Eurovision Song Contest 2008


53. Eurovision Song Contest
Motto	Confluence of Sound
Datum	20., 22. a 24. Mee 2008
Stad	Belgrad (Serbien)
Gebai	Belgrad-Arena
Gewënner	Dima Bilan (Russland)
Zuel vu Länner	43
Nei Participatiounen	Aserbaidjan, San Marino
Moderatioun	Jovana Janković a Željko Joksimović
Interval Act	Finall: Goran Bregović
Ofstëmmungsreegel	All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn..

Den 53. Eurovision Song Contest hat seng zwou Halleffinallen den 20. an 22. Mee a seng Finall de 24. Mee 2008 an der Belgrad-Arena an der serbescher Haaptstad Belgrad. Presentateure waren d'Jovana Janković an de Željko Joksimović.

Aserbaidjan a San Marino sinn nei derbäikomm. Lëtzebuerg huet scho wéi déi 14 Joer virdru fräiwëlleg drop verzicht fir matzemaachen. Och Italien, d'Slowakei, Éisträich a Monaco hu fräiwëlleg net matgemaach. Am Ganzen hunn 43 Länner matgemaach wat e neie Rekord duergestallt huet.

Verschidden Interprete ware scho virdrun emol eng Kéier dobäi, de Roberto Meloni (Deel vu Pirates of the Sea) fir Lettland 2007 (Deel vu Bonaparti.lv), den Dima Bilan fir Russland 2006 an d'Charlotte Perrelli fir Schweden 1999 (Gewënner).

Dëst Joer si fir d'éischt zwou Halleffinallen agefouert ginn, wou alleguer d'Länner hu misse matmaache fir sech fir d'Finall ze qualifizéiere mat Ausnam vun de Grousse Véier (Big-4) vun der European Broadcasting Union (Däitschland, Frankräich, Groussbritannien a Spuenien) an dem Land dat d'Organisatioun vum Grand Prix iwwerholl huet, an dësem Joer also Serbien.

D'Reegel fir d'Ofstëmmung ass d'selwecht bliwwe wéi déi Jore virdrun. Och dëst Joer ass den Televoting duerch d'Spectateure vun alle Länner benotzt ginn fir ofzestëmmen. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Belgrad matgedeelt ginn.

Déi éischt Plaz krut de Vertrieder vu Russland, den Dima Bilan mam Lidd Believe mat 42 Punkte Virsprong virum Ani Lorak (Ukrain). Déi drëtt Plaz krut d'Kalomoira, déi fir Griicheland ugetruede war.

Fir Russland war et déi éischt Kéier datt et de Grand Prix gewonnen hat.

An dësem Joer ass d'Eurovisioun fir d'éischt live am Internet (op eurovision.tv) iwwerdroe ginn (gestreamt).

De Gewënner Dima Bilan krut, wéi schonn dat Joer virdrun agefouert, eng sougenannt Gewënner-Tour, mat follgenden Etappen: 28. Mee Finnland, 29. Mee Schweden an Norwegen, 30. Mee Irland, 31. Mee Groussbritannien an Däitschland, 1. Juni Belsch, 2. Juni Frankräich, 3. Juni San Marino.

De kroateschen Interpret 75 Cents war mat 75 Joer dee bis ewell eelsten Interpret bei engem Eurovision Song Contest. Hien huet säi Kënschtlernumm gewielt mat Uspillung op säin Alter an op den US-amerikanesche Rapper 50 Cent.

Halleffinallen

1. Halleffinall

Déi éischt Halleffinall war den 20. Mee 2008.

Déi genee Punkteverdeelung ass eréischt no der Finall bekannt gemaach ginn fir eng Beaflossung an der Finall ze vermeiden. Ofstëmmungsberechtegt bei dëser Halleffinall waren d'Länner déi dobäi waren an zousätzlech Däitschland a Spuenien.

Startnr.	Land	Interpret	Titel	Plaz	Punkten
01	Montenegro	Stefan Filipović	Zauvijek volim te	14.	23
02	Israel	Boaz Mauda	The Fire In Your Eyes	05.	104
03	Estland	Kreisiraadio	Leto Svet	18.	8
04	Moldawien	Geta Burlacu	A Century of Love	12.	36
05	San Marino	MiOdio	Complice	19.	5
06	Belsch	Ishtar	O Julissi	17.	16
07	Aserbaidjan	Elnur a Samir	Day after Day	06.	96
08	Slowenien	Rebeka Dremelj	Vrag naj vzame	11.	36
09	Norwegen	Maria Haukaas Storeng	Hold on be Strong	04.	106
10	Polen	Isis Gee	For Life	10.	42
11	Irland	Dustin the Turkey	Irelande Douze Pointe	15.	22
12	Andorra	Gisela	Casanova	16.	22
13	Bosnien an Herzegowina	Elvir Laković Laka	Pokušaj	09.	72
14	Armenien	Siruscho	Qele Qele	02.	139
15	Holland	Hind	Your Heart Belongs to Me	13.	27
16	Finnland	Teräsbetoni	Missä miehet ratsastaa	08.	79
17	Rumänien	Nico & Vlad	Pe-o Margine de Lume	07.	94
18	Russland	Dima Bilan	Believe	03.	135
19	Griicheland	Kalomoira	Secret Combination	01.	156

2. Halleffinall

Déi zweet Halleffinall war den 22. Mee 2008.

Déi genee Punkteverdeelung ass eréischt no der Finall bekannt gemaach ginn fir eng Beaflossung an der Finall ze vermeiden. Ofstëmmungsberechtegt bei dëser Halleffinall waren d'Länner déi dobäi waren an zousätzlech Frankräich, Groussbritannien a Serbien.

Startnr.	Land	Interpret	Titel	Plaz	Punkten
01	Island	Euroband	This is My Life (Fullkomið líf)	08.	68
02	Schweden	Charlotte Perrelli	Hero	10.	54
03	Tierkei	Mor ve Ötesi	Deli	07.	85
04	Ukrain	Ani Lorak	Shady Lady	01.	152
05	Litauen	Jeronimas Milius	Nomads in the Night	16.	30
06	Albanien	Olta Boka	Zemrën e lamë peng	09.	67
07	Schwäiz	Paolo Meneguzzi	Era stupendo	13.	47
08	Tschechien	Tereza Kerndlová	Have some Fun	18.	9
09	Wäissrussland	Ruslan Aljachno	Hasta la Vista	17.	27
10	Lettland	Pirates of the Sea	Wolves of the Sea	06.	86
11	Kroatien	Kraljevi Ulice & 75 Cents	Romanca	04.	112
12	Bulgarien	Deep Zone & Balthazar	DJ, Take Me Away	12.	56
13	Dänemark	Simon Mathew	All Night Long	03.	112
14	Georgien	Diana Gurzkaja	Peace Will Come	05.	107
15	Ungarn	Csézy	Candlelight	19.	6
16	Malta	Morena	Vodka	14.	38
17	Zypern	Evdokia Kadi	Femme fatale	15.	36
18	Mazedonien	Tamara, Vrčak & Adrian	Let Me Love You	11.	64
19	Portugal	Vânia Fernandes	Senhora do Mar (Negras Aguas)	02.	120

Déi zéngte Qualifikatiounsplaz gouf mam Resultat vun der Fachjury ofgeglach. Wann där hire Favorit net ënner deenen éischten néng Plaze vun der Tele-Ofstëmmung war, da gouf de Choix vun der Jury op déi 10. Plaz gesat, egal wat d'Resultat fir datt Lidd bei der Tele-Ofstëmmung war. An der éischter Halleffinall hat dat keng Influenz op d'Ranglëscht, mä an der zweeter Halleffinall ass doduerch dee schweedesche Bäitrag trotz enger zwiélefter Plaz bei dem Televoting duerch d'Jury op déi 10. Plaz gesat ginn, an d'Republik Mazedonien ass sou ausgescheet.

Finall

D'Finall war de 24. Mee 2008.

Déi 25 Länner an der Finall waren:

Déi "Grouss 4" (Big-4) Frankräich, Däitschland, Spuenien a Grousbritannien
D'Gaaschtland, Serbien
Déi bescht 9 Länner aus der éischter Halleffinall plus 1 Land mat enger Wildcard duerch d'Jury
Déi bescht 9 Länner aus der zweeter Halleffinall plus 1 Land mat enger Wildcard duerch d'Jury

Am Fall vu Punktegläichheet sollt dee mat der héchster Eenzelwäertung gewannen.

Ofstëmmungsberechtegt bei der Finall waren all 43 Länner déi matgemaach haten.

Plaz	Startnr.	Land	Interpret	Titel	Punkten
01.	24	Russland	Dima Bilan	Believe	272
02.	18	Ukrain	Ani Lorak	Shady Lady	230
03.	21	Griicheland	Kalomoira	Secret Combination	218
04.	05	Armenien	Siruscho	Qele, qele	199
05.	25	Norwegen	Maria	Hold On Be Strong	182
06.	23	Serbien	Jelena Tomašević feat. Bora Dugić	Oro	160
07.	12	Tierkei	Mor ve Ötesi	Deli	138
08.	20	Aserbaidjan	Elnur & Samir	Day After Day	132
09.	07	Israel	Boaz	The Fire in Your Eyes	124
10.	06	Bosnien an Herzegowina	Laka	Pokušaj	110
11.	17	Georgien	Diana Gurzkaja	Peace Will Come	083
12.	14	Lettland	Pirates of the Sea	Wolves of the Sea	083
13.	13	Portugal	Vânia Fernandes	Senhora do mar (Negras águas)	069
14.	11	Island	Euroband	This Is My Life	064
15.	16	Dänemark	Simon Mathew	All Night Long	060
16.	22	Spuenien	Rodolfo Chikilicuatre	Baila el Chiki Chiki	055
17.	03	Albanien	Olta Boka	Zemrën e lamë peng	055
18.	15	Schweden	Charlotte Perrelli	Hero	047
19.	19	Frankräich	Sébastien Tellier	Divine	047
20.	01	Rumänien	Nico & Vlad	Pe-o margine de lume	045
21.	09	Kroatien	Kraljevi Ulice & 75 Cents	Romanca	044
22.	08	Finnland	Teräsbetoni	Missä miehet ratsastaa	035
23.	04	Däitschland	No Angels	Disappear	014
24.	10	Polen	Isis Gee	For Life	014
25.	02	Groussbritannien	Andy Abraham	Even If	014

Um Spaweck

Commons: Eurovision Song Contest 2008 – Biller, Videoen oder Audiodateien

Helsinki (Finnland)		Moskau (Russland)
ESC 2007	Eurovision Song Contest	ESC 2009