Eurovision Song Contest 1993

Vu Wikipedia
Wiesselen op: Navigatioun, sichen
38. Eurovision Song Contest
Datum 15. Mee 1993
Stad Millstreet (Irland)
Gebai Green Glens Arena
Gewënner Niamh Kavanagh (Irland)
Zuel vu Länner 29, dovu 25 an der Finall
Nei Participatiounen Bosnien an Herzegowina, Kroatien, Slowenien
Moderatioun Fionnuala Sweeney
Interval Act Linda Martin a Johnny Logan
Ofstëmmungsregelung An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
D'Gewënnerin Niamh Kavanagh, 2010

Den 38. Eurovision Song Contest war de 15. Mee 1993 an Irland. Organiséiert gouf d'Eurovisioun dat Joer an der Green Glens Arena zu Millstreet, enger Uertschaft mat zirka 1500 Awunner. Presentatrice war d'Fionnuala Sweeney.

Nei dobäi komm si Bosnien an Herzegowina, Slowenien a Kroatien. Am Ganzen hunn 25 Länner matgemaach, wat bis dohin déi gréisst Zuel vu Länner war déi matgemaach haten.

No dem Fall vun der Berliner Mauer an dem Opgoe vum Eisene Rideau 1989 wollten eng ganz Rei osteuropäesch Länner och beim Grand Prix matmaachen. Dofir ass fir déi Länner déi nei dobäi komme wollten, eng Virentscheedung agefouert ginn. Déi dräi éischt sollten da bei der Finall zu Millstreet kënnen dobäi sinn. Jugoslawien, dat a seng eenzel Deelrepubliken zerfall war, huet keng Starterlaabnis méi kritt. Matgemaach bei dëser Virentscheedung hu Bosnien an Herzegowina, Slowenien, Kroatien, d'Slowakei, Estland, Ungarn a Rumänien. D'Punkte sinn no deem selwechte System vergi ginn wéi beim normale Grand Prix.

Verschidde Sänger ware scho virdru mol eng Kéier dobäi, den Tony Wegas fir Éisträich 1992, den Tommy Seebach fir Dänemark 1979 a 1981 an d'Katri Helena fir Finnland 1979.

D'Regel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Millstreet matgedeelt ginn.

Déi éischt Plaz krut d'Vertriederin vun Irland, d'Niamh Kavanagh mat 23 Punkte Virsprong virum Sonia (Groussbritannien). Déi drëtt Plaz krut d'Annie Cotton, déi fir d'Schwäiz ugetruede war.

Fir Irland war et déi fënneft Kéier datt et de Grand Prix gewonnen hat. Et war och déi lescht Kéier fir laang Joren, dat Lëtzebuerg matgemaach hat.

Nëmmen déi éischt 19 Länner hunn dat Joer drop däerfte matmaachen, déi aner sollten 1 Joer Paus maachen. Dat war sou decidéiert ginn fir den osteuropäesche Länner et z'erméigleche matzemaachen.

Osteuropäesch Virentscheedung[änneren | Quelltext änneren]

Land
Interpret Titel
Plaz Punkten
Slowenien 1x band Tih dezeven dan 1 54
Bosnien an Herzegowina Fazla Sva bol svijeta 2 52
Kroatien Put Don't Ever Cry 3 51
Slowakei Elán Amnestia na neveru 4 50
Estland Janika Sillamaa Muretut meelt ja südametuld 5 47
Ungarn Andrea Szúlák Árva reggel 6 44
Rumänien Dida Dragan Nu pleca 7 38
3. Abrëll 1993, Ljubljana, Slowenien

Klassement[änneren | Quelltext änneren]

Plaz Land Interpret Titel Punkten
1. Irland Niamh Kavanagh In Your Eyes 187
2. Groussbritannien Sonia Better the Devil You Know 164
3. Schwäiz Annie Cotton Moi, tout simplement 148
4. Frankräich Patrick Fiori Mama Corsica 121
5. Norwegen Silje Vige Alle mine tankar 120
6. Holland Ruth Jacott Vrede 92
7. Schweden Arvingarna Eloise 89
8. Malta William Mangion This Time 69
9. Griicheland Keti Garbi Eladha, hora tu fotos 64
10. Portugal Anabela A cidade (até ser dia) 60
11. Spuenien Eva Santamaría Hombres 58
12. Italien Enrico Ruggeri Sole d'Europa 45
13. Island Inga Þá veistu svarið 42
14. Éisträich Tony Wegas Maria Magdalena 32
15. Kroatien Put Don’t Ever Cry 31
16. Bosnien an Herzegowina Fazla Sva bol svijeta 27
17. Finnland Katri Helena Tule luo 20
18. Däitschland Münchener Freiheit Viel zu weit 18
19. Zypern Zymboulakis a van Beke Mi stamatas 17
20. Lëtzebuerg Modern Times Donne-moi une chance 11
21. Tierkei Burak Aydos Esmer yarım 10
22. Dänemark Tommy Seebach Band Under stjernerne på himlen 9
22. Slowenien 1x band Tih deževen dan 9
24. Israel Lahakat Shiru Shiru 4
25. Belsch Barbara Iemand als jij 3

Um Spaweck[änneren | Quelltext änneren]

Commons: Eurovision Song Contest 1993 – Biller, Videoen oder Audiodateien
Malmö (Schweden) Esc-wäiss1.png Dublin (Irland)
ESC 1992 Eurovision Song Contest ESC 1994