Orbiter (Raumfaart)
En Orbiter ass eng Raumsond, déi en aneren Himmelskierper, wéi zum Beispill e Planéit, e Mound oder och d'Sonn ëmkreest. De Begrëff kënnt aus dem Engleschen an ass vun Orbit (fir Ëmlafbunn) ofgeleet. Kënschtlech Satellitten an enger Ëmlafbunn ëm d'Äerd ginn net als Orbiter bezeechent; dorënner falen och d'Raumsonde fir Sonnefuerschung, déi sech ëm ee vun de Lagrange-Punkte vu Sonn an Äerd beweegen. Beim US-amerikanesche Space Shuttle ginn zwar déi eenzel Raumfären dacks Orbiter genannt.
Eng Raumsond als kënschtleche Satellit huet speziell Funktiounen – beispillsweis als Funkrelais fir eng Landesond – an erméiglecht ee groussraimegen Iwwerbléck iwwer den Zilkierper, eventuell déi detailléiert Miessung vum Gravitatiounsfeld an eng detailléiert Kartéierung.
Missiounen
[änneren | Quelltext änneren]Bis elo goufen Orbiter fir d'Sonn, den Äerdmound an d'Planéite Merkur, Venus, Mars, Jupiter an de Saturn souwéi bei den Asteroide (433) Eros a (4) Vesta agesat (Stand 13. August 2016):
- Sonn (7)
- Äerdmound (20)
- Luna 10, 11, 12, 19 an 22 (UdSSR)
- Lunar Orbiter 1, 2, 3, 4 an 5 (USA)
- Explorer 35 a 49 (USA)
- Hiten (Japan)
- Clementine (USA)
- Lunar Prospector (USA)
- SMART-1 (Europa)
- Kaguya (Japan)
- Chang’e-1 (VR China)
- Chandrayaan-1 (Indien)
- Lunar Reconnaissance Orbiter (USA) – nach aktiv
- Merkur (1)
- Messenger (USA) – aktiv
- Venus (8)
- Venera 9, 10, 15 a 16 (UdSSR)
- Pioneer Venus 1 (USA)
- Magellan (USA)
- Venus Express (Europa)
- Akatsuki (Japan) – aktiv
- Mars (11)
- Mariner-9 (USA)
- Mars 2, 3 a 5 (UdSSR)
- Fobos 2 (UdSSR)
- Mars Global Surveyor (USA)
- 2001 Mars Odyssey (USA) – aktiv
- Mars Express (Europa) – aktiv
- Mars Reconnaissance Orbiter (USA) – aktiv
- Mangalyaan (Indien) – aktiv
- MAVEN (USA) – aktiv
- Eros (1)
- NEAR Shoemaker (USA)
- Vesta (1)
- Dawn (USA) – aktiv
- Koméit 67P/Tschurjumow-Gerassimenko (1)
- Rosetta (Europa) – aktiv
- Jupiter (1)
- Saturn (1)
- Cassini (USA) – aktiv
Doriwwer eraus sinn am Kader vum US-amerikaneschen Apollo-Programm aacht bemannt Apollo-Raumschëffer an e Moundorbit ageschwenkt: Apollo 8, 10, 11, 12, 14, 15, 16 a 17.
Missiounen déi nach ënnerwee sinn
[änneren | Quelltext änneren]E puer Orbiter si gestart an nach um Wee bei hir Ziler:
- D'Sond Rosetta (Europa) um Wee fir bei de Koméit Tschurjumow-Gerassimenko. Si soll 2014 do ukommen
- D'Sond Dawn (USA) soll den 1. Februar 2015 beim Ceres ukommen
- D'Sond Juno (USA) soll 2016 beim Jupiter ukommen
- D'Sond Akatsuki (Japan) hat den 8. Dezember 2010 den Orbit fir bei d'Venus verfeelt, den nächstméigleche Rendez-vous ass 2016
Geplangt Missiounen
[änneren | Quelltext änneren]Fir déi nächst Jore si weider Orbiterstarte geplangt:
- Äerdmound
- Chandrayaan-2 (Indien) – Start: 2013
- Luna-Glob (Russland) – Start: 2012
- Mars
- Mars Science and Telecommunications Orbiter (USA) – Start: 2011 oder 2013
- Mars Sample Return (Europa/USA) – Start: net virun 2018
- Merkur
- BepiColombo (Europa) – Start: net virun 2014
- Sonn
- Solar Orbiter (Europa) – Start: 2017
- Solar Probe + (USA) – Start: 2018
Laangfristeg gëtt och iwwer en Orbiter fir de Jupitermound Europa an am Kader vun der Missioun TANDEM fir d'Saturnmounden Titan an Enceladus nogeduecht.
Aus Käschtegrënn goufen de Mars Telecommunications Orbiter (USA) an de Jupiter Icy Moons Orbiter (USA) gestrach.
Aner Konzepter
[änneren | Quelltext änneren]Zwou aner Grondaarte vu Raumsonde sinn d'Lander an déi Sonden, déi laanscht en Himmelskierper fléien Passéierfluchsonden.
D'Konzept vun de Passéierfluchsonden, dat de Fly-by bei engem Himmelskierper verfollegt, ass technesch an energeetesch méi gënschteg, well zum Beispill kee Bremsdreifwierk néideg ass, fir an en Orbit anzeschwenken (vum Sonnenorbit ofgesinn). Domat falen awer och déi wëssenschaftlech Resultater méi kleng aus.
Bei de Lander ginn haart a mëll Landungen op der fester Uewerfläch vum Himmelskierper ënnerscheet. Dat technesch schwieregst Konzept ass déi mëll Landung, virun allem wann e Retour vun der Raumsond mat Buedemprouwe virgesinn ass.
