Fort de Charlemont

Vu Wikipedia
Op d'Navigatioun wiesselen Op d'Siche wiesselen
Geographesch Koordinaten:
De Fort de Charlemont vu Givet aus gesinn

De Fort de Charlemont ass eng Festung a Frankräich an den franséischen Ardennen um lénksen Uwänner vun der Meuse, an der sougenannter Spëtz vu Givet ëstlech vu Givet.

Mat dem Bau vun der Festung gouf 1555 op Uerder vum Karel V. ugefaangen, a 1681, nodeem de franséische Kinnek Louis XIV. beim Fridde vu Ryswick, Charlement a Givet zougesprach krut, gouf se vum Vauban ausgebaut.

De Karel V. dee seng Positiounen op der Meuse besser verdeedege wollt hat senger Sëschter der Marie vun Ungarn den Optrag ginn de Bëscheef vu Léck den Domaine Agimont-Givet ofzekafen. Kuerz duerno gouf mat dem Bau vun der Festung ugefaangen.

Op der Plaz hunn deemools 3.000 Aarbechter geschafft, a well d'Festung a Krichszäiten opgeriicht gouf, waren 20.000 Zaldoten an der Géigend stationéiert, an eng 3.000 Mann staark Kavalleriestrupp.

Kommandant vun den Truppe war de Martin Van Rossem a fir Opsiicht vun de Bauaaarbechte war de Charles de Berlaymont, Här vun Hierges zoustänneg. De gréissten Deel vun den Truppe war um Lieu-dit Au deux Givet stationéiert. Zu där Zäit koum et dann och zu enger klenger Kricherei déi ënner dem Numm Schluecht vu Gimnée an d'Geschicht agaangen ass.

Am Joer 1963 gouf op eng Decisioun vum Generol Massu do den éischte Centre d'entrainement commando ënner dem Emblème vum 9e régiment de zouaves ageriicht. 2006 gouf en ëmbenannt a krut de Fändel vum 3e régiment de chasseurs parachutistes.

Bei der Reorganisatioun vun der Défense duerch de President Sarkozy, gouf en am Summer 2009 opgeléist.

Zanterhier kann en op Ufro beim Office de Tourisme vun der Stad Givet a Gruppe besicht ginn.

Kuckt och[Quelltext änneren]