Eurovision Song Contest 1998

Vu Wikipedia
Wiesselen op: Navigatioun, sichen
43. Eurovision Song Contest
Datum 9. Mee 1998
Stad Birmingham (Groussbritannien)
Gebai National Indoor Arena
Gewënner Dana International (Israel)
Zuel vu Länner 25
Nei Participatiounen Mazedonien
Moderatioun Terry Wogan an Ulrika Jonsson
Interval Act Lesley Garrett a Vanessa Mae
Ofstëmmungsregelung All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
D'Gewënnerin Dana International, 2008
National Indoor Arena zu Birmingham, 2005

Den 43. Eurovision Song Contest war den 9. Mee 1998 a Groussbritannien. E gouf an der National Indoor Arena zu Birmingham organiséiert. Presentateure waren den Terry Wogan an d'Ulrika Jonsson.

Fir d'Zuel vun de Länner ze reduzéiere sinn d'Resultater vun de leschte 5 Joer gekuckt ginn an déi mat de mannste Punkten hu missen e Joer Paus maachen. Vun där Regel waren Éisträich, Bosnien an Herzegowina, Dänemark, Russland an Island betraff. Lëtzebuerg huet scho wéi déi 4 Joer virdru fräiwëlleg net matgemaach, grad wéi Italien. Mazedonien koum nei derbäi, nodeem e Versuch fir matzemachen am Joer 1996 bei der Virentscheeung hänke blouf. Am Ganze ware 25 Länner derbäi.

Verschidden Interprete ware scho virdru mol eng Kéier dobäi, d'Danijela fir Kroatien 1995 (Member vun der Grupp Magazin) an de José Cid (Member vun Alma Lusa) fir Portugal 1980.

D'Regel fir d'Ofstëmmung ass d'selwecht bliwwe wéi déi Jore virdrun, allerdéngs ass an de meeschte Länner den Televoting duerch d'Spectateure benotzt ginn fir ofzestëmmen mat Ausnam vun der Tierkei, Rumänien, Irland an Ungarn, wou nach eng Jury d'Ofstëmmung gemaach huet. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Birmingham matgedeelt ginn.

Déi éischt Plaz krut d'Vertriederin vun Israel, d'Dana International mat 6 Punkte Virsprong virum Imaani (Groussbritannien). Déi drëtt Plaz krut d'Chiara Siracusa, déi fir Malta ugetruede war. D'Gewënnerin Dana International ass bei de Medien an d'Gespréich komm well si sech offen zu hirer Transsexualitéit bekannt huet.

Israel hat domat fir d'drëtt Kéier de Grand Prix gewonnen.

Klassement[änneren | Quelltext änneren]

Plaz Land Interpret Titel Punkten
1. Israel Dana International Diva 172
2. Groussbritannien Imaani Where Are You? 166
3. Malta Chiara The one that I love 165
4. Holland Edsilia Rombley Hemel en aarde 150
5. Kroatien Danijela Neka mi ne svane 131
6. Belsch Mélanie Cohl Dis oui 122
7. Däitschland Guildo Horn Guildo hat euch lieb 86
8. Norwegen Lars A. Fredriksen Alltid sommer 79
9. Irland Dawn MartinDawn Is always over now? 64
10. Schweden Jill Johnson Kärleken är 53
11. Zypern Michael Hajiyanni Yenesis 37
12. Portugal Alma Lusa Se eu te pudesse abraçar 36
12. Estland Koit Toome Mere lapsed 36
14. Tierkei Tüzmen Unutamazsın 25
15. Finnland Edea Aava 22
16. Spuenien Mikel Herzog ¿Qué voy a hacer sin ti? 21
17. Polen Sixteen To takie proste 19
18. Slowenien Vili Resnik Naj bogovi slišijo 17
19. Mazedonien Vlado Janevski Ne zori, zoro 16
20. Griicheland Thalassa Mia krifi evesthisia 12
21. Slowakei Katarína Hasprová Modlitba 8
22. Rumänien Mălina Olinescu Eu cred 6
23. Ungarn Charlie A holnap már nem lesz szomorú 4
24. Frankräich Marie Line Où aller 3
25. Schwäiz Gunvor Lass’ ihn 0

Um Spaweck[änneren | Quelltext änneren]

Commons: Eurovision Song Contest 1998 – Biller, Videoen oder Audiodateien
Dublin (Irland) Esc-wäiss1.png Jerusalem (Israel)
ESC 1997 Eurovision Song Contest ESC 1999