(90482) Orcus

Vu Wikipedia
Wiesselen op: Navigatioun, sichen
(90482) Orcus
Den Asteroid (90482) Orcus
Orbittyp Plutino
Positioun (Equinoxe: J2000.0)
Grouss Hallefachs 39,342 A.E.
PerihelAphel 30,639 – 48,046 AE
Exzentrizitéit 0,221
Inklinatioun 20,589 Grad
Sideresch Ëmlafzäit 246 Joer an 281 Deeg
Mëttel Bunnvitesse  ?
Physikalesch Eegeschaften
Duerchmiesser 1600 bis 1800 km
Mass  ? kg
Albedo
Mëttel Dicht  ? g/cm3
Rotatiounsperiod
Absolut Hellegkeet 2,3
Spektralklass
Entdecker Mike Brown,
Chad Trujillo,
David Rabinowitz
Entdeckungsjoer 17. Februar 2004
Aner Bezeechnungen 2004 DW

(90482) Orcus (al Bezeechnung 2004 DW) ass en transneptuneschen Objet an der Kuiperceinture.

D'Bunn vun Orcus (blo) am Verglach zu deene vu Pluto (rout) an Neptun (gro)

Entdeckung[änneren | Quelltext änneren]

Den Asteroid gouf de 17. Februar 2004 vun engem Astronomenteam am California Institute of Technology zu Pasadena, USA, entdeckt. Den Numm, dee vun den Entdecker virgeschloe gouf, gouf den 22. November 2004 offiziell ugeholl. Orcus ass de Gott vun der Ënnerwelt aus der réimescher Mythologie.

Eegeschaften[änneren | Quelltext änneren]

Den Orcus leeft op engem Ofstand tëscht 30,639 AE (Perihel) a 48,046 AE (Aphel) a ronn 247 Joer ëm eis Sonn. Well seng Bunngréisst am grousse Ganze mat där vum Zwergplanéit Pluto iwwereneestëmmt, gëtt en zu der Grupp vun de Plutinoe gezielt.

Den Duerchmiesser vum Orcus gëtt unhand vu senger visueller Hellegkeet op 1.600 bis 1.800 km geschat. Eng exakt Bestëmmung war bis elo nach net méiglech. Bis zu der Publikatioun vun der Entdeckung vum Zwergplanéit Eris am Juli 2005 hat den Orcus als méiglech gréissten, nei entdeckten Himmelskierper am Sonnesystem (zanter der Entdeckung vum Pluto) gegollt.

Mound[änneren | Quelltext änneren]

Am Februar 2007 huet en Team ëm de Mike Brown d'Entdeckung vum Mound Vanth mat 262 km Duerchmiesser bekannt gemaach, deen op Fotoen entdeckt gouf, déi 2005 gemaach goufen.[1]

Andeelung[änneren | Quelltext änneren]

Et ass z'erwaarden, datt den Orcus méiglecherweis, an déi am Joer 2006 nei definéiert Klass vun de Zwergplanéite klasséiert gëtt. Wéinst senger Gréisst ass hien eventuell am hydrostatesche Gläichgewiicht a misst bal kugelfërmeg sinn. Ëmmerhin ass den Orcus méi grouss wéi den Zwergplanéit Ceres mat engem Duerchmiesser vun 975 km.

Bal grad sou grouss ass allerdéngs den Asteroid (90377) Sedna, mat engem geschaten Duerchmiesser vun tëscht 1.600 a 1.700 km. De Sedna gouf vum selwechten Astronomenteam kuerz virum Orcus fonnt. D'Entdeckung gouf awer eréischt méi spéit publizéiert, well d'extrem Bunnparameter an déi riseg Distanz eng méi laang Observatiounszäit brauchen.

Den Asteroid (50000) Quaoar an den Zwergplanéit (136199) Eris an der Kuiperceinture goufe vum Chad Trujillo an dem Mike Brown entdeckt.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Commons: (90482) Orcus – Biller, Videoen oder Audiodateien

Referenzen[änneren | Quelltext änneren]