Auguste Liesch

Auguste Liesch
Auguste Liesch
Gebuertsnumm	Johann-Baptist August Liesch
Gebuer	28. August 1874; Munneref
Gestuerwen	13. Mäerz 1949; Lëtzebuerg
Nationalitéit	Lëtzebuerg
Aktivitéit	Politiker, Affekot, Riichter, Schrëftsteller
Partei	Liberal Liga

De Jean-Baptiste Auguste Liesch gebuer den 18. August 1874 zu Munneref, a gestuerwen den 13. Mäerz 1949 zu Lëtzebuerg, war e lëtzebuergesche Jurist, Politiker a Schrëftsteller. Säi bekanntst Wierk ass D'Maus Ketti.

Säi Liewen

Den Auguste Liesch koum als Jong vun engem Apdikter zu Munneref op d'Welt. Hien hat Droit studéiert a war als Affekot um Barreau vu Lëtzebuerg ageschriwwen. Hie gouf 1904 Friddensriichter zu Gréiwemaacher. 1907 war en um Beziirksgeriicht an der Stad Lëtzebuerg.

Vun 1918 bis 1921 war den Auguste Liesch, als Vertrieder vun de Liberalen, Generaldirekter (Minister) an zwou Regierungen ënner dem Émile Reuter, zoustänneg fir Justiz an ëffentlech Aarbechten. Méi wéi eemol war hien net mat der Politik vum Émile Reuter d'accord an huet e puermol domat gedreet seng Demissioun anzereechen. Hien ass awer bis Mëtt Abrëll 1921 op sengem Poste bliwwen, wéi den Émile Reuter seng éischt Regierung zesummegestallt huet déi nëmmen aus Vertrieder vun der Rietspartei bestanen huet.^[1]

Duerno gouf en Direkter vun der Douane bis 1939, a goung dann an d'Pensioun.

Den 23. Januar 1937 koum en an de Staatsrot an ass do bis de 16. November 1945 bliwwen.^[2]

Am Krich gouf e vum Okkupant op Leubus a Schlangenbad ëmgesidelt.

1949 ass den Auguste Liesch gestuerwen.

Säi Wierk

Lëtzebuergesch Texter

Auguste Liesch: de Schadchen

Fête de Charité
D'Hochzeit an der Kathedral
D'Visite beim Bébé
Beim Docter
Vakanz
De Schadgen
Specki Spack
Um Tram
Den Här Aptekter
Meng Auer
E gudde Parti
D'Schweiz
De Joss am Muergeland
D'Liewen
Eng Lomp
Un d'Mammen
Den Taucher (frei nom Friderech vu Schiller)
Drémerei
Jonge, follegt mir!
De Coiffeur
E flotte Kaperol
Um Theater
Am Park
D'Volkskichen
D'Hochzeit an der Volkskichen
D'Chirurgen
Am Conseil
D'Le'ft
Eng Keilchen am Könn
Halerbach
Um Bal
De Rambour
Zwé Zecher
Schlot ké Kand!
Des Sängers Fluch
Am Klo'schter
Widmong
Ons Arme'
D'al Joffer
Um Bal
Gedanken iwert e Kanddaf an der Maternite't
E Kandidat fir den Tram
Eng Wandlaus
D'Maus Ketti

Franséisch Texter

Tante Zinn
Le codicille
Nine
Tante Albertine

Däitsch Texter

Bomben auf Drier
Leubus
Mein Freund Anton
Ely
Im Schatten des Eichenhofes (Roman)

Literatur

D'Maus Ketti: Eng al Geschicht an neie Versen: zum Beschten vun de Ferienkolonien. Biller vum Pierre Blanc. 12 p. [Verlag a Drock] Gustav Soupert, Lëtzebuerg, 1936.
Im Schatten des Eichenhofes, Roman, Ed. Worré-Mertens, 1940.
Allerhand, Ed. P. Linden, 1947.
Allerhand an d'Maus Ketti, Éditions du Centre, 1959.
Auguste Liesch Gesamtwierk. Luxembourg, Éditions J.-P. Krippler-Muller, 1979 (= Klassiker vun der Lëtzebuerger Literatur, Zweete Band). ( Préface vum Pierre Grégoire, Henri Rinnen & Nic Weber. Illustratioune vum Pe'l Schlechter)
D'Maus Kätti. Illustratioune vum Alison Koch-Kent. 39 S. Éditions Schortgen, Esch-sur-Alzette. ISBN 87953-977-3. 2003.

Gielercher ^[3]

Commandeur vum Ordre de la couronne de chêne
Commandeur avec couronne vum Ordre de Mérite civil et militaire d'Adolphe de Nassau
Grand Officier vum Ordre de Léopold II
Officier vum Ordre de la Légion d'honneur

No him benannt

Als Undenken un den Auguste Liesch sinn eng Partie Stroossen no him benannt: zu Bartreng, Diddeleng, an der Stad, zu Munneref an zu Biermereng.

Kuckt och

Referenzen

↑ Bras de fer 1918-1929 vum Charles Barthel, saint-paul 2006 ISBN 978-2-87996-735-6, Säit 250
↑ Lëscht vun de Membere vum Staatsrot op der Websäit vum Staatsrot
↑ Doudesannonce vum Auguste Liesch am Luxemburger Wort vum 15. Mäerz 1949

[1] Bras de fer 1918-1929 vum Charles Barthel, saint-paul 2006 ISBN 978-2-87996-735-6, Säit 250

[2] Lëscht vun de Membere vum Staatsrot op der Websäit vum Staatsrot

[3] Doudesannonce vum Auguste Liesch am Luxemburger Wort vum 15. Mäerz 1949

[1]

[2]

[3]