Gemeng Bech

Gemeng Bech
Gemeng Bech
	d'Märei vu Bech (2006)
Aussprooch
An anere Sproochen	fr: Bech; de: Bech
Land	Lëtzebuerg
Kanton	Kanton Iechternach
Chef-lieu	Bech
Buergermeeschter	Jill Goeres
Awunner	1.337
	1. Januar 2024
Fläch	2.331 ha
Héicht	408 m
Koordinaten	49° 45’ 07’’ N; 06° 21’ 46’’ O
LAU-Code	LU1002
Websäit	http://www.bech.lu/

D'Gemeng Bech ass eng vun den 100 lëtzebuergesche Gemengen. Se läit am Kanton Iechternach. De Chef-lieu vun der Gemeng ass d'Uertschaft Bech vun där se och hiren Numm huet.

Uertschaften an der Gemeng^[1]

Altréier, op der Schanz
Bech
Blummendall
Geieschhaff
Grolënster, Groeknapps

Hemstel, (Hemstal)
Heeschbreg, (Hersberg)
Kuebebuer,
Rippeg, Rippig
Zëtteg, Zittig

Zur Gemeng gehéieren nach follgend Häff oder Lieu-diten:

Geographie

D'Schichtstuf vum Lëtzebuerger Sandsteen verleeft queesch duerch d'Gemeng: D'Uertschafte Kräizenhéicht, Heeschbreg, Kuebebuer an d'Schanz leien um Plateau, iwwerdeems Rippeg, Zëtteg, Hemstel a Bech um Fouss dovu leien. D'Schanz ass, mat 400 m deen héchste Punkt an der Géigend. Grolënster, de Blummendall an de Marscherwald leien um westleche Wupp vun der Gemeng.

Duerch d'Gemeng leeft d'Nationalstrooss 11 (E29) vun der Stad Lëtzebuerg op Iechternach.

D'Streck vun der fréierer Vizinalbunn Chareli ass um Fouss vun der Schichtstuf verlaf, an hat tëscht 1904 an 1954 Arrêten zu Rippeg, Hemstel, Zëtteg a Bech. En Tunnel dovun ass haut nach erhalen, a gëtt, wéi d'fréier Eisebunnsstreck, vun der Vëlospist PC2 benotzt. An der fréierer Becher Gare ass haut e Restaurant.

Geschicht

D'Gemeng Bech ass, wéi déi meescht aner Gemengen am Land, ënner dem franséische Regime entstanen, de facto den 1. Oktober 1795, wéi mat der Aglidderung als Bëscherdepartement och déi franséisch Gemengegesetzgebung applikabel gouf. Och no der Grënnung vum Groussherzogtum Lëtzebuerg, 1814/15, sinn d'Gemenge weiderhin als lokal Administratiounseenheeten bestoe bliwwen. Mat engem Gesetz vum 25. Juli 1846 gouf d'Sektioun Marscherwald vu Konsdref ofgespléckt a koum an d'Gemeng Bech.

Entwécklung vun der Awunnerzuel

Quell:STATEC

Wopen

	Beschreiwung am Originaltext: D'argent à la croix ancrée de sable, au chef de gueules chargé d'un lambel à l'ancienne de cinq pendants d'argent.

Buergermeeschteren

1826 - 1847: J. Lenertz
1849 - 1859: Fr. Lies
1861 - 1894: P. Lenertz
1897 - 1923: P. Lenertz
1924 - ?: Nic Weyland
1934 - ?: Michel Prommenschenkel
1946 - 1963: Francois Bisenius
1964 - ?: Emil Bohnenberger
? - ?: Robert Lenertz
? - 2005: Marcel Niederweis
2005 - 2008: Marc Pitzen
2009 - 2011: Edmond Schintgen
2011 - 2023: Camille Kohn
zanter 2023: Jill Goeres

Kuckeswäertes

De Becher Tunnel
Tumulus op der Schanz

Interkommunal Syndikater

D'Gemeng Bech ass Member vu follgenden interkommunale Syndikater:

Kuckt och

Um Spaweck

Commons: Bech – Biller, Videoen oder Audiodateien

Referenzen

↑ D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.

[1] D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.

[1]

Uertschaften an der Gemeng[1]