Raphael Gindt

Vu Wikipedia
Op d'Navigatioun wiesselen Op d'Siche wiesselen
Raphael Gindt
My-urban-piano-2-di-rg.jpg
De Raphael Gindt (lénks) mam Pianist David Ianni (riets) beim "raschtege" Piano Heartland (Juni 2017)
Gebuer 7. Mee 1993
Lëtzebuerg
Nationalitéit Lëtzebuerg
Aktivitéit Kënschtler, Foussballspiller, Politiker
Famill
Papp Jean-Louis Gindt
Wikidata-logo-without-paddings.svg

De Raphael Gindt, gebuer de 7. Mee 1993 an der Stad Lëtzebuerg, ass e lëtzebuergesche fräischaffende Kënschtler.

Hie bezeechent sech selwer als Urban Artist, Street Artist, Muralist, Expressionist a Surrealist, deen e Schwéierpunkt op legal Graffiti am ëffentleche Raum leet. Dofir versteet hien sech och als Kënschtler, net als Tagger[1]. Doniewent schafft hien och op Glas, dat hien a Graffititechnik beaarbecht, esouwuel als Bild wéi als Skulptur. Seng Wierker sinn niewent Lëtzebuerg, och an der Belsch, a Frankräich, an Däitschland, an Italien, am Vereenegte Kinnekräich an an den USA ze gesinn. Hie schafft och mat Jugendhaiser, Schoulen, Associatiounen zesummen, wéi der Kulturfabrik, MASKéNADA, APEMH, wou hie virun allem mat Jonken Graffitiworkshoppe leet.

Zesumme mam Daniel Mac Lloyd huet hien den 29. September 2018 d'Konschtgalerie Kamellebuttek zu Esch-Uelzecht opgemaach[2] [3]. Donieft hunn si zwee zwou Asblen am Beräich Konscht gegrënnt. Am Januar 2019 hunn déi zwéi Kënschtler am Kamellebuttek eng eege Konschtschoul opgemaach[4].

Bei de Gemengewale vum 8. Oktober 2017 ass hien zu Leideleng an de Gemengerot gewielt ginn. Am Gemengerot vum 29. Januar 2019 gouf hien als Schäffe gewielt[5] an de 14. Februar 2019 vun der Inneministesch Taina Bofferding vereedegt[6], nodeems den 1. Schäffen Tom Berend zeréck getrueden ass.

A senger Fräizäit spillt hie Foussball an ass Golkipp.

Ausstellungen[änneren | Quelltext änneren]

Perséinlech[änneren | Quelltext änneren]

  • 2019 Artifact, New York City
  • 2018 Kamellebuttek, Esch-Uelzecht
  • 2016 Galerie d'Art du SIT, Schëffleng
  • 2016 Vitralux, Lëtzebuerg
  • 2015 peppe parola – Art Gallery, Lëtzebuerg

Gruppenausstellungen[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Raphael Gindt – Biller, Videoen oder Audiodateien

Referenzen[Quelltext änneren]

  1. KULTESCH Juni-August, 2017, S. 48-49, RAPHAEL GINDT Der Rastlose
  2. Luc Labulle, "Wir sind ein richtiger 'Kamellebuttek'", Bruch, Neue Kunstgalerie eröffnet am 29. September, tageblatt 31. 08. 2018, S.26; Straßenkünstler eröffnen eigene Galerie im Escher Bruch op tageblatt.lu
  3. Kamellebuttek - L'ouverture d'un nouvel espace créatif à Esch-sur-Alzette op culture.lu
  4. Bill Wirtz, Eine Kunstschule für alle, Lëtzebuerger Journal, 9. 1. 2019
  5. Raphael Gindt tritt in Leudelingen die Nachfolge von Tom Berend an., wort.lu, 29.1.2019, 16:31
  6. Assermentation de deux échevins de la commune de Leudelange et de la commune de Vallée de l’Ernz, 14.2.2019