NGC 604

Vu Wikipedia
Wiesselen op: Navigatioun, sichen
H-II-Gebitt NGC 604
NGC 604, opgeholl mat der Kamera WFPC 2 vum Hubble-Weltraumteleskop.
Stärebild Triangulum (Tri)
Positioun fir d'Equinoxe J2000.0
Rektaszensioun 1h 34m 33s
Deklinatioun + 30°47' 0”
Ausgesinn
Wénkelduerchmiesser 1,2' × 1,9'
Physikalesch Donnéeën
Distanz (Lj)  3 Mio Lj /
ca. 900 kpc
Absoluten Duerchmiesser  1500
Geschicht
Entdecker  Wilhelm Herschel
Entdeckungsdatum  11. September 1784
Katalog- an Entdeckerbezeechnungen
IRAS  01317+3031
NGC  604

Den NGC 604 ass en H-II-Gebitt an der Galaxis Messier 33 am Stärebild Triangulum. Hien huet eng Wénkelgréisst vu ronn 1',9 × 1',2 a gouf den 11. September 1784 vum Wilhelm Herschel entdeckt. Et ass eent vun de gréisste bekannte H-II-Gebidder.

Den NGC 604 läit an engem Spiralarm vun der Galaxis M33, déi och als "Dräiecksniwwel" bekannt ass. Mat enger Distanz vun 2,8 Millioune Liichtjoer ass eis den M33 zimlech no; si ass e Member vun der Lokaler Grupp, där och eis Mëllechstrooss ugehéiert. Den M33 huet nach weider H-II-Regiounen, wéi z. B. den NGC 595 an den NGC 592.

Den NGC 604 ass ee vun de gréissten Stäregenesisgebidder, déi Astronomen an eise direkten Noperschaftgalaxië fonnt hunn. D'Gebitt huet eng Gréisst vu ronn 1300 Liichtjoer an huet méi wéi 200 jonk a ganz waarm Stäre (der héijer Temperatur entspriechend bloelzeg gefierft), déi eréischt bannen der leschten dräi Millioune Joer entstane sinn.[1] Spektralanalysen besoen, datt d'Regioun ongeféier sou vill aktiv, masseräich Wolf-Rayet-Stäre wéi blo Stäte huet. Ronn 50 dovun hunn sech während enger eenzeger Phas vergréisserter Stäregenesis viru ronn 4 Millioune Joer gebilt.[2]

Dat interstellart Medium am NGC 604 huet eng komplex Blosstruktur an Filamenter. No haitegem Wëssen sinn dës Strukturen engersäits duerch de staarke Stärewand vun de jonke, waarme Stäre, anerersäits duerch Supernova-Explosiounen entstanen.[3]

Kompositioun vun e puer Fotoe mat der Kamera WFPC 2 vum Hubble Space Telescope
NGC 604 Foto vun der Kamera WFPC 2 Hubble Space Telescope

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Commons: NGC 604 – Biller, Videoen oder Audiodateien

Referenzen[änneren | Quelltext änneren]

  1. Pressematdeelung vum Space Telescope Science Institute vum 4. Dezember 2003: Firestorm of Star Birth Seen in a Local Galaxy.
  2. S. Dodorico und M. Rosa: Wolf-Rayet stars in the giant H II region NGC 604. In: Astrophysical Journal, Bd. 248, 1981, S. 1015–1020.
  3. Hui Yang et al.: The Violent Interstellar Medium of NGC 604. In: Astronomical Journal Bd. 112, 1996, S. 146 .