Kommissioun Santer

De Jacques Santer.

D'Kommissioun Santer war de Collège vun Europäesche Kommissären ënner dem President Jacques Santer. Si huet am Mäerz 1995 bis 1999 am Amt. Si war d'Nofollgerin vun der Kommissioun Delors III. Si bestoung aus dem President an aus 19 Kommissären, wouvunner der 2 Vizepresident waren.

Géint d'Enn vun hirem Mandat koum et zu enger politescher Affär ëm Onstëmmegkeete wéinst Personal, dat ënner dubiéisen Ëmstänn agestallt gi war. Dorënner war och e 'Beroder' vun der franséischer Kommissarin Édith Cresson, deen eng Zänndokteschausbildung hat, ma an der Generaldirektioun Fuerschung agestallt gi war.

Nodeems d'Europäescht Parlament dermat gedreet huet, e Mësstrauensvote z'organiséieren, ass déi ganz Santer-Kommissioun de 15. Mäerz 1999 zeréckgetrueden. Am Reglement vun deemools war net virgesinn, datt de Kommissiounspresident eenzel Membere vu senger Kommissioun entloosse kéint.

No enger kuerzlieweger Iwwergankskommissioun ënner dem fréiere Vizepresident Manuel Marín koum géint Enn 1999 eng nei Kommissioun ënner dem Romano Prodi un d'Rudder.

 Méi Informatioun doriwwer am Artikel: Kommissioun Prodi.

Portefeuille	Commissaire	Memberstaat	national Partei	europäesch Partei
President	Jacques Santer	Lëtzebuerg	CSV	EVP
Vizepresident, Handel	Leon Brittan	Vereenegt Kinnekräich	Conservative	ED
Vizepresident, Relatioune mam Mëttelmierraum, Latäinamerika a mam Mëttelsen Osten	Manuel Marín	Spuenien	PSOE	SPE
Industrie an Informatiouns- an Telekommunikatiounstechnologie	Martin Bangemann	Däitschland	FDP	ELDR
Konkurrenz	Karel Van Miert	Belsch	PS	SPE
Aussepolitik	Hans van den Broek	Holland	CDA	EVP
Relatioune mat Staaten an Afrika, an der Karibik an am Pzifikraum (AKP), a mat Südafrika, Entwécklungshëllef	João de Deus Pinheiro	Portugal	PSD	EVP
Beschäftigung, Soziales a Chancegläichheet; Relatioune ma Europäesche Wirtschafts- a Sozialcomité	Pádraig Flynn	Irland	Fianna Fáil	–
Relatioune mam Europäesche Parlament, Kultur a Politik am audiovisuelle Beräich	Marcelino Oreja Aguirre	Spuenien	PP	EVP
Immigratioun, Bannescht Affären a Justiz, Relatioune mam Ombudsman, Finanzkontroll, Bedruchsbekämpfung	Anita Gradin	Schweden	SAP	SPE
Wëssenschaft, Fuerschung an Entwécklung	Édith Cresson	Frankräich	PS	SPE
Ëmwelt an nuklear Sécherheet	Ritt Bjerregaard	Dänemark	SD	SPE
Relatiouen mam Comité vun de Regiounen, Regionalpolitik a Kohäsiounsfonds	Monika Wulf-Mathies	Däitschland	SPD	SPE
Euratom a Verkéier	Neil Kinnock	Vereenegt Kinnekräich	Labour	SPE
Bannemaart, Servicer, Steieren an Douanesunioun	Mario Monti	Italien	ouni	ouni
Landwirtschaft a ländlech Entwécklung	Franz Fischler	Éisträich	ÖVP	EVP
Fëscherei, Konsumenteschutz an ECHO	Emma Bonino	Italien	PR
Finanzen a Budget, Wirtschaft, Wärung an Eurostat	Yves-Thibault de Silguy	Frankräich	ouni	ouni
Budget, Personal a Verwaltung	Erkki Liikanen	Finnland	SDP	SPE
Energie, Mëttel- a Klengbetriber an Tourismus	Christos Papoutsis	Griicheland	PASOK	SPE