Affection
 | |
| Typ | Skulptur |
|---|---|
| Land | Lëtzebuerg |
| Gemeng | Koplescht |
| Plaz | Briddel |
| Koordinaten | 49°39'24,0592"N, 6°4'49,2038"O |
| Ageweit | 1980 |
| Material | Bronz |
| Kënschtler | Lucien Wercollier |
 | |
Affection ass den Numm vun enger monumentaler bronze Skulptur vum Lucien Wercollier déi um Briddel an enger Parkanlag um Square Marcel Goedert steet.
D'Skulptur
[änneren | Quelltext änneren]Si steet op engem zirka 2 m héije Sockel aus roudem Granit, op deem den Numm vum Konschtwierk (Affection), den Numm vum Kënschtler an d'Joer 1980 gravéiert sinn:
- Lucien Wercollier
- sculpteur, 1980.
D'Skulptur gëtt et an zwou Versiounen:
- eng kleng Versioun, am Alabaster, aus dem Joer 1978;
- eng grouss Versioun, déi am Optrag vun der Gemeng Koplescht am Bronze gegoss gouf fir op enger ëffentlecher Plaz opgestallt ze ginn.
Interessantes
[änneren | Quelltext änneren]- Um selwechte Square steet eng al Eech, déi als Bam vum Fridde gekennzeechent ass. Op der Plackett um Fielsblock nieft dem Bam steet:
Arbre
de la Paix
11 novembre 1986
- Ronn 100 m vum Square Marcel Goedert ewech steet eng Eech déi zu de bemierkenswäerte Beem zu Lëtzebuerg gehéiert.
Quellen
[änneren | Quelltext änneren]- Joseph-Émile Muller, 1983. Lucien Wercollier. Publication de la Section des arts et lettres de l'Institut grand-ducal. Imprimerie Saint-Paul, Lëtzebuerg. 132 S. Ouni ISBN. (Cf. Foto 129: Affection am Alabaster).
Kuckt och
[änneren | Quelltext änneren]Aner Skulpture vum Lucien Wercollier, an der Stad Lëtzebuerg:
- La Rampante um Campus Geesseknäppchen
- Accord am Pescatore-Park (Joseph-Kutter-Stèle)
- Signe dans l'espace an der Cité Frommes um Zens
- Croissance beim Europäesche Geriichtshaff um Kierchbierg
Fir Biller vu weidere Skulpture vum Kënschtler, kuckt: Lucien Wercollier
Fotoalbum
[änneren | Quelltext änneren] |
 |