Roland Meyer

Vu Wikipedia
Op d'Navigatioun wiesselen Op d'Siche wiesselen
Roland Meyer
Roland Meyer Auteur.jpg
Gebuer 9. Februar 1963
Nationalitéit Lëtzebuerg
Aktivitéit Auteur, Museker
Wikidata-logo-without-paddings.svg

De Roland (Rol) Meyer, gebuer den 9. Februar 1963 an der Stad Lëtzebuerg, ass e lëtzebuergesche Schoulmeeschter, Auteur, Museker a Regisseur.

Hie schreift Bicher, Lauschterspiller, Zeitungsartikelen, Theater- a Kabaretstexter fir Kanner an Erwuessener.

Hien huet 2008 d'Theaterschoul gegrënnt, e Projet vum Educatiounsministère, a bis dohinner d'Kannertheater- an Zirkusequipe "Den Holzwuerm" geleet.

Hien ass och als Museker bei der Bluesband The Winklepickers aktiv, als Kabarettist beim Kabaret Sténkdéier a bei der Lëtzebuerger Revue an als Regisseur bei Kabarets- an Theaterproduktiounen.

De Roland Meyer ass bestuet a Papp vun zwéi Jongen.

Wierker[änneren | Quelltext änneren]

De Roland Meyer schreift nieft Texter fir de Kabaret Sténkdéier och Jugendbicher a Lëtzebuerger an däitscher Sprooch. En Deel vu senge Wierker nennt e "Kannertheater-Romaner", well en Theaterstécker, dramatesch Zeenen a Lidder a seng Prosatexter abënnt. Dëst ass de Fall bei senger Romantrilogie Eng Foto vum (Klëppel)Krich, Dem Kinnek säi Gaart an Iwwer der Leeder. Virun allem Den décken dommen Dudu ass ganz beléift an de Schoulen.

2011 ass säin éischt Buch fir Erwuessener erauskomm: Muedebëtzeg, dat 2012 mam Lëtzebuerger Buchpräis fir Literatur ausgezeechent gouf.

2015 krut hien de Servais-Präis fir säi Roman Roughmix.[1]

2017 krut hien de Lëtzebuerger Buchpräis an der Kategorie Kanner- a Jugendbuch fir "Tel Mo".

Wenn immer alles so einfach wäre ass säin éischte Roman an däitscher Sprooch, deen 2018 erauskoum.

Publikatiounen[änneren | Quelltext änneren]

Bicher fir Kanner[änneren | Quelltext änneren]

  • Eng Foto vum (Klëppel)Krich, Kannertheater-Roman, Esch-Sauer 2000, 2. Oplo 2001, 3. Oplo 2008, Op der Lay.
  • Dem Kinnek säi Gaart, Kannertheater-Roman, Esch-Sauer 2002, 2. Oplo 2003, 3. Oplo 2008, Op der Lay.
  • Iwwer der Leeder, Kannertheater-Roman, Esch-Sauer 2003, 2. Oplo 2006, Op der Lay.
  • Spring auf!, Roman fir Kanner, Lëtzebuerg 2004, Editions St. Paul.
  • Den décken dommen Dudu, e Kannerbuch fir erwuesse Leit, Esch-Sauer 2004, 2. Oplo 2008, 3. Oplo 2013, 4. Oplo 2015, Op der Lay.
  • Mission geheimer Stollen Roman fir Kanner, Esch-Sauer 2006, Op der Lay.
  • Mango Panda, Roman fir Kanner, Esch-Sauer 2007, Op der Lay.
  • Zu Lëtzebuerg ginn et keng Piratekapitänen!, Eng Geschicht fir Kanner, illustréiert vum Mariepol Goetzinger, 143 S., Esch-Sauer 2009, 2. Oplo 2011, Op der Lay.
  • Jim Kean und das Labyrinth der Zeitkorridore; Roman für Kinder, Luxembourg 2013, Amazon Kindle
  • "Tel Mo", e Kannerbuch fir erwuesse Leit, Esch-Sauer 2017, Op der Lay.

Bicher fir Erwuessener[änneren | Quelltext änneren]

  • Muedebëtzeg, Roman, Esch-Sauer, Op der Lay, 2011, 2. Oplo 2012, 3. Oplo 2014.
  • Roughmix, Roman, Esch-Sauer, Op der Lay, 2014.
  • Wenn immer alles so einfach wäre, Roman, Esch-Sauer, Op der Lay, 2018.

Kabaret[änneren | Quelltext änneren]

  • Modern Welt, Aus de Programme vum "Kabaret Sténkdéier" vun 1988 bis 2000, Miersch 2001.
  • Gutt ze wëssen, Aus de Programme vum "Kabaret Sténkdéier" vun 2001 bis 2005, Miersch 2006.
  • Méi ass et net, Aus de Programme vum "Kabaret Sténkdéier" vun 2006 bis 2010, Miersch 2011.
  • Zikelalarm, Eng kabarettistesch Liesung, Esch-Sauer 2015, 2. Oplo 2015, Op der Lay
  • Zikelalarm II - Een Dag am Liewe vun engem Enseignant, Eng kabarettistesch Liesung, Esch-Sauer 2016, Op der Lay

Lauschterspill-CDen[änneren | Quelltext änneren]

  • De Poufank vun der Kéiermillen, Lëtzebuerg 1999, Lëtzebuerger Natur- a Vulleschutzliga.
  • Lauschter!, Housen 2003, Naturpark Our.

Musek-CDen[änneren | Quelltext änneren]

  • Fusion – The Musical, Lëtzebuerg 2007, UGDA.
  • The Winklepickers – Twelve R&B knock-outs, Lëtzebuerg 2008.
  • The Winklepickers – Haddocks and French Kisses, Lëtzebuerg 2012.

Literatur[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Referenzen[Quelltext änneren]

  1. *Servais-Präis fir "Roughmix" vum Roland Meyer." rtl.lu, leschten Update: 04.05.2015, 18:16:55.