Memberstaate vun der Europäescher Unioun

EU 1957-2007

D'Europäesch Unioun (EU) huet 27 Memberstaaten:

• déi 6 Grënnungsmemberen vun den Europäesche Communautéiten, déi och schonns 1951 den CECA-Vertrag ënnerschriwwen haten:
  • Belsch,
  • Däitschland,
  • Frankräich,
  • Holland,
  • Italien a
  • Lëtzebuerg.

• 1973 koum et zum Bäitrëtt vun 3 weidere Länner:
  • Dänemark,
  • Groussbritannien a
  • Irland.

Norwegen hat och ënnerschriwwen, datt et willt bäitrieden, mä d'Vollek huet dat an engem Referendum refuséiert.

• 1981 ass et um Tour vu Griicheland.

• 1986 trieden déi 2 Länner vun der Iberescher Hallefinsel bäi:
  • Spuenien a
  • Portugal.

• 1995 trieden 3 Länner deem bäi, wat zanter 1993 duerch den Traité vu Maastricht an 'Europäesch Unioun' ëmbenannt ginn ass:
  • Éisträich,
  • Finnland a
  • Schweden.

Alt nees eng Kéier huet d'norwegescht Vollek seng Regierung iwwerstëmmt a bei engem Referendum 'Neen' zum Bäitrëtt gesot.

• Den 1. Mee 2004 sinn 10 Länner der EU bäigetrueden:

• • Estland,
  • Lettland,
  • Litauen,
  • Malta,
  • Polen,
  • d'Slowakei,
  • Slowenien,
  • Tschechien,
  • Ungarn an
  • Zypern.

• Mat Bulgarien a Rumänien, déi den 1. Januar 2007 bäigetruede sinn, hut sech d'Zuel vun de Memberstaate op 27 erhéicht.

Den 3. Oktober 2005 sinn d'EU-Ausseministeren sech zu Lëtzebuerg eens ginn, och mat der Tierkei a Kroatien Bäitrëttsverhandlungen unzefänken, deenen hiert Resultat awer op bleiwe soll.

Commons: Memberstaate vun der Europäescher Unioun – Biller, Videoen oder Audiodateien