Europadag

Als Europadag ginn zwéin Deeg am Joer bezeechent, déi als Feierdag fir Europa zielen: de 5. Mee gëtt un d'Grënnung vum Europarot, an den 9. Mee un d'Schuman-Deklaratioun erënnert.

5. Mee – Europadag vum Europarot[änneren | Quelltext änneren]

Dësen Europadag, deen de Ministercomité 1964 agefouert huet, erënnert un d'Ënnerschreiwe vun der Charta vum 5. Mee 1949 zu London, mat där den Europarot gegrënnt gouf.

9. Mee – Europadag vun der Europäescher Unioun[änneren | Quelltext änneren]

Op Grond vun enger Iddi vum Jean Monnet, huet de franséischen Ausseminister Robert Schuman den 9. Mee 1950 an enger Ried zu Paräis virgeschloen, eng Produktiounsgemeinschaft fir d'Kuel- a Stolproduktioun ze schafen. Dës Ried gouf als Schuman-Deklaratioun bekannt a war den Urspronk fir d'Grënnung vun der Europäescher Communautéit fir Stol a Kuel (CECA), aus där méi spéit déi haiteg Europäesch Unioun entstanen ass.

Beim Sommet vun de Staats- a Regierungscheffen 1985 zu Mailand gouf beschloss, als Erënnerung un dëst Evenement, all Joer den 9. Mee den „Europadag vun der Europäescher Unioun“ z'organiséieren, op deem elo zanter 1986 vill Manifestatiounen a Festlechkeete gemaach ginn. Gläichzäiteg hunn d'Fonctionnairë vun den EU-Institutiounen op deem Dag fräi.

Offizielle Feierdag[änneren | Quelltext änneren]

Am Kosovo ass de Europadag den 9. Mee (alb.: Dita e Evropës) e gesetzleche Feierdag. Zu Lëtzebuerg gouf, op Propositioun vun der Regierung, den Europadag ((fr) Journée de l'Europe) 2019 als e gesetzleche Feierdag agefouert^[1]^,^[2].