Natur- a Bëschverwaltung

Vu Wikipedia
(Virugeleet vu(n) Naturverwaltung)
Op d'Navigatioun wiesselen Op d'Siche wiesselen
D'Récksäit vun der Natur a Bëschverwaltung zu Dikrech

D'Natur- a Bëschverwaltung, meeschtens einfach Naturverwaltung genannt, offiziell Administration de la nature et des forêts, ass eng staatlech Verwaltung zu Lëtzebuerg, déi zoustänneg fir d'natierlech Ëmwelt ass. Si ënnersteet dem Ëmweltminister.

Dës Verwaltung ass aus der Forstverwaltung (Administration des eaux et forêts) ervirgaangen, déi den 1. Juli 2009 duerch d'Gesetz vum 5. Juni 2009 op Natur- a Bëschverwaltung ëmbenannt gouf.[1].

D'Natur- a Bëschverwaltung huet hiert Haaptgebai zu Dikrech.

Missiounen[änneren | Quelltext änneren]

  • Naturschutz, Erhale vun den natierleche Ressourcen, vun der Biodiversitéit a vun de Landschaften;
  • Erhalen an nohalteg forstlech Verwalte vum ëffentleche Bësch[2];
  • Promotioun vun enger nohalteger forstlecher Bewirtschaftung an de private Bëscher;
  • Schutz an nohalteg Bewirtschaftung vum Wëld;
  • Sensibiliséiere vun der Ëffentlechkeet an de Beräicher Natur a Bëscher;
  • Iwwerwaachen a Police an de beräicher Naturschutz, Bëschschutz, Juegd a Fëscherei.

Centres d'accueil[änneren | Quelltext änneren]

D'Naturverwaltung geréiert fënnef Centres d'accueil, mat der Missioun iwwer den Naturschutz z'informéieren.[3] Vu jiddwerengem vun deene fënnef Zentre geet e Naturléierpad fort.

Organisatioun[änneren | Quelltext änneren]

  • Direktioun mat 3 Zellen
    • Ëffentlechkeetsaarbecht
    • Informatik
    • Mobill Eenheet fir d'Iwwerwaachen an d'Police an de Beräicher Naturschutz, Bëschschutz, Juegd a Fëscherei
  • Divisioun vun den zentralen Déngschter (konzeptuell a funktionell Attributiounen)
    • Service vun der Natur
    • Service vun de Bëscher
  • Divisioun vun den regionalen Déngschter (Attributiounen am operationelle Beräich)
    • Arrondissementer mat Brigaden, Revéieren an aner ugebonne Servicer.

2015 beschäftegt d'Naturverwaltung 410 Mataarbechter: 280 Aarbechter, 80 Fierschteren, 20 Ingenieuren a Biologen an 30 Bureausbeamten[3].

D'Forstverwaltung am Laf vun der Zäit[änneren | Quelltext änneren]

Am Laf vun der Zäit huet den Numm vun der Verwaltung changéiert:[4]

  • Administration forestière (Gesetz vum 1. Juni 1840)
  • Administration des eaux et forêts (Gesetz vum 7. Abrëll 1909)
  • Administration de la nature et des forêts (Gesetz vum 5. Juni 2009)

Och den Titel vum Chef vun der Verwaltung gouf mat der Zäit ugepasst:[4].

  • “maître forestier” (Gesetz vum 1. Juni 1840)
  • “garde général en chef” (Gesetz vum 14. November 1849)
  • “inspecteur des eaux et forêts” (Gesetz vum 17. Mee 1874)
  • “directeur” (Gesetz vum 7. Abrëll 1909)

D'Leit un der Spëtz vun der Forstverwaltung mat dem Joer vun der Nominatioun:[5]

Literatur[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[Quelltext änneren]

  1. Cf. Loi du 5 juin 2009 portant a) création de l'Administration de la nature et des forêts b) modification de la loi modifiée du 22 juin 1963 fixant le régime des traitements des fonctionnaires de l'Etat c) abrogation de la loi modifiée du 4 juillet 1973 portant réorganisation de l'administration des Eaux et Forêts. Mémorial A Nr. 142 vum 18. Juni 2009.
    Fir d'Situatioun virdru cf. den Texte coordonné (Pdf): Loi du 4 juillet 1973 portant réorganisation de l'administration des eaux et forêts. Mém. 1973, 955; mod. L. 5 juillet 1989, Mém. 1989, 964; L. 28 mai 2004, Mém. 2004, 1548.
  2. Den ëffentleche Bësch, op Franséisch forêt soumise genannt, besteet aus Bëscher, déi dem Staat, de Gemengen, den ëffentlechten Etablissementer oder de Kierchefabrécken gehéieren
  3. 3,0 3,1 Rita Ruppert, 2015. "Administration de la nature et des forêts" besteht seit 175 Jahren. Luxemburger Wort vum 18. Juni 2015, S. 18.
  4. 4,0 4,1 Wolter 2015, S. 173.
  5. Wolter 2015, S. 181.
  6. Conseil de gouvernement: Résumé des travaux du 20 septembre 2001