Gemeng Sandweiler

Sandweiler
D'Gemengenhaus
An anere Sproochen	fr: Sandweiler de: Sandweiler
Land	Lëtzebuerg
Kanton	Kanton Lëtzebuerg
Chef-lieu	Sandweiler
Buergermeeschter	Jacqueline Breuer (LSAP)
Awunner	3.751
	1. Januar 2023
Fläch	773 ha
Héicht	335 m
Koordinaten	49°37'0"N, 6°13'0"O
Postcode	L-5201
LAU-Code	LU0306
Websäit	https://www.sandweiler.lu/
D'Gemeng Sandweiler (orange) am Kanton Lëtzebuerg (rout)

D'Gemeng Sandweiler ass eng vun den 100 lëtzebuergesche Gemengen. Si läit am Kanton Lëtzebuerg, an ass no der Uertschaft Sandweiler benannt.

Uertschaften an der Gemeng

• Sandweiler

Folgend Häff a Lieu-diten gehéieren zur Gemeng:

• Birelergronn
• Birelerbarrière
• Birelerhaff
• Greiwelscheier
• Neimillen
• Findel

Geographie

D'Gemeng Sandweiler stéisst am Westen un d'Stad Lëtzebuerg, am Südwesten un d'Gemeng Hesper, am Süden d'Gemeng Konter, am Osten un d'Gemeng Schëtter, an am Norden un d'Gemeng Nidderaanwen.

Geschicht

Den 1. Januar 1874 (Gesetz vum 20. Dezember 1873) ass aus der Sektioun Hamm (mat den Uertschaften Hamm, Schläifmillen, Fetschebur (op Franséisch: Fetschenbour), Hämmerställchen, Scheedgronn, Zens an Tavion) an aus der Sektioun Polvermillen, déi bis zu deem Zäitpunkt zwou Sektioune vun der Gemeng Sandweiler waren, d'Gemeng Hamm entstanen.

Duerch Gesetz vum 5. Juli 1939 goufen d'Uertschaft Kalchesbréck an de Lieu-dit Steppchen, bei d'Gemeng Lëtzebuerg geprafft.

Entwécklung vun der Awunnerzuel

Quell:STATEC

Wopen

De Wope vun der Gemeng gouf de 24. November 1982 vum Gemengerot ugeholl, an de 5. Januar 1983 duerch en Arrêté ministériel agreéiert. D'Publikatioun ass am Mémorial B vun 1983 op der Säit 207.

Beschreiwung am Originaltext: Burelé d'or et de gueules de dix pièces à la croix de sable brochant, la traverse chargée d'un quadriréacteur de front.

Politik

Gemengerot

De Gemengerot vu Sandweiler gëtt zanter 2011 nom Proporz-Walsystem gewielt. E setzt sech aus 11 Conseilleren zesummen.

Zesummesetzung

Joer	CSV	DP	gréng	LSAP
2005	4	-	1	4
2011	5	2	2	2
2017	4	2	3	2

Quell: Inneministère / RTL.lu / elections.lu

De Gemengerot, deen aus de Wale vun 2005 ervirgoung, bestoung aus jee 4 CSV an LSAP-Gemengeréit, an engem Gréngen. Buergermeeschter war de Charles Unsen, LSAP (deen 2011 net méi kandidéiert huet).

Säin Nofolger gouf am Oktober 2011 de John Breuskin (CSV). No sengem Récktrëtt gouf deem seng Parteikolleegin Simone Massard-Stitz den 28. Januar 2015 vereedegt.

Buergermeeschteren

Michel Altmann (1830 – 1845) Samson Godchaux (1846 – 1862) Jean Weicker (1862 – 1872) Paul Godchaux (1873) Nicolas Mousel (1874 – 1888) Mathias Mousel (1889) Emile Fischer (1891 – 1902) Jacques Mousel (1903 – 1907) Jean Mousel (1907 – 1917) Pierre Hentzen (1918 – 1926) Nicolas Birkel (1927 – 1934) Emile Hentzen (1935 – 1945)

Joseph Reichling (1946 – 1957) Pierre Birkel (1957 – 1963) Josy Gardulal (1964 – 1965) Henri Majerus 1966 – 1978) Pierre Schmitt (1979 – 1991) Alphonse Massard (1991 – 1993) Charles Unsen (1994 – 1999) John Breuskin (2000 – 2009) Charles Unsen (2009 – 2011) John Breuskin (2011 - 2015) Simone Massard-Stitz (zanter 2015)

Interkommunal Syndikater

D'Gemeng Sandweiler ass Member vu folgenden interkommunale Syndikater:

• MINETT-KOMPOST
• SIAS
• SIDEST
• SIDOR
• SIGI
• SYVICOL

• 
  Sandweiler an de Findel
• 
  D'Kierch Sandweiler
• 
  Lannenallee tëscht Lëtzebuerg a Sandweiler

Kuckeswäertes

• De Fluchhafen um Findel;
• Den Dauwentuerm um Birelerhaff;
• Den däitschen Zaldotekierfecht mat de Griewer vun 10.913 gefalenen däitschen Zaldoten aus dem Zweete Weltkrich an engem aus dem Éischte Weltkrich;
• De Quellepad am Naturschutzgebitt Birelergronn;
• D'Sandweiler Kierch;
• Bemierkenswäert Beem um Scheedhaff: d'Lannenallee an e Séisskäschtebam.

Bibliographie

• Sandweiler Notizen Nr 1 erausgi vu redaktioun sandweiler 1083 - 1983,72 Säiten, (Imprimerie Saint-Paul, 1982)
• Sandweiler Notizen Nr 2 erausgi vu redaktioun sandweiler, 166 Säiten, (Imprimerie Saint-Paul, 1983)
• Sandweiler Notizen Nr 3 erausgi vu Santwilre, Frënn vum Ale Sandweiler, 197 Säiten, (Imprimerie Joseph Beffort, Lëtzebuerg, 1990)
• Sandweiler Notizen Nr 4 erausgi vu Santwilre, Frënn vum Ale Sandweiler, 212 Säiten, (Imprimerie Saint-Paul, Lëtzebuerg, 1992)
• Sandweiler Biller, Sandweiler Notizen Nr 5 erausgi vun der Gemeng Sandweiler, 237 Säiten, (Imprimerie Saint-Paul, Lëtzebuerg, 1999)
• 250 Joer Porkierch Sandweiler, Sandweiler Notizen N°6 erausgi vu Santwilre, Frënn vum ale Sandweiler, 288 Säiten + Fotoen an Dokumenter (Imprimerie Saint-Paul Lëtzebuerg, 2008)

Kuckt och

• Lëscht vun den nationale Monumenter an der Gemeng Sandweiler 0
• Birelerbaach
• Däitschen Zaldotekierfecht zu Sandweiler
• Dräifaltegkeetskierch zu Sandweiler
• Fanfare Sandweiler
• Kanner- & Jugendkouer Allegro Sandweiler
• Santwilre, Frënn vum ale Sandweiler
• Schlass Saint-Hubert
• Sandweiler-Gare
• Gare Sandweiler-Konter

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Gemeng Sandweiler – Biller, Videoen oder Audiodateien

• Offiziell Säit vun der Gemeng Sandweiler
• D'Gemeng Sandweiler op der Websäit vum Syvicol
• Gesetz iwwer d'Kreatioun vun der Gemeng Hamm Loi du 20 décembre 1873, créant une nouvelle commune du nom de Hamm