Libra (Stärebild)

Date vum Stärebild Libra
Lëtzebuergeschen Numm	Wo
Laténgeschen Numm	Libra
Latäin. Genitiv	Librae
Latäin. Ofkierzung	Lib
Rektaszensioun	14h 21m bis 16h 02m
Deklinatioun	0° 30´ bis -30° 00’
Fläch	538 Quadratgrad
Siichtbar op de Breedegraden	60° Nord bis 90° Süd
Beschten Observatiounzäitraum	Spéitfréijoer, Summer
Unzuel un stäre mat Gréisst < 3	2
Hellste Stär, Gréisst	β Librae (Zuben-el-schemali) 2,61
Meteorstréim
Nopeschstärebiller (vun Norden am Auerzäresënn)	Serpens Virgo Hydra Scorpius Ophiuchus
Kaart vum Stärebild Libra. Déi gestréchelt rout Linn ass d'Ekliptik.

D'Libra (lb: Wo) ass e Stärebild op der Ekliptik.

Beschreiwung

D'Libra (Wo) ass e wéineg markant Stärebild tëschent dem Scorpius (Skorpioun) an der Virgo (Jongfra, Joffer). Zwee vun de Stären sinn méi grouss wéi 3. Gréissteklass.

D'Libra läit op der Ekliptik, sou datt Sonn, Äerdmound an d'Planéiten duerch si doduerch zéien. Si gehéiert soumat zu den Déierekreeszeechen. Allerdéngs huet sech opgrond vun der Prezessiounsbewegung vun der Äerdachs den Zäitpunkt vum Sonnenduerchgang géigeniwwer der Antikitéit verännert. D'Sonn hält sech vum 30. Oktober bis den 23. November an der „Wo“ op.

Geschicht

D'Libra gehéiert zu de klasseschen 48 Stärebiller vun der Antikitéit, déi schonns vum Ptolemäus beschriwwe goufen. Den haitegen Numm Libra gouf ëm 100 n.Chr. vun de Réimer agefouert. Fir si huet Stärebild d'Sënnbild vun der Gerechtegkeet duergestallt.

Himmelsobjeten

Stären

B	F	Numm o. aner Bezeechnungen	Gréisst	Lj	Spektralklass
β	27	Zuben-el-schemali (Zubeneschemali)	2,61m	120	B8 V
α2	9	Zuben-el-dschenubi (Zubenelgenubi)	2,75m	77	A3
σ	20	Brachium, Cornu	3,29m	292	M3 III
υ			3,60m
θ	39		3,6m	120	K4 III
τ	40		3,66m	400	B3 V
γ	38	Zuben-el-Akrab	3,91m	152	G8 IV
	16		4,47m
ι			4,54m
	37		4,61m
κ			4,71m
δ	13	Zuben-el-Akribi	4,9 bis 5,9m	304	B9 V
ε			4,92m
11			4,93m
	48		4,95m
	42		4,97m
λ			5,04m
	36		5,13m
α1			5,13m
ν	21		5,19m
	12		5,27m
μ	7		5,32m	250	A1 + A5
	41		5,36m
η			5,41m
	49		5,47m
ξ2			5,48m
ζ			5,53m
	50		5,53m
	32		5,64m
	4		5,70m
ξ1			5,78m
	34		5,82m
	18		5,88m
	47		5,95m

β Librae ass 120 Liichtjoer vun eis ewech an huet ee bloe Stär vun der Spektralklass B8 V.
Den Numm Zuben-el-schemali ass arabesch a bedeit „nërdlech Schéier“ (vum Skorpioun).

292 Liichtjoer ewech läit de Stär σ Librae (Brachium). Et ass e roudelzege Stär mat der Spektralklass M4 III.

Den γ Librae ass 152 Liichtjoer ewech. Den arabeschen Numm Zuben-el-Akrab bedeit „Schéier vum Skorpioun“.

Duebelstären

Objet	Gréissten	Ofstand
α	2,8 /5,2m	231"
ι	4,7/9,7m	8,5"
μ	5,7m/6,6m	2,0"

Den α Librae ass een Duebelstäresystem op enger Distanz vun 77 Liichtjoer. Opgrond vum wäite Wénkelofstand vun 231 Bousekonnen kënnen si gutt gesi ginn. D'System läit bal genee op der Ekliptik, dofir gëtt et regelméisseg vum Mound bedekt (Stärebedeckung).
Den arabeschen Numm Zuben-el-dschenubi bedeit „südlech Schéier“.

D'Duebelstäresystem ι Librae ass omheféier 250 Liichtjoer vun eis ewech.

Verännerlech Stären

Stär	Gréisst	Period	Typ
δ	4,9 bis 5,9m	2,327 Tage	Bedeckungsverännerlechen

Den δ Librae ass 304 Liichtjoer vun eis ewech an ass e bedeckungsverännerleche Stär vum Typ Algol. Seng Hellegkeet verännert sech regelméisseg mat enger Period vun 2,327 Deeg.

Messier- an NGC-Objeten

Messier (M)	NGC	aner	Gréisst	Typ	Numm
	5897		8,6m	Kugelstärekoup

An der Wo steet op enger Distanz vu 45.000 Liichtjoer e Kugelstärekoup mat der Bezeechnung NGC 5897.

Kuckt och

Portal Astronomie

• Lëscht vu Stärebiller
• ABC vun de Stären
• Void

Um Spaweck

• (de) http://www.astronomie.de/bibliothek/artikel/sternbilder/waage.htm (Stärekaart)
• (de) http://deepsky.astroinfo.org/Sco/m4/ (Biller vum Skorpioun an der Wo)
• (de) http://www.cortesi.ch/Wissen/wi_waage.htm (D'Déierkreeszeechen Wo)

Commons: Libra (constellation) – Biller, Videoen oder Audiodateien