Op den Inhalt sprangen

Fort Rheinsheim

Vu Wikipedia
De Réduit Rheinsheim ("R. Rh.") um Plang vum Alfred Lefort, lénks ënnen.

De Fort Rheinsheim war e Fort vun der Festung Lëtzebuerg, deen an der Zäit gebaut gouf, wéi Lëtzebuerg zu den Éisträicheschen Nidderlande gehéiert huet (1713-1795). Zu där Zäit huet et gegollt, de Verdeedegungssystem dee vun de Fransouse gebaut gi war, ze verstäerken an ze vervollstännegen. Et war e Befestegungsrank ugeluecht ginn, vum Eecher Bierg bis bei de Péitrussdall, also vum Fort Charles bis bei de Fort Peter an de Fort Rheinsheim.

Mam Bau vum Fort Rheinsheim – deen no engem héijen Éisträichesche Festungsoffizéier genannt gouf - ass 1733 ugefaange ginn. De fënnefeckege Reduit war sengerzäit ee vun de modernsten a militäresch-technesch am beschten ekipéierten Anlagen. Den Zweck vum Reduit war ë. a. fir déi Gebidder ze schützen déi net esou gutt geséchert waren (Hollerech, Gaasperech).

Iwwer Joerzéngte gouf de Reduit e puermol moderniséiert a verstäerkt, souguer nach 1867, kuerz ier mat den Aarbechten huet missen opgehale ginn, agestallt well Lëtzebuerg onofhängeg an als neutral erkläert gouf. Wéi d'Festung Lëtzebuerg geraumt an duerno geschleeft gouf, ass d'Stad séier méi grouss ginn an et goufen nei Stroossenzich ugeluecht.

Déi geplangt Verlängerung vun der Avenue Marie-Thérèse a Richtung Hollerech ass duerch de Fort Peter an de Fort Rheinsheim gaangen. Op de Grondmauere vum Fort Rheinsheim gouf no de Pläng vum Architekt Jean-François Eydt de Bëschofskonvikt gebaut, deen als „Internat Maria Rheinsheim“ fir d'Studenten aus dem Secondaire den 1. Oktober 1872 seng Dieren opgemaach huet.

Haut erënnert eng Strooss, d'Rue du Fort-Rheinsheim, un dat fréiert Festungswierk.

Wierker vun der Festung Lëtzebuerg
wéi se 1867 bestoungen

Gréngewalder Front
Bannenzeg Wierker: Fort Berlaimont • Batterie Chanclos • Bastioun 3 Dauwen • Gouvernements-Bastioun • Bastioun vum Schlass • Batterie Altmünster
Baussenzeg Wierker: Fort Niedergrünewald • Fort Obergrünewald • Batterie Weimeschhaff • Malakoff-Tuerm • Hielepaart
Detachéiert Wierker: Fort Olizy • Fort Thüngen • Fort Parkhöhe

Tréierer Front
Bannenzeg Wierker: Bock-Befestegungen • Batterie Altmünster • Helleg-Geescht Zitadell
Baussenzeg Wierker: Rumm-Befestegungen • Redoute Beaumont
Detachéiert Wierker: Fort Parkhöhe • Fort Dumoulin • Fort Rubamprez • Fort Rumigny

Diddenuewener Front
Bannenzeg Wierker: Helleg-Geescht Zitadell • Bastioun Louis • Bastioun Beck • Bastioun Jost
Baussenzeg Wierker: Fort Verluerekascht • Eisebunnsbatterie • Fort Wallis • Fort Bourbon • Diddenuewener Avancée • Fort Elisabeth • Fort Peter
Detachéiert Wierker: Fort Neipperg • Fort Wedell • Fort Rheinsheim

Neipaartsfront
Bannenzeg Wierker:Bastioun Jost • Bastioun Camus • Bastioun Marie • Neipaart-Befestegungen • Bastioun Berlaimont
Baussenzeg Wierker: Fort Peter • Batterie Lambert • Fort Lambert • Fort Louvigny • Fort Vauban • Fort Marie • Fort Royal • Lunetten I - VI
Detachéiert Wierker: Fort Rheinsheim • Fort Daun • Fort Charles • Redoute Marlborough

Paarten, Schleisen a Brécken
Biisserpaart • Dënselspaart/Tréierer Paart • Diddenuewener Paart • Dräi Tierm • Eecher Paart • Juddepaart • Mansfeldspaart • Nei Paart • Hondshaus • Richenerpaart • Seilerpaart • Siichepaart • Spuenesch Paart • Stierchen • Weimeschhaffer Paart
Gronn-Schleis • Bourbon-Schleis • Béinchen