ha
Bevëlkerung	4 656 (1. Jan. 2006)

Atert (Franséisch: Attert, Wallounesch : Ater) ass eng Belsch Gemeng an der Provënz Lëtzebuerg.

Geographie

Atert läit un der Lëtzebuerger Grenz, um Floss Atert. Well et dëssäit vun der romanesch-germanescher Sproochgrenz louch, schwätzen haut nach eng ettlech Leit zu Atert Lëtzebuergesch. D'Gemeng dréit deem Rechnung, andeems se z.B. zweesproocheg Stroosseschëlter ophänkt.

Atert läit haut laanscht d'Nationalstrooss N4 déi vun der Grenz um Rosenberg bis op Baaschtnech iwwer d'Voie de la Liberté leeft. Fréier huet déi Strooss duerch d'Uertschaft gefouert. D'Gemeng Atert läit och am Parc Naturel de la Vallée de l'Attert.

Aner Uertschaften an der Gemeng

D'Gemeng Atert wéi se haut besteet, ass an der Zäit vun der belscher Gemengereform 1976/77 enstanen, a setzt sech zesummen aus de fréiere Gemengen: Atert, Gehaanselchert, Noutem, Diddebuerg an Tontel mat den Uertschaften a Lieu-diten:

Atert mat Bai Lou Faascht (Faaschterhaff) Grendel Hänerech Héieknapp Kiem Luxeroth Post (lëtz.: Pass) Roudenhaff Schuedeck Schakeler

Gehaanselchert mat Almeroth Bilhecken Heeschterpad Hannert dem Bierg Heinstert (lëtz: Heeschtert) Kohn Luchert Masemt Millebierg Speecherbill Um Schleed Vrun dem Bierg

Noutem mat Corne du Bois des Pendus Géisbirg Lamischterbierg Parette (lëtz: Parrt) Parrterbierg Woisgaarden

Diddebuerg mat Barrière Lischert (Leschert) Lottert Tatter

Tontel mat Baltert Bayerchen Côte-Rouge Metzert

D'Uertschaft Atert

Zweesproochegt Stroosseschëld zu Tontel

Wopen

Beschreiwung an Originaltext:

D'argent à la fasce ondée d'azur accompagnée de cinq trèfles de sinople, trois en chef et deux en pointe.

De Wope gouf an där Form den 29. Abrëll 1994 vum Gemengerot ugeholl. Den A E ass vum 6. Oktober 1994.

De Wope vun der Gemeng Atert ass e rezente Wopen, well keng vun den ale Gemengen e Wopen hat de konnt iwwerholl ginn oder als Basis fir en Neien déngen. Dat blot Band am Wope stellt den Atertdall duer an d'Kléiblieder déi fënnef al Gemengen déi sech zur Gemeng Atert zesummegeschloss hunn.

Monumenter

• Monument fir Koreakrichkämpfer.

Kuckt och

• Lëscht vun den Uertschaften am Arelerland

Um Spaweck

Commons: Atert – Biller, Videoen oder Audiodateien

• Offiziell Säit vun der Gemeng

Gemenge vun der Provënz Lëtzebuerg    

Arel - Atert - Baaschtnech - Bertogne - Bertrix - Bouillon - Chiny - Daverdisse - Durbuy - Éibeng - Erezée - Étalle - Fauvillers - Florenville - Gouvy - Habay - Herbeumont - Hotton - Houffalize - La Roche-en-Ardenne - Léglise - Libin - Libramont-Chevigny - Manhay - Marche-en-Famenne - Maartel - Meix-devant-Virton - Miezeg - Musson - Nassogne - Neufchâteau - Paliseul - Rendeux - Rouvroy - Saint-Hubert - Saint-Léger - Sainte-Ode - Tellin - Tenneville - Tintigny - Vaux-sur-Sûre - Vielsalm - Virton - Wellin