Désirée Nosbusch

Vu Wikipedia, der fräier Enzyklopedie.

D'Désirée Nosbusch ass eng lëtzebuergesch Schauspillerin déi och Televisounssendunge moderéiert. Si ass de 14. Januar 1965 zu Esch-Uelzecht op d'Welt komm.

Inhaltsverzeechnes 1 Hir Carrière 2 Filmer 2.1 als Schauspillerin 2.2 als Regisseur 3 Televisioun 3.1 Tëleefilmer a Serien (eng Auswiel) 3.2 Moderatioun (Auswiel) 3.3 Interview 4 Triviales 5 Linken 5.1 Kuckt och 5.2 Um Spaweck

[änneren] Hir Carrière

Hir Carrière huet d'Désirée Nosbusch mat nëmmen 12 Joer beim däitschsproochege Radiosprogramm vun RTL ugefaang. Do huet se Kannersendunge co-moderéiert, mee geschwë krut se eng eege Sendung (Hits von der Schulbank). Op der däitscher Televisioun huet se zesumme mam Anke Engelke eng Kannersendung an der ARD moderéiert, an am ZDF krut se geschwënn hir eegen Emissioun (Musicbox).

Mat 16 Joer dréit d'Désirée Nosbusch hiren éischte Film (Nach Mitternacht), a gläich drop en zweeten (Der Fan), dee fir Opreegung suergt, well de weiblechen Haaptpersonnage e Popstar, deen en unhimmelt, wuertwiertlech zum Friesse gär huet. Gläichzäiteg suergt se fir Zodi an der biderer däitscher Televisiounslandschaft, well se sech an enger Sendung mam Bayresche Ministerpresident Franz-Josef Strauss an d'Hoer kritt, an dofir mat Protestbréiwer zougeschott gëtt.

Wéi dat Ganzt ufänkt zevill dees Gudden ze ginn, geet d'Désirée Nosbusch op New York an eng Schauspillschoul. Si kënnt awer hannescht op Lëtzebuerg, fir do 1984 de Grand Prix Eurovision de la Chanson ze moderéieren.

An de Joren dono pendelt se tëschent Europa an Amerika hin an hir. Se spillt regelméisseg a Filmer (Kino an Televisioun) mat (dorënner e puer vum Andy Bausch) a moderéiert, virun allem op der däitscher Tëlee, verschidde Galaen a Variétésendungen. Fir d'éischt op der Theaterbühn war se 2006 bei de Ruhrfestspiller zu Recklinghausen, wou se d'Katherina am William Shakespeare sengem Kaméidistéck Der Widerspenstigen Zähmung ënner der Intendanz vum Frank Hoffmann gespillt huet.

2001, no enger Ausbildung vun e puer Joer als Regisseurin, realiséiert d'Désirée Nosbusch hiren éischte Kuerzfilm (Icecream Sundae), mam Tippi Hedren an der Haaptroll.

D'Désirée Nosbusch war mat dem éisträichesche Filmkomponist Harald Kloser bestuet, mat deem se zwee Kanner huet: Lennon-Noah a Luka-Teresa. Momentan lieft si mat hire Kanner zu Berlin.

[änneren] Filmer

[änneren] als Schauspillerin

• Nach Mitternacht (1980) vum Wolf Gremm
• Une glace avec deux boules ou je le dis à Maman (1982) vum Christian Lara
• Der Fan (1982) vum Eckhart Schmidt
• Sing Sing (1983) vum Sergio Corbucci
• Questo e quello (1983) vum Sergio Corbucci
• Good Morning, Babylon, (ënner dem Numm: Désirée Becker) (1987) vum Paolo Taviani a Vittorio Taviani
• A.D.A.M. (1988) vum Herbert Ballmann
• A Wopbopaloobop A Lopbamboom (1989) vum Andy Bausch
• Jean Galmont, aventurier (1990 ) vum Alain Maline
• La femme fardée (1990) vum José Pinheiro
• Three Shake-a-leg Steps to Heaven (1993 vum Andy Bausch
• Der Unfisch (1997) vum Robert Dornhelm
• The Contaminated Man (2000) vum Anthony Hickox
• Feindliche Uebernahme (2001) vum Carl Schenkel

[änneren] als Regisseur

• Ice Cream Sundae (2001) (Kuerzfilm) mam Tippi Hedren

[änneren] Televisioun

[änneren] Tëleefilmer a Serien (eng Auswiel)

• Der Raub der Sabinerinnen (1983) vum Rolf von Sydow (ARD)
• Morgengrauen, Deel 1, 2 an 3 , 1984 aus der Serie Ein Fall für zwei , ZDF
• Der Glücksritter (1984) vum Hans-Jürgen Togel
• Die Klette (1986) vum Herbert Ballmann
• Ex und hopp (1990) vum Andy Bausch
• Jolly Joker (1991) vum Marco Serafini
• Felipe ha gli occhi azzurri (1992 vum Gianfranco Albano
• Böses Blut (1993) vum Dagmar Damek
• Michele va alla guerra (1994) vum Franco Rossi
• The Way to Dusty Death (1995) vum Geoffrey Reeve
• Die Aktion (1996) vum Thomas Bohn
• Die Sünde einer Nacht (1996 vum Michael Keusch
• Mio padre è innocente (1997) vum Vincenzo Verdecchi
• Opernball (1997) vum Urs Egger (SAT 1)
• Amico mio 2 (1998 vum Paolo Poeti
• Killer Deal (1999) vum Clay Borris
• Der Mörder in meiner Nähe (2000) vum Bernd Böhlich
• High Explosive (2000) vum Timothy Bond
• Love Trip (2001) vum Richard Huber
• Ein Albtraum von 3 1/2 Kilo (2002 vum Uwe Janson
• Das Geheimnis des Lebens (2002) vum Miguel Alexandre
• Spurlos - Ein Baby verschwindet (2003) vum Hans Werner
• Der Vater meines Sohnes (2004) vum Dagmar Damek
• Eine Liebe in Saigon (2005) vum Uwe Janson
• Das Geheimnis von St. Ambrose (2006)
• Die Jäger des Ostsee-Schatzes (2007)
• Der Tod meiner Schwester (2008)
• Avalanche (2008)

[änneren] Moderatioun (Auswiel)

• Grand Prix Eurovision de la Chanson (1984)
• Demain c'est dimanche (France 2) (1985 et 1986)
• Weltfussball-Gala (1991)
• The World Sports Awards of the Century (1999)
• Expo 2000 - Pop Meets Classic (ZDF) (2000)
• Die goldene Kamera (2002)
• Johannes Heesters - Eine Legende wird 100 (ARD) (2003)
• 2. Lëtzebuerger Filmpräis (2005)

[änneren] Interview

• Youtube.com Désirée Nosbusch interviewt de Klaus Kinski (Zeit zu Zweit - 1985)

[änneren] Triviales

D'Désirée Nosbusch ass ënnert verschiddenen Nimm am Film opgetrueden ('Becker' ass den Numm vun hirer Bomi):

• Désirée Nosbusch
• Désirée Becker
• Désirée Becker-Nosbusch
• Désirée Nosbusch-Becker

[änneren] Linken

[änneren] Kuckt och

• Lëscht vu Filmschauspillerinnen

[änneren] Um Spaweck

• D'Désirée Nosbusch an d'Televisioun (de)
• Désirée Nosbusch Fansäit (de)