Hyperris

Vu Wikipedia
Wiesselen op: Navigatioun, sichen

En Hyperris (Liichtkraaftklass 0) ass e Stär mat gewalteger Mass a Liichtkraaft.

Eegeschaften[änneren | Quelltext änneren]

Hyperrisen hunn en ähnlech grousst Volumen wéi Iwwerrisen, sinn awer nach méi masseräich an zeechnen sech duerch eng ganz héich Liichtkraaft aus. Eng etlech Hyperrisen hu méi wéi 100 Sonnemassen, woubäi si am Ufank vun hirer Entwécklung souguer 200 bis 250 Sonnemassen enthale kënnten. Domat reechen si un d'Eddington-Grenz erun, eng theoretesch Héchstgrenz vun der Stäremass, vun där e Stär souvill Stralung entwéckelt, datt hie seng baussenzeg Schichten ofstéisst. Déi genee Mechanissem vun der Genesis an der Entwécklung vun sou masseräiche Stäre souwéi dem numeresche Wäert vun der Eddington-Grenz sinn Géigestand vun der aktueller Fuerschung[1].

Hyperrisen si mat der dausend- bis milliounefacher Sonneliichtkraaft déi hellste Stären. Hir Temperaturen sinn awer ganz verschidden. Si reeche vun 3.500 K bis iwwer 35.000 K. Bal all Hyperrisen weise Variatiounen an hirer Liichtkraaft. D'Grënn sinn Instabilitéiten an hirem Kär bei moderaten Temperaturen an héijem Drock.

Duerch de grousse bannenzegen Energieëmsaz liewen d'Hyperrisen nëmmen e puer Millioune Joer. Duerno explodéiere s als Supernova oder als (hypothetesch) Hypernova. Et gëtt ugeholl, datt en Hyperris e stellaart Schwaarzt Lach hannerléisst. E kéint awer och duerch eng besonnesch Form vu Supernova, der net stabeler Koppelsupernova komplett zerstéiert ginn.

Bekannt Hyperrisen[änneren | Quelltext änneren]

Iwwerrisen sinn duerch hir Raritéit schwiereg z'observéieren an z'ënnersichen. Et schéngt fir déi méi kill, giel- oder routliichtend Hyperrisen eng iewescht Grenz vun hirer Liichtkraaft ze ginn. Kee vun hinnen ass mé hell wéi −9,5m absolut Hellegkeet. Dat ass ongeféier déi 500.000-fach Liichtstäerkt vun der Sonn. D'Grënn dofir si bis haut onbekannt.

Liichtkräfteg Blo Verännerlecher (LBV)[änneren | Quelltext änneren]

Déi masseräichst Objete vun den hellblo Verännerleche gehéieren zu der Grupp vun den Hyperrisen an zu den hellste bekannte Stären:

Blo Hyperrisen[änneren | Quelltext änneren]

  • Den Zeta-1 Scorpii, den hellste Stär vun der OB Zesummeballung Scorpius OB1 an e LBV-Kandidat.
  • Den MWC 314 am Stärebild Aquila, en aneren LBV-Stär.
  • Den HD 169454 am Stärebild Scutum.
  • De BD −14° 5037 an der Géigend vum Cygnus OB2.
  • Den Cygnus OB2 #12, dee verschidden Auteuren als LBV gesinn.
  • De QPM-241 am Quintuplet-Stärekoup am Stärebild Sagittarius

Giel Hyperrisen[änneren | Quelltext änneren]

Wmerge3.svg  Haaptartikel zu dësem Thema : Giel Hyperrisen 

Giel Hyperrisen bilden eng extrem rar Klass vu Stären. Et si wahrscheinlech ganz wéineg grouss Stären, déi net déi noutwendeg Mass hunn, fir Liichtkräfteg Blo Verännerlecher ze ginn. Si verännere sech kuerz virun hirem Enn zu Hyperrisen mat enger gieler oder wäisser Phase.[2] Nëmme siwen Objete sinn an eiser Galaxis bekannt:[3]

  • De Rho Cassiopeiae (7 Cas) am nërdleche Stärebild Cassiopeia ass ongeféier 550.000-mol méi hell wéi eis Sonn an 10.000 Liichtjoer vun eis ewech. Duerch seng aktuell Pulsatiounen ass hien e Kandidat fir déi nächst Supernova an eiser Galaxis.
  • De V509 Cassiopeiae (HR 8752)
  • De V382 Carinae (x Carinae)
  • Den IRC+10420 am Stärebild Aquila
  • etlech Stären am Westerlund 1
Gréisstenverglach vu bekannte Stären. Rout Iwwerrisen ainn am Bildofschnëtt Nr. 5 an Nr. 6

Rout Hyperrisen[änneren | Quelltext änneren]

Extraen[änneren | Quelltext änneren]

Ee vun de masseräichste bekannte Stären ass den R136a1 am Tarantelniwwel vun der Grousser Magellanescher Wollek. Hien ass ongeféier eng Millioun Joer al, huet nach déi 265fach Mass vun eiser Sonn (vun ufanks ongeféier 320 Sonnemassen) a straalt zéng Millioune Mol méi hell wéi eis Sonn. Bis gouf derun ausgaangen, datt et bei iwwer 150 Sonnemassen keng stabil Stäre kéint ginn. Den R136a1 ass en Deel vun engem Cluster vu jonke, masseräiche Risestären; d'Stärendicht ass do 100.000-mol méi héich wéi déi an der Noperschaft vun eiser Sonn.[1]

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Referenzen[änneren | Quelltext änneren]