Kierfecht um Sichenhaff

Kierfecht um Sichenhaff

Um ënneschten Deel vum Kierfecht, a Richtung Pafendall gekuckt
Land	Lëtzebuerg
Gemeng	Lëtzebuerg
Uertschaft	Pafendall
Adress	Rue de Stavelot / Val des Bons-Malades
Fläch	1,4272 ha
Koordinaten	49° 37’ 15.85’’ N       06° 07’ 58.76’’ O
Gestioun	Service Cimetières vun der Stad Lëtzebuerg

Monument fir „Ons Jongen“

De Kierfecht um Sichenhaff oder Pafendaller Kierfecht (offiziell Cimetière des Bons-Malades) läit um Sichenhaff am Quartier Pafendall vun der Stad Lëtzebuerg an ass ee vun de 14 Kierfechter déi an d'Kompetenz vum Service Cimetières vun der Stater Gemeng falen.

Um Bord vum Kierfecht, bei der Eisebunnsënnerféierung, steet d'Sichenhaffer Kapell déi dem hellege Péitrus vu Verona geweit ass.

Geschicht

Um Sichenhaff, baussent der Festung, stoung vun ufanks dem 13. Joerhonnert bis zirka 1770 d'Leproserie, wou Leit déi u Lepra erkrankt waren, vum Rescht vun der Bevëlkerung isoléiert goufen, fir sou eng Weiderverbreedung vun der Krankheet ze verhënneren. Um Kierfecht deen do ugeluecht gouf, goufen uganks just déi Verstuerwen aus der Leproserie begruewen. Vu 1781 un, wéi keng „Aussätzeg“ méi do gewunnt hunn, konnten dunn all déi Verstuerwen aus der Par Sankt-Méchel do begruewe ginn.

Geographie

De Kierfecht läit um Sichenhaff, ëstlech vun der Uelzecht, laanscht dem Sichegronn. E grenzt am Norden un de Quartier Weimeschkierch an am Nordosten un de Kierchbierg.

En huet d'Kuriositéit, datt en duerch d'Eisebunnsstreck Lëtzebuerg-Ëlwen an zwee gedeelt ass.

Monumenter um Kierfecht

• Um Kierfecht steet dat sougenannt „Kommunardegraf”, e Monument als Undenken un zwéi Kommunarde vu Paräis, déi am Exil zu Lëtzebuerg gestuerwe sinn.
• Um ieweschten Deel ass e Grafmonument als Erënnerung un déi franséisch Zaldoten déi am Franséisch-Preisesche Krich vun 1870/1871 zu Lëtzebuerg gefall sinn.

Griewer vu bekannte Perséinlechkeeten

• 
  Laurent Menager

Biller

• 
  D'„Kommunardegraf”
• 
  D'Kräizer an Erënnerung un d'Affer vun der Pescht
• 
  Um ieweschten Deel vum Kierfecht

Literatur

• ons stad 44/1993 mat enger Rei Artikelen zum Sujet „Kierfecht“
  • René Clesse, Vom Sterben reden – Annäherungen an ein Tabu
  • Myriam Schmit-Cassaignau, Les peuples sont cachés dans la terre
  • Henri Beck, Bruno Baltzer, Inhumations d'hier et d'aujourd'hui

Kuckt och

• Lëscht vun de Kierfechter zu Lëtzebuerg
• Fliederchersdag

Um Spaweck

Commons: Kierfecht um Sichenhaff – Biller, Videoen oder Audiodateien