Spa

Vu Wikipedia
Wiesselen op: Navigatioun, sichen
Spa
center}}}
Land Flag of Belgium (civil).svg Belsch
Regioun Flag of Wallonia.svg Wallounien
Communautéit Flag of Wallonia.svg Franséisch Communautéit
Provënz Flag of the Province of Liège.svg Léck
Arrondissement Verviers
Telefonszon 087
Postcode 4900
Koordinaten Gnome-globe.svg50° 29’ 33’’ N
     05° 51’ 52’’ O
Fläch  8.653 ha
Bevëlkerung  10.591 (2008)
Spa an der Provënz Léck
Spa an der Provënz Léck
Sprangbur am Park vum Casino

Spa (wa.: Spå) ass eng belsch Stad a Gemeng an der Provënz Léck. Si huet 10 000 Awunner an ass als Thermalbad säit laanger Zäit bekannt, wahrscheinlech schonn zur Zäit vun de Réimer. Spa ass zu engem Begrëff ginn, wat d'Thermalbierder ugeet. Den Thermalbegrëff Spa gëtt meeschtens op d'Stad Spa zréckgeféiert, munnechmol och op d'Formel: Sanitas per Aqua (Gesondheet duerch d'Waasser).

Zu Spa hu sech an der Zäit d'Eliten aus der ganzer Welt Rendez-vous ginn: den Dichter Victor Hugo, den Tsar Péiter de Groussen vu Russland (fir sech do vum Wodka ze désintoxiquéieren), déi ganz belsch Kinneksfamill, den Alexandre Dumas (Papp), de Casanova, ënner aneren. D'mondaint Liewen zu Spa am 18. Joerhonnert ass gutt am Film Barry Lyndon vum Stanley Kubrick duergestallt. Et ass iwwregens zu Spa, wou deen éischten moderne Casino gebaut gouf.

Am Mäerz 1918, hat déi däitsch Arméi hiren Haaptquartéier zu Spa ageriicht an huet vun do aus déi lescht gréisser däitsch Offensiv am Éischte Weltkrich ausgeléist. Nodeem datt et eng Zäit méi roueg zu Spa gi war, huet den Thermalissem zanter den 1950er Joren e neien Héichpunkt erreecht.

Op der Héicht, déi Spa dominéiert, goufen d'Installatiounen Annette a Lubin gebaut, bei déi haut eng Seelbunn féiert.

Zu Spa gëtt et och vill Geleeënheete fir spadséieren ze goen.

Automobilsport[änneren | Quelltext änneren]

Ausser sengem gudde Ruff als Thermalstatioun ass Spa besonnesch bekannt wéinst den Autoscourssen déi do um Circuit Spa-Francorchamps all Joer ausgedroe ginn. Et gëtt och allgemeng als d'Wéi vum belschen Autossport betruecht.

D'Geschicht vum belschen Automobilssport huet do den 11. Juli 1896 ugefaangen. De belschen Automobilklub hat do e puer Autosdeeg organiéiert fir de gutt situéierten Themalgäscht eng Attraktioun ze bidden. Et gouf e Concours d'élégance an e Gymkana, a wat dat wichtest war, och eng Course vun 12 km. oganiséiert, déi vun zwéi FRansouse gewonne gouf. [1]

Um Spaweck[änneren | Quelltext änneren]

Commons: Spa – Biller, Videoen oder Audiodateien
Kierch Notre-Dame et Saint-Remacle
D'Standseelbunn zu Spa

Referenzen[änneren | Quelltext änneren]

  1. http://www.coursedecote.be/history/debuts.htm Championat de Belgique, historique des courses