L'envol (Lucien Wercollier)
|
Dësen Artikel beschäftegt sech mat der Statu "L'envol" vum Lucien Wercollier. Fir aner Staute mat deem Numm, kuckt wgl. L'envol. |
 | |
| Typ | Skulptur |
|---|---|
| Land | Lëtzebuerg |
| Gemeng | Lëtzebuerg |
| Plaz | Parc Tony-Neuman |
| Koordinaten | 49°37'13,472"N, 6°6'34,024"O |
| Héicht | 1,80 m |
| Material | Marber |
| Kënschtler | Lucien Wercollier |
| Bauhär | Tony Neuman |
 | |
L'envol, och nach La fusée genannt, ass eng monumental Skulptur am Marber vum Lucien Wercollier, déi am Parc Tony-Neuman um Lampertsbierg an der Stad Lëtzebuerg steet.
D'Skulptur steet op enger am Krees amenagéierter Plaz, mat dräi Bänken, am südwestlechen Eck vum Park, nieft der Begrenzungsmauer, laanscht e Pad deen an de Rollengergronn erof féiert.
D'Plaz am Park fënnt een, wann ee vun der Zär vum Park aus iwwer de Wee laanscht d'Mauer vum Park, ënner enger Rei vu metalle Béi erduerch, a Richtung Rollengergronn geet.
Lénks vum Wee ass eng aner Skulptur, am Steen, vum Wercollier ze gesinn: L'éternel féminin.
D'Skulptur
[änneren | Quelltext änneren]Wéi hir béid Nimm et soen, huet d'Skulptur d'Form vun enger Rakéit. Si ass an den 1960er Joren, zur Zäit vun der Eruewerung vum Weltraum, entstanen.
L'envol huet de Kënschtler an zwou Versioune sculptéiert:
- eng monumental Versioun, am Marber, 180 Zentimeter grouss, aus dem Joer 1967. Si gouf vum Tony Neuman ugeschaaft an am Park bei senger Villa opgestallt. D'Skulptur gouf net vum Kënschtler signéiert.
- eng kleng Versioun, am Onyx, aus dem Joer 1980. Si ass 44 Zentimeter grouss.
Quellen
[änneren | Quelltext änneren]- Josée Kirps, 2001. Lucien Wercollier. In Robert Theisen (Koord.): Luxembourg sculptures. Skulpturen - Sculptures. S. 123-127. Éditions Îlôts, Steesel. ISBN 2-87996-932-8.
- Joseph-Émile Muller, 1983. Lucien Wercollier. Publication de la Section des arts et lettres de l'Institut grand-ducal. Imprimerie Saint-Paul, Lëtzebuerg. 132 S. Ouni ISBN.
Kuckt och
[änneren | Quelltext änneren]- L'envol, eng bronze Skulptur vun der Charlotte Engels um Findel
Aner Skulpture vum Lucien Wercollier an der Stad Lëtzebuerg:
- Le prisonnier politique beim Hinzerter Kräiz um Lampertsbierg
- Interpénétration um Boulevard Royal
- L'accord am Pescatore Park
- Croissance beim europäesche Geriichtshaff um Kierchbierg
- Signe dans l'espace um Zens
- La rampante um Geesseknäppchen
- Fir Biller vu weidere Skulpture vun dësem Kënschtler, kuckt Lucien Wercollier.