Irak

Dëse Geographiesartikel iwwer Asien ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

الجمهورية العراقية al-Dschumhūriyya al-Irāqiyya (arab.) کۆماری عێراق Republik Irak
Detailer Detailer
Offiziell Sprooch:	Arabesch - Kurdesch
Haaptstad:	Bagdad
Staatsform:	Republik
• President:	Abdul Latif Raschid
• Premierminister:	Mohammed Shia' al-Sudani
Fläch:	438.317 km²
Bevëlkerung:	43.000.000 (2023)
Onofhängegkeet:	3. Oktober 1932
Nationalfeierdag:	14. Juli
Nationalhymn:	Mautini
Zäitzon:	UTC +3
Internet TLD:	.iq
Internationalen Telefonsprefix:	+964

Den Irak ass e Staat am Weste vun Asien. E grenzt u Kuwait, Saudi-Arabien, Jordanien, Syrien, d'Tierkei, den Iran an de Persesche Golf an ëmfaasst dobäi dee gréissten Deel vum "Zweestroumland" Mesopotamien tëscht dem Euphrat an dem Tigris, an deem déi fréist Héichkulturen am westlechen Deel vun Asien entstane sinn, souwéi Deeler vun den ugrenzende Bierg- a Wüsteregiounen. E gëtt zu de Maschrekstaate gezielt.

Den Irak ass zanter dem Irakkrich 2003 ënner militärescher Occupatioun duerch Truppe vun enger internationaler Koalitioun an ass fir de Moment nëmmen als deelsouverän ze betruechten. D'Zeréckkommen zu gefestegte staatleche Strukturen ass nach net duerchgoend verwierklecht.

Populatioun a Relioun

Den Irak huet no eegenen Donnéeën ongeféier 26 Mio. Awunner. Déi zentral Provënze Bagdad a Babylon sinn am dichtste bewunnt. Ongeféier 75-80 % vun der Populatioun sinn Araber, 15-20 % si Kurden, an déi lescht 5 % sinn ënner anerem Turkmenen, Chaldo-Assyrer, Yeziden, Armeenier a Sabäer.

Iwwer 97 % vun der Populatioun ass mosleemesch. Dovu si ronn 60 % Schiitten a 35 % Sunitten. E groussen Deel vun de Kurde sinn och sunittesch. Da liewen am Irak nach schätzungsweis 50.000 bis 60.000 Yeziden. Nieft de béiden Haaptrichtunge vum Islam hu sech eng ganz Rei alorientalesch Reliounen erhalen, wéi z. B. d'Jesiden an d'Mandäer. Et gëtt Membere vum orientalesch-chrëschtleche Glawen:Chaldäesch-Kathoulesch Kierch, Assyresch Kierch aus dem Osten, Al-Apostoulesch Kierch aus dem Osten, Gregorianer, réimesch a syresch Katholicken, armeenesch Chrëschten, Aalsyresch-Orthodox asw. (am Ganzen 2 % vun der Gesamtpopulatioun). Am Irak liewen ausserdeem nach no de Verdreiwungen a Massemorden ë. a. am Kader vun der "Anfal-Campagne" nach schätzungsweis 2.500 Judden an am Südosten 20.000 - 50.000 Marsch-Araber.

Kuckt och

• Saddam Hussein

Um Spaweck

Commons: Irak – Biller, Videoen oder Audiodateien